ابلغ ازاى عن "عربيات مهجورة"موجودة عندنا فى المنطقة

**shalaby2001** · 04-02-2010 03:26 AM

موضوع مهم فعلا

**m2die4** · 04-02-2010 04:00 AM

فيهم frv سوده نمرها ق ر ا 8 7 4 , و يا ريت تبلغ حتى بالتلفون , حسب معلوماتى القسم بيبلغ مكتب سرقه السيارات فى المدريه و لو مسروقه بياخدوها و يركنوها فى جراج تبع الداخليه , بس للاسف مفيش حد عايز يشتغل و كل البيرجع صدفه او ناس زي حضرتك عايزه تساعد و المصيبه الاكبر الامين عمرو ما شاف ال frv و لا يعرفش شكلها , و متستغربش من المعامله و انا ببلغ عن سرقتها بيقلى نمرتها كام بقولو مش حافظها , يقولى ااقفل روح حاتها و اتصل تانى و لا كأنى بكلم كنتاكى مثلا , يعنى واقف فى الشارع مصدوم و بتكلم من موبيل واحد فى الشارع و هو بيهزر ما بالك بقى انت عايز تقولو عربيه ركنه قدامنا من شهر, الحمد لله على كل شى و الله و الله لو عايزين يرجعوها كانت رجهعت تانى يوم كام frv اصلاً ماشيه فى الشارع و لا كأنى بقولو verna مثلا حييدور بقى , الحمد لله

**zakiali** · 04-02-2010 06:51 AM

فيه برده الانترا نبيتي مركونة بقالها 6 شهور تقريبا في منطقة نصر الدين محدش يعرف عنها حاجه واتردمت تراب وفضلات حمام .. صعبانه عليا أوي

**Haitham10** · 04-02-2010 07:22 AM

واضح انها ظاهره غريبة ولغز طب والحرامية فين من الموضوع دة يعني بياخدو العربيات المعروف اصحابها بس ولا ايه

**aymanay32** · 04-02-2010 09:54 AM

برضه فيه عندنا فى الهرم عربية بقالها سنة 127 حمراء و الناس بتقلبها دلوقتى و محدش قادر يبلغ فى القسم احسن ياخدوه مع العربية

**tarekmomo** · 04-02-2010 11:27 AM

العربيات دى بتبقى مسروقة والى بيسرقها بياخد كل حاجة وبعدين يرميها فى اى حتة واصحابها يبقو دايخين عليها روح بلغ قسم الشرطة بارقام العربيات وهما هيعرفو فية بلاغ متقدم بسرقة العربيات ولا لا