طلب من فيلسوف العرب واحد واحد شوية فى الألفاظ لإنها فعلآ جامدة عشان بس يكون النقاش محترم و بعيدآ عن المهاجمات او الحذف
و شكرآ
عرض للطباعة
طلب من فيلسوف العرب واحد واحد شوية فى الألفاظ لإنها فعلآ جامدة عشان بس يكون النقاش محترم و بعيدآ عن المهاجمات او الحذف
و شكرآ
يا عمور انا مقصدش تجريح خالص بس بجد في حاجات تخليك تشد في شعرك
وهاحاول يا عمور خاضر
ممكن دلوقتي زواج الاجانب مش منتشر بس بعد 3 او اربع سنين لو احنا استمرينا نفكر بالشكل ده النسبه هتكون عاليه جدا وساعتها بجد هتبقي خطر
يا expert انا 25 سنه برده مش عجوز يعني
السفر و الزواج من إجنبيات و الإنفتاح علي ثقافات اخري ،،
مش كله عيوب ،،
يكفي إن نعرف إن جزء كبير من المعجزة الصينية ،، الصينين المهاجرين في أنحاء العالم
و كذلك في الهند ،، اللي بيعتبروا دبي و لندن بلدهم التانية
بص يا أستاذ فيلسوف العرب
أنا بكلم حضرتك عن تجارب شخصية ...... لأني عيشت فترة كبيرة في أوروبا
أنا ما أقصدش إن بتوع بره وحشين أو حلوين
و لكن كل شخصية و لها مميزاتها و عيوبها ...... و كما قلت أنت مش مهم ماضي زوجتك مادام مستقبلها معك مضمون
بس برضه ده لا يمنع إن الزوجة المصرية اللي بنت ناس محترمين و متربية كويس هاتكون أحسن من واحدة أجنبية . بإختصار في بنات كتير بنت ناس و متعرفش موضوع الخروج مع صبيان و عمل حاجات قليلة الأدب
و انا لا أعمم ..... لا على مصريين أو أجانب
و لكن لي رأي في بنات أوروبا ........ إذا كنت عايز تتجوز أوروبية و تستقر لازم يكون سنها فوق 30 سنة ......... لأن تحت السن ده هاطلع عينك ( الأغلبية ) و السن ده بيضمن ليك أنها عقلت شوية و بدأت تفكر في جدية الحياة و هكذا
بلدنا للأسف في انحدار من شتى نواحي الحياة ........ و لكن يجب أن نبقى و نحارب من أجل تلك البلد و نرفع من شأنها ( الذي وضعناه في التراب بأيدينا )
المهم ........ الزواج من أجنبية أو مصرية في الآخر أسمه زواج و نجاحه يتوقف على مدى تفاهم الزوجين و مدى قدرتهم على استيعاب المشاكل الحياتية اليومية و المستمرة بين الزوجين و التي تحدث بين أي زوجين ........ و موضوع المدارس الإسلامية ده و إن كان موجود سيكون موجود في نطاق ضيق جدا جدا جدا
لأن أنا بصراحة مشوفتش حاجة زي كدا في أوروبا ( ممكن حضانة أما مدرسة فلا )
لأنهم مؤمنين بالعلمانية و إذا تم فتح مدرسة إسلامية سيطالب اليهود بنفس المبدأ و الله أعلم .
في الحقيقة ليس عندي معلومات كثيرة عن هذا الموضوع بالنسبة للمدارس الدينية
على العموم ربنا يباركلك في زواجك
طب يا عم .. الحال من بعضه يعني .. بس شوفت بقي جوازك من اجنبيه عمل معاك ايه ؟ بقيت مختلف 180 درجه .. حال البلد كله تمام .. بس عشان تبقي تمام .. لازم تلف و تدوور .. و الواحد مايحبس اللف و الدوران ..(اكيد بقي عندك نفس انفصام الشخصيه اللي عندي ده ..)
احنا اصلاً شغالين في الاستيراد .. و شغلانه حلوه برضه .. بس لحد ما الدولار كان بسعر معقول .. (تخصصنا كان قطع غيار سيارات .. بس نظراً لحال البلد بقي علي الله السلام في الشغلانه )
خد ايميلي
trinitytuning@Hotmail.com
ضفني عندك تقرف في بعض شويه ..و نحرق دم بعض :D
شكرا استاذ توت عنخ امون
بس جديا انا مبتكلمش عن نفسي انا بتكلم عن المبدا نفسه
بالمناسبه انا زوجتي 24 سنه برده ووالله متدينه اكتر مني (مع اني ازهري )
وكلام حضرتك سليم وصح المهم الاتنين يكونوا متوافقين مش مهم الجنسيه
لو احنا نفكر كده نبقى بدانا نفكر صح
وانا بفكر في 10 سنين قدام الموضوع ده هينتشر جدا بشكل يخوف بجد
انا عن نفسي مقتنع مليون الميه باللي انا بعمله
بس نفسي الشباب يفكر برده بليجابيه
والبلد دي بجد حلوه اوي اوي انا شفتها من السلوم لطابا ومن وادي حلفا لراس البر
جامده موووووووووووت بجد تتحب والله بعيط لما بشوف صحرا سينا ولا جبال كاترين يااه بلد حلوه اوي
بس بقيت بخاف من ناسها اوي مش عارف
بص يا فيلسوف
متخافش الناس زيما ممكن تتغير للاسوأ ممكن تتغير للاحسن
و اناكمان لفيت مصر .. البلد دي بجد تهبل تجنن .. مفيش اجمل من كده
و علشان الكلمتين الحلوين اللي قلتهم حلال عليك الخارجية
اكسبرت .. المالية دي محجوزة .. ممكن وزارة التموين فيها سبوبة حلوة برضو
يا ريس تسلم يا كبير
الهي ما يسخن لك موتور ولا يسد لك شكمان
نعيب زماننا و العيب فينا .. و ما لزماننا عيب سوانا ..
ماشي يا عم .. ناخد الهجره و التموين .. و لو اتزنقت في وزراء تاني انا موجود
:D :D :d
???!!!!! ... بره ده تبقى فين بالظبط ؟؟ اى دوله تقصد ؟؟ طيب اذا كان العالم كله زى بعضه فى الفساد و الاستعباد.. الخ ليه دول كتير متقدمه عنا ؟ ليه فى قانون و نظام و ديمقراطية و انتخابات نظيفه و محاسبة اكبر رؤؤس فى الدولة ( اقدر اذكر لك مئات الامثلة )و ليه اسوأ العناصر
عندنا هى اللى بتاخذ كل المناصب الهامة الموثرة ؟ .. طبعا فى جوانب سلبية فى كل الدنيا لكن الفارق هو ان لا احد فوق الفانون و الحساب و الفارق ان المواطن هناك يتم التعامل معه على انه انسان محترم و شريف و له كل الحقوق مش مهانه كرامته و ليس له قيمه فى نظر الباشوات .. طبعا مش بتكلم على دول زى رواندا و بروندى و بورما و نيبال .. الخ ! ..
الموضوع مش موضوع فساد مغلف بالجرنال و الا بالسوليفان .. الموضوع هو سيستم يشجع على الفساد و سيستم يحاربه ... يا راجل الفساد عندنا وصل حتى ان كبار الفاسدين معدش حتى عندهم حياء و لا بيهمهم كلام الناس طالما محدش بيحاسبهم و طالما بيدفعوا نسبة مقننه للكبار !
يا استاذنا اذا كنت تعرف النرويج يمكن تعرف ان ملك النرويج السابق عندما كان ملكا كان انسان بسيط بيخرج من القصر بالبسكلته و يمشى فى شوارع اوسلو و الناس تحييه لانها بتحبه من غير حرس و لا هيلمان زى اتفه وزير عندنا بيعمل !!.. معرفش مين الملك او الملكة حاليا لكن اكيد
سلوكه لن يختلف و قيس على ده كل الدول المحترمة..مفيش فروق بين الناس و مفيش تشجيع على الفساد و الافساد و لا فرعنه للى على الكرسى
يا سيدى النرويجو الاتحاد الاوربى بتدى مساعدات مالية للفلسطنيين اكتر من السعودية رغم انها اقل ثراء بكتير و زعمائنا بيتاجروا بالقضية ..
للاسف كل تفكيرنا عن اوربا و الغرب هو الحرية الجنسية !!! و لو شفت اقبالنا هنا على قنوات الدش اياها و مواقع النت اياها و التحرش المنتشر تعرف ان ثقافة النفاق مغلفة حياتنا و اننا بنضحك على نفسنا .