-
مشكلة بالدبرياج
النهردة و انا ماشى لائيت الدواسة مبتجيش على الاخر و الفتيس بيعوض جامد
نزلت بسيت على المستر لائيتة مشدوج كائنى دايس على الدواسة
الغيارات تئيلة بس المرشدير لازم ابطل العربية علشان اعرف اجيبة
كدة المستر محتاج يتغير ولا اية
و هوا فى كام مستر
و انا فى الاسكندرية دلؤتى لو حد عارف مكان اشترى منة فى العيد
-
كده جلد ماستر ودع .. اكشف علي الزيت الاول برضه تحسباً . بس اكيد انت كشفت يعني .. المهم .. هاتحتاج جلد ماستر و انا شخصياً انصح تغير الماستر بواحد جديد اصلي هايعيش معاك تمام .. لاحظ جديد و اصلي ..
لو اتزنقت غير جلد بس و مشي حالك ..
-
عندك فكرة المستر بكام
او الجلد بكام
تانى حاجة انت اصدك على زيت اية ؟
لو زيت الفتيس انا كشفت علية و كان مظبوط
-
زيت الدبرياج يا راجل .. زي زيت الفرامل كده .. الزيت اللي ماستر الدبرياج بياخده ..
للاسف بكام دي ماعرفش .. بس تقدر تسال صديقنا MMamdouh هوه الكينج بتاع الدايو ..
-
hانا اول مرة اسمع عن زيت الدبرياج
الى اعرفة خزان زيت الفرامل و البور
مكان الزيت دا فين ولا بياخد من زيت الفرامل
-
يا راجا اتقي الله .. بتهزر ولا بتتكلم جد ؟
انت عارف الماستر فين ؟ الماستر ليه مدخل و مخرج ... طالع منه ماسوره كده رايحه تحت العربيه ... سيبك منها دي . هاتلاقي يائما قربه صغيره كده دي المفروض يكون فيها زيت .. لو مفيش قربه هاتلاقي خرطوم في اخره قربه .. و حاول تاخد هوا للدبرياج
-
شكرا على مساعدة حضرتك و المعلومات الجديدة
اصل اكيد لما هعرض مشكلة للبحث هيكون عن جهلى بتفصيل المشكلة و الا اكون حلتها بنفسى
اكيد مش جاى اهرج هنا:rolleyes:
-
لاء مش قصدي .. الفكره ان اهم حاجه الزيوت تراجع عليها .. و زيت الدبرياج مهم زيه زي زيت الفرامل كده .. و عشان غالبيه الناس مابتراجعش الزيت بتاع الدبرياج .. و عشان كده بيضرب الجلد ..
نصيحه كمان .. لما تجيب زيت هاته بينيدكس في العلبه الصفيح benedix ..ماتجبش اللي في العلبه البلاستيك عشلن بيبقي زيت اكل ..
-
الددبرياج له 2 ماستر واحد فوق و واحد تحت
اللى فوق هوى اللى باخد الحركة من رجلك عن طريق دواسه الدبرياج
اللى تحت هوى اللى بيدى الحركه لاسطوانه الدبرياج وده مكانه امام مروحه التكيف
فى معظم العربيات بيكون الدبرياج له خزنه زيت مستقله عن خزنه زيت الفرامل لكن فى الانوس حبو يوفرو مكان فعملو الدبرياج يستخدم نفس خزنه زيت الفرامل
لو حصل تسريب فى دائره زيت الدبرياج ما تقلقش الفرامل برضو هتشتغل عشان هما عاملين الخرطوم اللى باخد زيت للدبراج من منتصف ارتفاع الخزنه وليس من القاع(يعنى عندك نص الخزنه مخزون احتياطى للفرامل فى حال تسريب الزيت من الدبرياج)
انصحك تغير الاتنين ماستر (اللى فوق و اللى تحت) عشان هما عمرهم واحد لو غيرت واحد النهارده التانى هيبوظ قريب حدا و ما تنساش تشوف حاله الخرطوم اللى واصل بينهم ايه لو مشقق من الحراره غيرو عشان اكيد قريب هيتقطع
اسمع كلامى واشتر دماغك
-
طب فل .. واحد عندو لانوس اهه .. كويس ان اللانوس مفهاش قربه زيت دبرياج .. بس اشمعي اللانوس يعني اللي افتكسوا فيها كده ...
يا حج احمد .. كده الماستر اللي فوق بس هوه اللي ضارب جلد .. مش شرط يكونو عمر واحد ..
Content Relevant URLs by
vBSEO 3.6.0 PL2