مساعدة على وجه السرعة Kia Soul Vs Kia Carens
السلام عليكم ورحمة الله وبركاته خلاص الوالده استقرت على العربيتين دول الكارينز والسول اتوماتيك طبعا والميزانية لغاية 130 الف بسسس
وهية مفوضة الامر لية فى اى منهم الافضل ,,, من رأيي السول افضل تماما فى التقفيل والصاج والاتزان والثبات وأمان اكتر دا وجهت نظرى المتواضعة طبعا انا مش خبير اوى بالنسبة للوسع الكارينز اوسع حاجة بسيطة ودا مش فارق اوى معانا,, واحنا اليوم كنا فى جوله عند اوتو سمير ريان ودا اللى عرفناه بعد الاطلاع على العربيتين,,,
اولا الكارينز ب 116 الف اتوماتيك كاملة تقريبا ومفيهاش وسيلة امان واحدة توحد ربنا لا اير باجز ولا اي بي اس
ثانيا السول قال ب 126 و ب 129 الكاملة اللى ب فتحة سقف وجنوط 18 فظيعة وقال فيه اير باجز وكمان اي بى اس ,,,
دا اللى عرفناه,,,,محتاج مساعدتكم فى القرار الاخير,,,انا لفيت منتدى كيا على السول ولقيت اسعار متضاربة وكماليات متلخبطة ومفيش حد ثابت كل واحد برأي,,,
انا ارجو من سيادتكم مساعدتى فى معرفة جميع الكماليات للى بسعر 129 الف دى ,,, واتمنى ان تركزوا على AIR BAGS كام واحدة {واحدة بس ولا اتنين} وكمان ABS & EBD
وفتحة السقف موجودة والجنط فعلا 18 زى ما قالوا لينا فى سمير ريان وللا بتاع المبيعات بيشتغلنا ,,
ثالثا اريد المساعدة فى القرار لو لم تكن هذه الكماليات موجودة فى السول اذن لا يوجد امان مثل الكارينز والافضل بقى نوفر 10 الاف احسن وكدا كدا مش هيفرق اوى اهم حاجة الامان وبالنسبة للعفشة ونظام التعليق لو حد يعرف حاجة ميبخلش علية دا بالنسبة للعربيتين وكمان قطع الغيار هل موجودة للسول وللا الكارينز افضل واحنا مش بيفرق سعر اعادة البيع,,,,,
رابعا هل السوزوكى SX4 هاتشباك اتوماتيك كاملة تقريبا 119 الف افضل منهم مع العلم ان موضوع ال SX4 دا مرفوض شوية عشان قطع الغيار بيقولوا عليها نار ,,,, وآآآآآآآآآآآآآآآآآآآآسف جدااااا على الاطالة :Zb_sor1[1]:
