السلام عليكم
عندنا فى المنطقة فى 3 عربيات مركونين بقالهم حوالى شهرين , و مش عارفين دول بتوع مين , غالبا مسروقين
ابلغ مين و ازاى عنهم ؟؟
السلام عليكم
عندنا فى المنطقة فى 3 عربيات مركونين بقالهم حوالى شهرين , و مش عارفين دول بتوع مين , غالبا مسروقين
ابلغ مين و ازاى عنهم ؟؟
ممكن اصحابهم مسافرين
بلغ في القسم يعملوا تحريات ممكن يكون اصحابهم ساكنين في نفس المنطقة او حواليها ولو ملهاش اصحاب اعتقد بياخدوها الشرطة
أعمل بلاغ في القسم اللي انت تابع ليه
يمكن العربيات دي مسروقه
القسم التابع له منطقة السكن
انا قصدي السكن فعلا
بلغ القسم اللى العربيات دى فى دايرتة
صور العربيات و حط صورها على المنتدى يمكن تكون مسروقة و حد يتعرف عليها
MMamdouh
الله اعلم
بس فعلا غريبه شهرين بحاله مركونين بلغ القسم وهما يعرفه لمين دول
طب هما ملاكي ايه
طيب لو انا معايا رقم العربية فى موقع اقدر اضع فية رقم العربية اعرف منة بيانات صاحب العربية
طيب لو انا معايا رقم العربية فى موقع اقدر اضع فية رقم العربية اعرف منة بيانات صاحب العربية
نشوف رد الاداره ف الموضو عداااا
ايه علاقة الادارة بالقصة دى؟؟
MMamdouh
محضررطة متين هيكشفوا عليهم فى المباحث والمرور وغالبا هيطلعوا تبع حد معرفة فى الجيران
على فكرة
لو هتبلغ القسم
خد بالك لان العربيات بتتنقل للقسم وتكون عهدة الماور نفسه
فهما بيعتبروها مصيبة عليهم
فبلغ ببيانات غير حقيقية عن نفسك
وما تديش بطاقتك لحد ولو حد ضايقك
هدده باللجوؤ لتفتيش المديرية
عن تجربة مع واحد صديق بس طيب شوية
دبسوه انه يجيب عربية نقل ينقل العربية بيها للقسم
بعد البيت عندنا في حتة ارض فاضية فيها عربية ماتريكس فضي بقالها اكتر من اربع اشهر اتردمت تراب وزبالة وكل كام يوم الاقي حاجه فيها نقصت وفي دوريات راكبة بتعدي يوم بيوم في الشارع ومحدش حتى بص عليها .. سألت كهربائي سيارات جنب الارض دي عن العربية قال لى تقريبا دي بتاعت وحدة ست ساكنة في المنطقة !! في عربيات كتيرة على شاكلة العربية دي موجودة في شوارع القاهرة بشوف منها كتير في بعض المناطق..... لو الموضوع شغلك اوي ممكن تبلغ في دائرة القسم التابع لها
انسوا ان الشرطة ممكن تعمل حاجة
انا امام منزلى عربية مركونة من اكتر من سنتين و بلغت عنها اكتر من مرة
مرة يقولوا لى هات بيانات صاحبها .... طب ما انا لو عرف صاحبها حييجى ياخدها
و مر تانية قال لى اجر عربية و ابعدها عن بيتك و حطها فى اى مكان تانى
و هذا بالرغم من انى قولت للشرطة اننا متخوفين من ان حد يستغل العربية فى اى عمل منافى للقانون مثل المخدرات او حد يقتل قتيل و يحطة فيها خصوصا ان البواب فى الفتر الاخيرة بدا يلاحظ ان فى ناس بنحوم حول العربية
و على هذا ( ايدك و الارض فى تدخل الشرطة )
نفس هذا السؤال سألته من قبل
بلا إجابة
مع توضيح أنني لن أذهب للقسم
أريد حل آخر
كان في موضوع إسمه سيارات مشكوك في أمرها منذ سنين هنا ولكنه إختفى ولا أستطيع العثور عليه
ولكنه ليس حل حقيقي
موضوع مهم فعلا
فيهم frv سوده نمرها ق ر ا 8 7 4 , و يا ريت تبلغ حتى بالتلفون , حسب معلوماتى القسم بيبلغ مكتب سرقه السيارات فى المدريه و لو مسروقه بياخدوها و يركنوها فى جراج تبع الداخليه , بس للاسف مفيش حد عايز يشتغل و كل البيرجع صدفه او ناس زي حضرتك عايزه تساعد و المصيبه الاكبر الامين عمرو ما شاف ال frv و لا يعرفش شكلها , و متستغربش من المعامله و انا ببلغ عن سرقتها بيقلى نمرتها كام بقولو مش حافظها , يقولى ااقفل روح حاتها و اتصل تانى و لا كأنى بكلم كنتاكى مثلا , يعنى واقف فى الشارع مصدوم و بتكلم من موبيل واحد فى الشارع و هو بيهزر ما بالك بقى انت عايز تقولو عربيه ركنه قدامنا من شهر, الحمد لله على كل شى و الله و الله لو عايزين يرجعوها كانت رجهعت تانى يوم كام frv اصلاً ماشيه فى الشارع و لا كأنى بقولو verna مثلا حييدور بقى , الحمد لله
فيه برده الانترا نبيتي مركونة بقالها 6 شهور تقريبا في منطقة نصر الدين محدش يعرف عنها حاجه واتردمت تراب وفضلات حمام .. صعبانه عليا أوي
واضح انها ظاهره غريبة ولغز طب والحرامية فين من الموضوع دة يعني بياخدو العربيات المعروف اصحابها بس ولا ايه
برضه فيه عندنا فى الهرم عربية بقالها سنة 127 حمراء و الناس بتقلبها دلوقتى و محدش قادر يبلغ فى القسم احسن ياخدوه مع العربية
العربيات دى بتبقى مسروقة والى بيسرقها بياخد كل حاجة وبعدين يرميها فى اى حتة واصحابها يبقو دايخين عليها روح بلغ قسم الشرطة بارقام العربيات وهما هيعرفو فية بلاغ متقدم بسرقة العربيات ولا لا