الموضوع: هل هو قانون سوق السيارات المستعملة ...ام الشطارة!!؟

المشاركة الأصلية كتبت بواسطة sab3aawy

خلينا ناخد شوية العوامل دى فى الاعتبار بالنسبة لعربية عاملة 8 أو 9 آلاف كيلومتر مثلا:

1- تكلفة نقل الملكية فى الشهر العقارى والتى تصل ل1000 جنيه للسيارات المحلية و 2000 جنيه للسيارات المستوردة
2- استهلاك مواد الصيانة التى ستحتاج الى تغيير عاجل مثل الزيوت والفلاتر والسيور وشمعات الإحتراق وتيل الفرامل وهذا البند يتكلف فى حدود 1000 جنيه للسيارات المتوسطة الى جانبالإنتقاص من عمر الكاوتش والبطارية
3-لا توجد سيارة مستعملة فى مصر بدون خدوش ولا تجريح ولا نتشه هنا ونقرة هناك وهذا طبعا له ثمن
4-هناك فرق بين انك تركب سيارة فيها ريحة واحد تانى غيرك وسيارة تكون انت اول من يرفع الأكياس عنها وبالتأكيد فهذا له ثمن
6- دائما توجد نسبة مخاطرة فى حالة السيارة المستعملة فمن يضمن لى مثلا انها لم تقطع العشرة ألاف كيلومتر الأولى كلها على سرعة 200 كيلومتر فى الساعة و7000 لفة فى الدقيقة وتاكل مطبات كفيلة بقصف عمر عفشتها كلها؟
7- الجديد متاح بالتقسيط لكن ما يسمى كسر زيرو غير متاح سوى عدا ونقدا وبالتالى فمن كان يملك ثمن السيارة ناقصا مبلغا ما فإنه يفضل عادة ا يقسط هذا المبلغ ويحصل عليها جديدة عن ان يشترى سيارة كسر زيرو ولهذا فيجب ان يكون الفرق مغريا
8- يستلزم نقل ملكية سيارة مستعملة عقد بيع وشهادة مخالفات ونقل ملف وكثير من الإجراءات لا يمر بها من يشترى سيارة زيرو وهذا ايضا له ثمن
9- عروض السيارات( المحروقة)(التى يشتريها شخص بقرض ما ثم يبيعها كاش باقل من سعر السوق طلبا للسيولة) تساهم فى خفط سعر كسر الزيرو

وهكذا ، فى ظل المعطيات السابقة نجد ان انخفاض سعر السيارة (كسر الزيرو) منطقى جدا

يحدث فقط ان يكون كسر الزيرو بسعر الزيرو واحيانا اعلى لو كانت السيارة الزيرو غير متوافرة سوى بالحجز لمدد طويله فنجد من هو على استعداد لدفع قيمتها جديدة والحصول عليها مستعملة لتوفير الوقت

مئة مئة ،،،،،،،،،،،،، الخلاصة ،،

و كمان اضيف بند ،،

عيوب الصناعة ،، و دي في كل الماركات ،، فايه يضمن إن اللي اشتري العربية و عايز يبيعها ،، مظهرلوش عيب صناعة ،، هوا سبب البيع و عايز يخلص منها

عموما احوال سوق المستعمل في مصر دي من ناحية اخري ،، رحمة من ربنا بينا ،، عشان نعرف نغير عربياتنا ،، في ظل حالة بلدنا الإقتصادية ،،

لو كنا زي أوروبا و العربية المستعملة مبتتبعش بأكثر من 30% من ثمنها زيرو بعد ثلاث سنين ،، مكنش حد غير عربيته

و دي اسباب الإقبال علي الزيرو في مصر دلوقتي ،، إن المستعمل سعره عالي ،، و المشكلة إن المستعمل مبيترميش ،، فممش عارف بعد كده هيودوا العربيات فين ؟؟