المشاركة الأصلية كتبت بواسطة x_gomgom
هي اثار قله زيت الفتيس الاتي:
صوت العربيه بتلاقيه علي (انا مش عارف اوصفلك الصوت بس هو غير صوت السلانسيه العادي )...
سخونه جسم الفتيس و ده ممكن تحسها من الدواسه من ناحيه الفتيس او لو شلت الفبر اللي على العصايه و مسكت حديد عصايه الفتيس...
و تحس كمان بتقل في الغيار و لو الوضع تأخر شويه هتحس ان الغيار بيقفش يعني مثلاً بعد مشوار طويل و وقاف في اشاره تيجي تدي العربيه الاول تلاقيها مزرجنه شويه و لازم تتغاشم شويه....
و ممكن لا قدر الله مره واحده تقفش ولا تاخد غيار وكده تستعوض ربنا في الجيربوكس....
الحمد لله انك لحقت تزود الزيت و غالباً ان العربيه نازله اصلاً ناقصه زيت لان ما دام لا يوجد تسريب يبقي بالفعل كان تاقص...
بس يا ريت تلاحظ العربيه كل فتره عشان تتجنب حدوث اي امر مفاجيء و إن شاء الله بسيطه و مفيش اي حاجه...
و يا رب اكون افدت