Matrix 2008

**kedab2a** · 20-12-2007 09:58 PM

مساء الخير يا شباب
كنت عايز اعرف ايه الفرق بين الMatrix ال 2008 و ال2007

و كمان ايه الفرق بين الأوبشنز اللى فى المانيوال واللى فالأوتوماتيك

**bassam nagy** · 20-12-2007 11:04 PM

لايوجد فرق بين موديل 2007 و 2008 الا ان 2007 تقفيل كورى و 2008 تقفيل تركى وتزيد عليها 2008 فى جراب للنظارة ولمبة للقراءة ولايوجد فرق فى الاوبسنز بين المانيوال والاوتوماتيك الا الفتيس فقط

**Nile_Storm** · 20-12-2007 11:35 PM

المشاركة الأصلية كتبت بواسطة bassam nagy

لايوجد فرق بين موديل 2007 و 2008 الا ان 2007 تقفيل كورى و 2008 تقفيل تركى وتزيد عليها 2008 فى جراب للنظارة ولمبة للقراءة ولايوجد فرق فى الاوبسنز بين المانيوال والاوتوماتيك الا الفتيس فقط

+10000000000000000000

**kedab2a** · 20-12-2007 11:55 PM

شكرا يا باشا ... بس أنا كنت سمعت ان الكاسيت فى الأوتوماتيك فيه Cd فهل ده كلام صحيح ... ولو كان مش مظبوط هل ممكن أخليهم يغيرولى الكاسيت

**bassam nagy** · 21-12-2007 12:05 AM

الفيرنا 2008 غيروا الكاسيت فيها وخلوة سى دى وتقريبا نفس الموضوع فى الماتريكس 2008 لو مافهاش كاسيت سى دى ممكن تطلب منهم كاسيت سى دى وكان فى موديل 2007 كانت بتنقص 2000 جنية وتاخذها من غير كاسيت وانذار الموضوع دة كويس بحيث تختار الكاسيت الية انت عاوزة وعدم التقيد با ماركة معينة

**kedab2a** · 21-12-2007 12:55 AM

طيب معندكش فكرة الكاسيت العادى أو السى دى بتعها نوعه ايه ... يعنى حلو و لا بلاش منه و اجيب انا واحد كويس و كمان الكاسيت سى دى بتعها بيقرأ mp3 و لا audio بس

**Hossam.Hamdy** · 21-12-2007 01:12 AM

الكاسيت اللى فيها مش حلو خالص رودستار تعبان و السنتر متركب هنا في مصر مش جايه به.فكبر دماغك 2000 ج دول تركب كاسيت سي دى نضيف و سماعات

**bassam nagy** · 21-12-2007 01:22 AM

الكاسيت العادى jvc وهو كويس ومعروض فى كارفور بى 480 جنية دة الية بيركبة غبور من عند توكيل jvc عشم نوار والية موجود فى الماتريكس فى جميع الموديلات اما موديل 2008 لو بتنزل باكاسيت سى دى فاكيد هايبقى audio بس ومش عارف هل jvc ولا ماركة تانية

**Hesham A.Megid** · 21-12-2007 01:34 AM

المشاركة الأصلية كتبت بواسطة bassam nagy

لايوجد فرق بين موديل 2007 و 2008 الا ان 2007 تقفيل كورى و 2008 تقفيل تركى وتزيد عليها 2008 فى جراب للنظارة ولمبة للقراءة ولايوجد فرق فى الاوبسنز بين المانيوال والاوتوماتيك الا الفتيس فقط

و فرق كمان ان موديل 2008 مافهوش power outlet في الشنطه

**kedab2a** · 21-12-2007 02:31 AM

أنا فعلا بفكر مجبش الكاسيت بتعها بس اللى مخلينى متردد موضوع الإنذار عشان بيبأى فى مفتاح العربية يعنى بدل مركب انذار عادى و يبأى بريموت عادى لوحده ، يكون أحسن لو منه فيه فى مفتاح العربية ولا فى انذار ممكن يتعمل على المفتاح ذى الأصلى ، و كمان أصلا هو التوكيل هيرضى يخلينى أركب الإنذار و ألعب فى كهربة العربية أصلا