رجاااااااااااااء من مالكى النوبيرا

**معتز** · 29-12-2007 07:32 PM

اصبر يامعلم......التقفيل المصرى كده.......بس بعد شوية هتحبها قوى.......نوبيرا اجمل- اوسع- اشيك- ارخص - وحاجات تانية - عربية اتجمعت فمصر ...........وعائلية من الطراز الجميل.........شوية كده بس وانت تتعود عليها وتحبها ومبروك

**dr_3eshoo** · 29-12-2007 09:41 PM

طيب لما بعتها و صليت صلاة شكر داخل ليه على قسم الدايو دلوقتى؟؟

و مش ملاحظ ان انت الوحيد اللى بيشتكى كل الشكاوى دى من العربية؟؟

ياريت تحرمنا من شرف مشاركتك طالما انت مش مالك لعربية دايو ولا عندك كلمة طيبة تقولها

استاز ممدوح
اولا شكرا على الكلام الزوق و المؤدب بتاع سياتدك
ثانيا موجهتش ليك كلام و الي بيدخل نفسه في كلام ملوش فيه يبقى <..............>
ثانيا حضرتك صاحب شركه دايو و لا صاحب المنتدى مش عارف الصراحه
ثالثا الراجل طلب نصيحه انا قلتله النصيحه من وجه نظري يمكن كنت سخيف شويه بس انا حكيت عن تجربه مريت بيها
خامسا اي حد معاه نوبيرا و كنت سخيف عليها انا اسف جدا جدا جدا

**MMamdouh** · 30-12-2007 12:27 PM

المشاركة الأصلية كتبت بواسطة dr_3eshoo

استاز ممدوح
اولا شكرا على الكلام الزوق و المؤدب بتاع سياتدك
ثانيا موجهتش ليك كلام و الي بيدخل نفسه في كلام ملوش فيه يبقى <..............>
ثانيا حضرتك صاحب شركه دايو و لا صاحب المنتدى مش عارف الصراحه
ثالثا الراجل طلب نصيحه انا قلتله النصيحه من وجه نظري يمكن كنت سخيف شويه بس انا حكيت عن تجربه مريت بيها
خامسا اي حد معاه نوبيرا و كنت سخيف عليها انا اسف جدا جدا جدا

اولا انا عارف انى احتديت عليك فى الرد بس الصراحة كان كلامك صعب اوى خصوصا ان المشاكل اللى حكيتها دى كلها مشوفتهاش حصلت فى عربية واحدة قبل كدة... معلش متزلعش اذا كان اسلوبى كان مش ولابد :(

ثانيا مش لازم توجهلى كلام انا شخصيا عشان ارد... دا منتدى عام و المناقشة مفتوحة للكل و كل واحد بيقول وجهة نظرة و دة ميزعلش حد

ثانيا ان لا صاحب شركة دايو و لا صاحب المنتدى... انا عضو زى زيك و زى كل الناس اللى هنا

ثالثا لما حطيت نفسى مكانك حسيت انى فعلا اتدايقت اوى من العربية فا انت بردة ليك عذرك

متزعلش منى

MMamdouh

**MMamdouh** · 02-01-2008 02:05 AM

حصل خير يا باشا...

اما من ناحية التعارف فا انا محمد ممدوح... محاسب شغال فى مجال الIT و زى ما انت شايف هوايتى السيارات و اعرفلى كام حاجة كدة على قدى فى العربيات الدايو

MMamdouh

**ahmedezzat78** · 03-01-2008 12:17 PM

ايوه كده

الصلح خير

**soltan** · 07-01-2008 02:26 AM

احكى لكم دلوقت على الجديد .. رحت عملت صيانه ال 1000 فى توكيل صيانه معتمد اللى فى المنصوره .. ربطولى العفشه .. وغيرت زيت وفلتر .. كشفوا لى بالكومبيوتر على العربيه .. لحد كده تمام ماشى ...
كان عندى كذا مشكله .. اولهم علبه الشكمان اللى عندى ورا بتسقط ميه .. يعنى بدل ما الميه تسقط من اخر الشكمان زى كل العربيات بتسقط عندى من العلبه اللى ورا .. ولما سألت المهندس قالى ده العادى بتاع النوبيرا .. طبعا ما صدقتهوش وقلت له انا عمرى ما شوفت عربيه بتسقط من العلبه .. قالى ده عادى هى بتسقط من اللحامات بتاعتها واول ما تكربن مش هتسقط ميه .. طبعا بردو لسه مش مقتنع قلت له بس كده العلبه هتصدى بدرى بدرى .. قالى ماهى كده كده اخرها سنه .. بالزمه ده كلاااااااااااام ؟؟؟؟؟؟؟؟
تانى حاجه الفرده الشمال ورا بتسخن .. قالولى عادى .. كل فرد العربيه بتسخن ..قلت لهم انا بحس كل فرد العربيه بس دى بتسخن قوى .. ده حتى والعربيه مرفوعه قلت لهم لفوا العجله بايديكم ولفوا بقيه العجل هتلاقوها بتقف بسرعه اسرع من بقيه العجل ده دليل انها بتحف ده غير انى بسمع صوت ورا مع ضرب الفرامل مع رعشه فى العجله اللى ورا ..
قالولى نجرب .. وفعلا طلع المهندس بالعربيه وسمع الصوت وحس الرعشه اللى ورا .. وقالى فعلا موجود الحاجات اللى انت بتقول عليها .. عليك بقا وعلى ابورواش قول لهم ان الصنابيره مدندره وهما يغيروهم فى صيانه ال 5000 .. وبلاش الهدوء وزعق لو ماردوش يغيروهم .. ولما سألته ليه هما ما يعملوش كده مش هما مركز معتمد بردو .. قالى احنا ما بنغيرش حاجه .. عموما قبل ما امشى سألت واحد من اللى شغالين هناك قلت له بحق ربنا انتم بتغيروا الحاجات اللى بتحتاج تغيير ولا لأ ؟؟ طبعا بعد ما اتلفت يمين وشمال قالى ساعات .. بس هو الباشمهندس بتاعنا كده ....
بالله عليكم الواحد دلوقت يعمل ايه ولا يتصرف ازاى ؟؟
اروح وازعق ؟؟ ولا هيعملوا حاجه ... هيقولوا اطلع ابو رواش ..
اطلع ابورواش تانى ؟؟ وطبعا كلكم عرفين اللى حصل لى هناك واللى انا كاتبه فى اول الموضوع ده ..
بالله عليكم الواحد يعمل ايه ؟؟؟؟؟

**volcano12** · 07-01-2008 02:56 AM

بص انا ماليش خبره فى القاهره... بس للاسف البلد ديه صوت و دراع, معرفش ليه ما بقاش فيه ضمير!!!
أنت دافع تمن الضمان و جايب عربية و زيرو و غاليه!!! دافع فيها تعبك!

عليك عليهم بالصوت لحد ما يغيروا و ما تستناش عليها!! لحسن بعد كده يقولولك عيب استخدام او اى تلكيك... ما دام لسه فى الالف يبقى عيب تأفيل !!!
شد عليهم شويه!!

**ahm177** · 07-01-2008 05:09 AM

ربنا معاك يا باشا

انت طمنتنى جدا

لانى لسة حستلم لانوس بعد اسبوع كدة وانا بعيد عنك بلطجى :)

وبالنسبة للحسد

اتفضل الحلقتين دول حيعلموك من مين بتتحسد وازى تتخلص من الحسد

http://ia331305.us.archive.org/2/ite...ddddd/7sd.rmvb

http://ia331336.us.archive.org/2/items/al7sd/al7sd.WMV

وفى دعاء :ـ ـ إذا تزوج أحدكم امرأة، أو إذا اشترى خادما فليقل : اللهم أني أسألك خيرها وخير ما جبلتها عليه وأعوذ بك من شرها وشر ما جبلتها عليه، وإذا اشترى بعيرا فليأخذ بذروة سنامه وليقل مثل ذلك ـ ـ

بعير = عربية دلوقتى

وسيبك من الدبح عليها والكلام الفارغ دة وطلع حاجة لوجة الله