من فضلك إكتب الإيميل الصحيح ....... !!!

دى لقيتها و أنا بقلب فى الإيميل ... بس حلوة قوى :D :

اتنين متجوزين من عشرين سنة ..

قرروا يروحوا يصيفوا ع البحر بنفس الفندق اللى قضوا فيه شهر العسل زمان

لكن الزوجة كانت مشغولة فاتفقت مع زوجها على إنه يسافر لوحده

و هى ح تلحقه بعد يومين

وصل الزوج ع الفندق و دخل الغرفة

فوجد كمبيوتر بالغرفة و متوصل بكابل الانترنت فقال: يبعت ايميل لزوجته يطمئنها فيه على أحواله

بعد ماكتب الرسالة وهو بيكتب عنوان البريد الالكترونى لزوجته أخطأ فى كتابة حرف فى العنوان

و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم ..

الست الأرملة فتحت الكمبيوتر بتاعها لتقرأ ايميلات التعازى

وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى

إفاقتها

نظر الابن إلى كمبيوتر والدته و قرأ الرسالة التالية :

زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت

لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم

أنا بقى لى ساعة واصل

و تأكدت إنهم جهزوا المكان و كل شىء

و مش باقى غير وصولك لعندى هنا بعد يومين ... إشتقت لك كتير و مشتاق أشوفك و باتمنى تكون رحلة سريعة زى رحلتى

ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى ... يعنى جهنم !!!!!! :D

حلوة 000 وزى العسل وكل عام وانتم يكل خير

ههههههههه جهنم عندهم كمبيوتر ونت امال الجنة هيكون فيها اية :)

الجنة اكيد واي فاي

تحفة
جمدة جدا"

و اللة حتى لو جهنم فيها كمبيوتر و نت تغور بكل ما فيها و لو الجنة فاضية كفاية بس انها جنة و مع اجمل صحبة

يا ميزا يا جامد يا جامد

السؤال فعلا:
ياترى الجنة فيها إيه...
والناس هتقضى وقتها هناك إزاى؟

كلنا عارفين ان فيها ما لا عين رأت ولا أذن سمعت..
يعنى مهما نتخيل من نعيم ورفاهية هيكون هناك أحسن..

لكن ممكن نتخيل..
يللا نتخيل إيه اللى ممكن يكون فى الجنة

اقتباس:

---

المشاركة الأصلية كتبت بواسطة Dr Ahmed

السؤال فعلا:
ياترى الجنة فيها إيه...
والناس هتقضى وقتها هناك إزاى؟

كلنا عارفين ان فيها ما لا عين رأت ولا أذن سمعت..
يعنى مهما نتخيل من نعيم ورفاهية هيكون هناك أحسن..

لكن ممكن نتخيل..
يللا نتخيل إيه اللى ممكن يكون فى الجنة

---

يا دكتور احمد "ولا خطر على قلب بشر" يعنى مهما اتخيلت مش هيكون صح ولا حتى قريب من الصح . احنا فقط نكتفى بما ذكر فى القرآن والاحاديث الشريفة .

هو القرآن أو السنة منعوا انك تتخيل ايه اللى ممكن يكون هناك؟
وأى تخيل مهما كان بعيد لا يمكن يبقى غلط بل أكيد صح لأنك لو طلبته هناك هيبقى موجود! ومهما كان حلو وجميل هيكون فيه أجمل منه!!
لكن طبعا موضوع التخيل صعب شوية على ناس كتير..

أنا لو ربنا قدّر لى أروح هناك ، وبعد ما أقابل اللى نفسى أقابلهم وأشوفهم (يارب نقابلهم ونشوفهم كلنا) جايز أطلب انى أشوف اللى حصل بالصوت والصورة فى فترات معينة من التاريخ ، واقعد أتفرج وأسمع وأعرف الحقيقة فى حاجات كتير جدا غامضة وحاجات كتيرة كنت أتمنى أحضرها... وفيه أمنيات تانية بس كفاية كده دلوقت لأن غالبا محدش مهتم بالموضوع.

جامدة اوي يا ميزا تسلم ايدك

اقتباس:

---

المشاركة الأصلية كتبت بواسطة Dr Ahmed

أنا لو ربنا قدّر لى أروح هناك ، وبعد ما أقابل اللى نفسى أقابلهم وأشوفهم (يارب نقابلهم ونشوفهم كلنا) جايز أطلب انى أشوف اللى حصل بالصوت والصورة فى فترات معينة من التاريخ ، واقعد أتفرج وأسمع وأعرف الحقيقة فى حاجات كتير جدا غامضة وحاجات كتيرة كنت أتمنى أحضرها... وفيه أمنيات تانية بس كفاية كده دلوقت لأن غالبا محدش مهتم بالموضوع.

---

نفس تفكيري والله 100%

جميلة جداااا

اية رأيكم نذكر بعضنا بايات من القران فيها ذكر اشياء من الجنة يعنى كل واحد يقول اية
و انا ابدأ بالأية الكريمة
اعوذ باللة من الشيطان الرجيم
بسم اللة الرحمن الرحيم
و دانية عليهم ظلالها و ذللت قطوفها تذليلا
تخيل انة ليست هناك شمس تضايقك بحرها بل ظلال أى كأنك فى مكان اخضر جميل ملئ بالأشجار و غيرها من مظاهر الجمال التى تخطف القلوب و الأبصار مع الفارق الذى لا يمكن مقارنتة طبعا بين ما هو فى الدنيا و ما سيكون لنا جميعا بإذن اللة فى الجنة
غير تذليل القطوف أى الثمار و الفواكة تذليلا أى قمة التذليل

اقتباس:

---

المشاركة الأصلية كتبت بواسطة Dr Ahmed

أنا لو ربنا قدّر لى أروح هناك ، وبعد ما أقابل اللى نفسى أقابلهم وأشوفهم (يارب نقابلهم ونشوفهم كلنا) جايز أطلب انى أشوف اللى حصل بالصوت والصورة فى فترات معينة من التاريخ ، واقعد أتفرج وأسمع وأعرف الحقيقة فى حاجات كتير جدا غامضة وحاجات كتيرة كنت أتمنى أحضرها... وفيه أمنيات تانية بس كفاية كده دلوقت لأن غالبا محدش مهتم بالموضوع.

---

+1 وانا كمان وهتمنى اني اجرب كل العربيات اللي اخترعوها في التاريخ واولهم بوجاتي فيرون
:):)

انتم فتحتم نفسى إنى أتكلم أكتر...
فى الحياة بنواجه أخطار كتير جدا جايز حتى تكون بتهدد حياتنا وساعات كتير بتعدى من غير ما نشعر بيها أساسا، ودا من رحمة ربنا...
فى الجنة جايز أطلب إنى أشوفها واحدة واحدة وأشوف السيناريو إيه لو كانت حصلت..

اقتباس:

---

المشاركة الأصلية كتبت بواسطة Dr Ahmed

هو القرآن أو السنة منعوا انك تتخيل ايه اللى ممكن يكون هناك؟
وأى تخيل مهما كان بعيد لا يمكن يبقى غلط بل أكيد صح لأنك لو طلبته هناك هيبقى موجود! ومهما كان حلو وجميل هيكون فيه أجمل منه!!
لكن طبعا موضوع التخيل صعب شوية على ناس كتير..

---

انا بصراحة مش عارف ايه لازمة الجملة الاخيرة "لكن طبعا موضوع التخيل صعب شوية على ناس كتير" وانا عن نفسى اعتقد ان فن الحوار هو اللى صعب شوية على بعض الناس!
ثانيا ياريت تخيلنا (للناس اللى بتعرف تتخيل طبعا) يبقى فى اصلاح حالنا وواقعنا او فى تطوير مستقبلنا وبكده يكون تخيلنا يفرز افكارا بناءة ذات قيمة! وانا لما رديت على حوارك بمنتهى الادب وبدون ان اسيئ الى شخصك الكريم كان ليا قصدين اولهما: ان احنا فعلا عندنا اوصاف للجنة وقصورها وانهارها بل ونسائها وحال الصالحين فيها من القرأن والسنة فما فائدة التخيل؟ وانا لم انكر عليك التخيل ولم اقول بتحريمه معاذ الله او بكراهته فربما ذلك يحثك او يحث غيرك على زيادة الطاعة والتقرب الى الله بغية الوصول الى الجنة ولكن انا ذكرت رأيى الشخصى فقط على خلفية انك مهما تتخيل فستكون بعيدا عن حقيقة الجنة !. ثانيهما:ا الخيال ليس له حدود واحيانا يدخلنا الخيال الى حالة من العبث والاستهزاء وربما يكون بغير قصد (بسلامة نية) بس الخيال دائما له شطحات وفى المسائل الدينية اعتقد (وده رأى شخصى) انه الافضل التمسك بالثوابت والاصول واثار التابعين مادامت موجودة.
وفى النهاية لا اعتقد انه من الحكمة بمكان انك عندما تختلف معى فى الرأى او تسدى الى نصيحة وحتى ان لم اكن اقبلها ان ارد عليك باستهزاء او بسب او تطاول. رحمنا الله واياكم وغفر لنا جميعا. وشكرا

حذف للتكرار
مشرف المنتدى

شكرا على تعليقك المهذب يا أخ محمود وفعلا المشكلة فى فن الحوار.

القصه جميله و طريفه جدا