من ميدان رمسيس الى ميدان سفنكس

السلام عليكم و رحمة الله و بركاته

عاوز اروح من ميدان رمسيس الى ميدان سفنكس في المهندسين بالمواصلات سواء مترو او ميكروباصات بس يستحسن مترو

شكرا

مفيش مترو قريب من ميدان سفنكس ..
الميكروباصات الوحيدة المتوافرة والمضمونة من الإسعاف
أي ميكروباص هايعدي على ميدان سفنكس سواء ميكروباصات بولاق أو جامعة الدول أو امبابه أو ميت عقبة أو مطار امبابه أو العمارة ..
وتوصل بالسلامة

شكرا يا دكتور احمد

طيب مفيش ميكروباص بيروح ميدان سفنكس من محطة مترو الدقي او البحوث

اسف على الاطالة

من البحوث صعب جدا هو الافضل بالفعل من الاسعاف ميكروباص العماره او الاسعاف او بولاق كل دول بيروحوا ميدان سفنكس زى ما ذكر الدكتور احمد سمير
لو مصمم بقا من الدقى هاتتمشى لاول طلعه كوبرى الدقى وتركب ميكروباص امبابه هاينزلك ميدان سفنكس

لا مش مصمم ولا حاجة كل الحكاية اني عاوز اجيب جهاز كمبيوتر من ميدان سفنكس فكنت عاوز طريقة سهلة
متشكر جدا يا جماعة

ممكن من مترو البحوث
تركب ميكروباص بولاق
زمن هناك ميكروباص الاسعاف
هينزلك ميدان سفنكس


او تنزل مترو الدقى
وتمشى لاول الكوبرى وتاخد ميكروباص امبابة او ميت عقبة