اقتباس:
العربيه هتفتح بقها بدري اكيد لو مهتمتشي بيها و العربيات اللي فيها اوبشنز كتير و سنسورز و معتمده علي الكمبيوتر هتفتح بقها اكيد اكتر لو مهتمتشي يعني لو ناوي انشاء الله تهتم بعربيتك و تعمل صياناتك في مواعيدها و عند التوكيل العربيه هتعيش كويسة معاك انشاء الله الا لو فيها عيب صناعه و دة بيبقي نادرا
ناوى ان شاء الله اى عربية هجيبها ههتم بيها..وهعمل كل صيانتها فى التوكيل..دى هتبقى عربية العمر ان شاء الله...وانا اساسا سواقتى هادية واستعمالى خفيف اووى للعربية
اقتباس:
الفلونس محدش جربها علشان يرشحها بقلب جامد بس اعتمادا علي سمعه الميجان اكيد الفلونس هتبقي حكايه انشاء الله
انا خايف من النقطة دى وبقول استنى لشهر تلاتة يكون الدفعة الاولى استلمو ويقولو رأيهم..بس خايف ساعتها يقولولى هتستلم على سبعة ان شاء الله..انا بايع العربية وقاعد من شهر 11...والف شكر لحضرتك على اهتمامك والرد
اقتباس:
انا رايي بما انك عاوز العربيه تقعد 5 سنين متفتحش بقها
يبقى خليك في التيدا او اللانسر افضل
ماهى دى الحيرة بقى..بقارن بين الشياكة والفخامة..وبين راحة البال والمصاريف الاقل...تتجوز واحدة بنت ناس وحلوة ولا تتجوز بنت جدعة وتشيلك ^^..والف شكر لحضرتك على الرد
اقتباس:
بس الأغرب .. ان ال504 مكنتش دلوعة خالص
هى فييييييين ايامها دى..هى العربيات دى هتيجى تانى..ايام ما كان الواحد بيختار بين عربيتين تلاتة بالكتير..وشكرا على الرد :)
اقتباس:
بصراحة الرينو فلونس تكسب مهالش حل ياجماعة ولو خايف من اسعا قطع الغيار والاسعار جوة التوكيل يبقا خاليك فى التيدا البديل الثانى على طولللللل
شكرا لرد حضرتك يا استاذ على :)...بجد كان يهمنى اسمع رأيك عشان انا متابع ردودك -عشان خاطر الميكى ماوس دا-..وكنت على طول مطلع التيدا والفلوونس فى السما
شكرا لرد حضرتك...بس ياريت ممكن تقول شوية اسباب
اقتباس:
رينو الهاتش باك ,, جميع كماليات الفلورانس وبسعر أقل 14 الف ج
شكرا لرد حضرتك يا دكتور...بس لما سألت على اسعار الهاتشباك فى المعرض كانت اغلى من الفلوونس 3 تلاف لنفس الفئة والمواصفات..
يعنى اسعار الفئات الاوتوماتيك من الفلوونس..125..135...141
واسعار الهاتشباك..128..138..144
هى الاسعار اتغيرت ولا ايه؟