المشاركة الأصلية كتبت بواسطة sameh127
المشكلة دي موجودة في الفيات 132 الأيطالى فقط زي ما هي موجودة فى الأرجينتا و حلها انك توطي العربية (سوست اقصر او تقص السوست)و تركب كاوتش منخفض الجوانب
يعني لوالكاوتش 185/70-14 تركب 185/ 60-14
التعديل ده موجود في الفيات 132gls الألماني من الفابريكة ومقاس كاوتشها 175/70-13 و العربية ساقطة"واطية جدا" على الأرض
اما الفيات 132 الأيطالي فمقاس الكاوتش 175/70-14 و العربية مرتفعة جدا عن الأرض و بالتالي مركز ثقل العربية عالى عن الأرض فيجعل ديل العربية يتحرك يمينا و يسارا مثل ديل السمكة اما مع السرعة فتقل قليلا بسبب احتكاك الهواء مع جانبي العربية بس الخطورة لو لقيت مشكلة فى الطريق وانت بتجرى و حبيت تفرمل و تفادي المشكلة حتلاقى العربية مش قادرة تفرمل و حتعوم معاك جامد و الكاوتش حيصوت في الأرض .فلازم يكون مركز ثقل العربية اقل ما يكون"توطي العربية من الأرض" علشان تقلل الهواء اللى داخل فى فخدة العربية و تقلل الهواء اللى نازل تحت العربية بيرفعها و تقلل معامل إمالة العربية فى المنحنيات و تقلل السوستة اللى بيعملها الكاوتش مع الجنط في المنحنيات وفى الغرز بسبب ارتفاع جوانب الكاوتش و ده بيساعد على تعويم العربية اكثر
فوطي جوانب الكاوتش ووطي العربية كإرتفاع عن سطح الأرض
وحتلاقى العربية بطلت ترقص بديلها تماما و استجايتها فرقت معاك كتير