الفابيا 2010 اوتو 1600 بقت بـ 125 الف بدلاً من 109 الفحسبي اللـــه ونعـــم الوكيـــل
اوتو 1600 سبورت بـ 145 الف بدلاً من 119 الف
عرض للطباعة
الفابيا 2010 اوتو 1600 بقت بـ 125 الف بدلاً من 109 الفحسبي اللـــه ونعـــم الوكيـــل
اوتو 1600 سبورت بـ 145 الف بدلاً من 119 الف
:11air[1]::70[1]::036:
خلوها تولع....مش تصدي بس
حسبنا الله و نعم الوكيل.....استغلال مفيش بعد كده....
انا قعدت أقرا كل سطر مرتين عشان أتأكد إن الي أنا قريته صح!!!!!
حسبي الله ونعم الوكيل والناس زعلانه إن فيات بعد ما رخصت العربيه ٢٥ ألف رجعت زودتها ألفين يعني المجمل رخصت ٢٣ ألف والناس تقولك فيات مش محترمة عشان زودت ألفين!!!!
واللي يضايق انك تلاقي ناس بتشتري بردوا
حاجة غريبة جدا
يا جماعة انا اول ماشفت العربية فرحت جداً انهم نزلوا موديل 2010 بعد الكلام اللي سمعناه انهم وقفوا استيرادها لمصر
فقلت فرصة اسأل على المواصفات والاسعار فلما الراجل اشجاني بالسعر انا اتصدمت بجد واتضايقت جداً
فقلتله والله حرام عليكم ازاي بالأسعار دي عايزين الناس تشتري امال فين ال 10% تخفيض جمارك
قالي دي سياسة التوكيل وقعد يقول اي كلام
قلتله بص من الآخر انا كنت بحب العربية دي جداً وكنت مستغلي سعرها القديم بس على الأسعار دي يبقى خلوها عندكم تدفي مكانها. سلام عليكم
الناس هتشتري برده وهيقولو نلحقوا نشتروها قبل ماتغلي اكتر
بجد خبر مش كويس خالص
العربيه برضه صغيره مهما كان فيها من الكماليات متوصلش لسعر عربيات زي الميجان و البرافو و الفلونس و الكورولا و العربيات السيدان
هيه كده سعرها رجع لايام قبل الازمه الاقتصاديه
بنصح اللي عاجباه العربيه يتجه للابيزا احسن حيث انها نفس العربيه مع فرق بسيط في الكماليات
مش هقدر اقول اكتر من حسبي الله ونعم الوكيل وكلاء دول ولا تجار في سوق العبور
عشان كده انا كنت بقول لاصحابي معقولة بعد عشر سنين الجمارك هتتلغي خالص وهيبقي الواحد ممكن يشتري البي ام والاودي والمرسيدس بسعر الكورولا او اللانسر مثلا دلوقتي
في رايي اكيد هيعملوا حاجة مش بعيد يدفعونا فلوس بدل ثاني اكسيد الكربون ادفع علي كل جرام 5000 جنيه
المصري مش من حقه يركب عربيات نضيفة زي بقيت الخلق
حسبي الله ونعم الوكيل
إيه الأسعار الغريبة دى ؟؟؟؟؟؟؟؟؟؟؟
ده بالاضافه لسعر اليورو اللي نزل مؤخرا.
Currency Converter | OANDA
بمناسبة انخفاض الجمارك ,,, ارتفاع سعر السيارات . سلسلة الألغاز المصرية
انتوا زعلانين ليه ياجماعه
ده العادى بتاعنا واللى اتعودنا عليه
خلاص عصر السادات مش جاى تانى كل سنه وانتوا طيبين :)
وطول ماالعجلة شغاله ... مصر بتجيب رجالة :)
يبقا انت اكيد اكيد في مصر
طيب والفنتزيا مفيش عنها اى اخبار
وحسبنا الله ونعمة الوكيل
هههههه
الموضوع دة فكرني من سنة كدة تقريباً لما الاسعار غليت قال لك عشان الدولار غلي، و بعدها بفترة غليت تاني قال لك عشان الدولار رخص
دي اسمها قلة ادب ونصب علني
عندك حق والله يا احمد الواحد مش عارف ينقل الخبر ده عندنا ولا ايه!!! عالم بتستهبل وعايشين فى وهو كبير وكل همهم انهم يكسبوا كتيييير على حساب الشعب، حسب الله ونعمة الوكيل، انا العربية دى كنت بحبها على الكماليات اللى فيها وسعرها لكن دلوقتى لا والاف لا
ربنا يباركلنا فى اللى ماسكين التسعير فى فيات ويارب يفضلوا على كده.
يا رب يا ديمصري
مبروك علينا الصمت الابدى
يا ترى يا جماعة هل من الممنك نكون اكتاف مرة زى ما كنا بنشجغ المنتخب
يوم متش المنتخب الشوراع كانت فاضية و لا و قت الفطار فى رمضان
مش من باب اولة اننا نتجمع على حاجة
انا مش قصدى على العربيات
اى حاجة تانى
هل دة ممكن يحصل
يعنى ازاى العربيه توصل 145 هيا الناس دى فكارنا بنسرق الفلوس
تعالوا نكون إيجابين مرة واحدة ونشتكى فى جهاز حماية المستهلك نمرتهم19588 وهشتكى فى مصلحة الجمارك ووزارة الماليه وياريت محدش يبقى سلبى و يقول مش هيعملوا حاجة حتى لومش هيعملوا العيار الى ميصبش بيدوش وأنا مجرب قبل كده وحقى جالى والحمد لله أنا هكلمهم دلوقتى وهشتكى أرتوك أنه ملتزمش بتخفيض الجمارك. وياريت الكل يتكلم عشان بلدنا مش بتتحرك الا لما بيبقى الموضوع ظاهرة وأكثرمن واحد بيتكلم ويشتكى ... أنا كمان الى نرفزنى أكثر لما قولتلهم مخفضتوش ليه رد عليا الأستاذ هناك قالى لا محنا زودنا كماليات وخلينها بنفس السعر (الكلام على الفانتازيا) قولتلوا زودتو ايه بقى؟ رد وقال الكاسيت بقى MP3 والطارة بقيت Multi Functions بصراحة كنت هقوله يخى ...... مش كفاية بتسرقونا كمان بتعاملونا على أننا بقر الكماليات دى انا شايفها فى العربية من ساعة منزلت يعنى مزادتش ولا حاجة والله حاجة تحرق الدم يعنى مش بس حرامية لا كمان بيستخفوا بعقولنا ...هم بيراهنوا على سلبيتنا ياريت نبقى إيجابيين بقى. وأنا هبدء بنفسى هااا فى حد معايا ؟؟؟
يا جماعة الحل الوحيد عدم شراء العربية
وخليها تصدي عندة
طول ما الوكيل بيغلي السعر والناس بتشتري
اية اللي يخلية ينزل السعر
عملا بمبدأ لية اكسب قليل لما ممكن اكسب كتير
طيب ومنركبش عربيات ؟؟؟ كمان مش كل الناس هتقاطع عايزين حل جزرى وهو أننا نغير الواقع مش نديله ظهرنا
و احنا نزعل ليه ؟ خليهالهم و فى بدايل تانية كتير الحمد لله
ابيزا , جراند بونتو , ميجان 3 ,i30 و غيرهم كتيير
استهبال رسمي
هما عاملين كدة علشان كمان كام شهر يعمل عرض و يخفض شوية
يعني يبيع اللي يقدر عليه بالسعر العبيط دة و بعدين يعمل عرض و يبيع اكنر
مفيش اي حمايه للمواطن
أنا بقى خفضت بدراعى ... عشان اقولكم لازم نشتكى نزلت الفانتازيا لحد 164000 وان شاء الله أنزلها أكثر
السوق هيفضل واقف سنتين تلاتة ع الاقل
اللى كان بيفكر اشترى واللى لسة هيفكر
كله مستنى تخفيضات مش لعب عيال
متقلقوش ي جماعة العربية دي هتصدي و موديلها هيعدي بجد . فابيا اة دي ايلي تستاهل 149 الف انا ب الفلوس دي اركب اوكتافيا مانيول او كورولا اوتو . الناس دي فعلا عيشين ف الوهم و فاكرين انها هتتباع .
يااااااااااااااااه كل دي تخفيضات الناس دي هبلة ولا اية
لما كنت فى التوكيل سألت على الموضوع ده قالى الراجل ان ده كان عرض سعر على009 وخلص ولما سألت على التخفيض الجمركى قلى الجمارك نزلت من الحكومه للتاجر ومش لازم التاجر ينزل السعر وجايز قدام مع المنافسه ننزل شويه