هل صحيح أن الادا 2107 الجديدة تعمل بنظام الانجكشن ؟ و هل الكربراتير ؟ أفضل ؟
ياريت الأعضاء الخبراء يوضحو لنا ما الفرق بينهما و أيهم أفضل و أظن أن أغلب الناس لا تعلم ما الفرق على وجة الدقة
عرض للطباعة
هل صحيح أن الادا 2107 الجديدة تعمل بنظام الانجكشن ؟ و هل الكربراتير ؟ أفضل ؟
ياريت الأعضاء الخبراء يوضحو لنا ما الفرق بينهما و أيهم أفضل و أظن أن أغلب الناس لا تعلم ما الفرق على وجة الدقة
اخى العزيز
اللادا 2107 الروسى فيه منها بالكاربراتير وفيه بالانجكشن حسب ماانت عايز
عموما الانجكشن طبعا افضل لانه بيوفر فى الوقود عن الكاربراتير
لكن ميزه الكاربراتير فقط فى الصيانه الكل بيفهم فيه
لكن ايضا الانجكشن الجميع دلوقت اصبح بيعرفه ومنتشر ايضا
انا ايضا ان شاء الله هاشترى 2107 انجكشن بس منتظر فى اول يناير
لكن اللى عايز اعرفه انا هل المصرى كمان فيه انجكشن ولا الروسى بس ؟
الكاربيراتير هو نظام ميكانيكى بحت لتلقيم الوقود الى المحرك, و هو لا بأس به أبدا أما الانجيكشن فهو نظام يعتمد على الرشاشات و الكمبيوتر (ليس دائما) ففى بعض السيارات هناك انجيكشن يعمل بالضغط, عموما سوف ألخص لك مميزات و عيوب كل واحد منهم:
الكاربيراتير :
مميزاته :
- أعطاله قليله الى حد ما و ليست فجائية, بمعنى انه لا يتعطل مرة واحدة بل على مراحل فى أغلب الأحيان.
- سهل الصيانة و غير معقد.
- يحتمل الوقود غير النقى.
عيوبه :
- لا يوفر فى استهلاك الوقود لأنه يلقم الوقود بطريقة ثابتة, كما أنه أقل دقة من الانجيكشن.
- يقل أداءه مع العمر, و يؤثر على أداء المحرك بشكل عام.
- سيارات الكاربيراتير أصعب فى ادارتها خاصة فى الجو البارد و تحتاج للتسخين يدويا.
الانجيكشن :
مميزاته :
- أكثر توفيرا فى استهلاك الوقود, و هو نظام ذكى يعطى المحرك ما يحتاجه بالضبط من وقود كى يعمل بكفاءة.
- أكثر دقة من الكاربيراتير.
- سيارات الحقن الاليكترونى ادارتها أسهل, كما و أنها تقوم بضبط كمية الوقود تلقائيا على أساس احتياجات المحرك, حسب درجة حرارة المحرك, و الحمل المضاف على المحرك.
عيوبه :
- أعطاله كثيرة حتى فى السيارات ذات السمعة الجيدة, و أكثر هشاشة من الكاربيراتير عموما.
- أعطاله فجائية, و أى عطل صغير فيه كافى لجعل السيارة جثة هامدة.
- صعب الصيانة و معقد.
جزاكم الله خيراً على سرعة الرد
و من الواضح من خلال هذا العرض أن نظام الكاربيراتير أفضل
و خاصة أذا حدث عطل فجائة و أصبحت السيارة جثة هامدة
و إن كان هناك أراء أخرى ياريت نشوفها
الف شكر يا أستاذ فادى على هذه المعلومات
ولكن جميع السيارات الحديثه الان بنظام الانجكشن
فما رأيك فى الافضل بناء على ماذكرته ؟
وهل الكاربراتير فى فئه اللادا 2107 ال 1500 او ال 1600 سى سى سيكون استهلاك الوقود اكثر من الحقن الالكترونى بكثير
يعنى هل الفرق جوهرى ام لايستحق فان كان جوهرى فان نظام الحقن افضل خصوصا ان البنزين سوف يزيد سعره وستكون الحاجه لاقل استهلاك هو المطلوب
"الف شكر يا أستاذ فادى على هذه المعلومات
ولكن جميع السيارات الحديثه الان بنظام الانجكشن
فما رأيك فى الافضل بناء على ماذكرته ؟
وهل الكاربراتير فى فئه اللادا 2107 ال 1500 او ال 1600 سى سى سيكون استهلاك الوقود اكثر من الحقن الالكترونى بكثير
يعنى هل الفرق جوهرى ام لايستحق فان كان جوهرى فان نظام الحقن افضل خصوصا ان البنزين سوف يزيد سعره وستكون الحاجه لاقل استهلاك هو المطلوب"
طبعا الانجيكشن بيوفر بنزين عن الكاربيراتير, طبعا فرق الاستهلاك بسيط خصوصا فى حالة السفر مثلا, لكن فى المدينة فرق الاستهلاك أكبر بدرجة قليلة, ولكن و العربية جديدة الفرق بين الكاربيراتير و الانجيكشن هيبقى بسيط, و لكن كل ما العربية تقدم هتلاقى الانجيكشن أفضل من الكاربيراتير, لأن الكاربيراتير أداءه بيقل مع العمر, طبعا الفرق فى النهاية هيبقى 2-3 كيلو فى الصفيحة يعنى مش فرق كبير أوى, لكن مميزات الانجيكشن أكثر من مجرد توفير البنزين, الانجيكشن أداءه أفضل و دى أيضا نقطة مهمة.
عموما تذكر فى النهاية أن سوامتابعةقتك هى الى هتحدد استهلاك الوقود بدرجة كبيرة.
أنا معايا شاهين 1600 انجيكشن و معملتش أى مشاكل معايا و الناس كلها بتشيد بالانجيكشن بتاع الشاهين من حيث الاعتمادية, يعنى فى الشاهين الانجيكشن أفضل من الكاربيراتير, لكن بالنسبة للادا بصراحة لا أعرف هل الانجيكشن بتاعها بيعمل مشاكل أم لا, حاول تسأل عن هذه النقطة لأنها ربما تكون نقطة فارقة, يعنى لو الانجيكشن بتاعها بيعطل كتير هات الكاربيراتير, لأن أعطاله فعلا فجائية و بتوقف العربية تماما, أما لو الانجيكشن بتاعها كويس و اعتمادى و أعطاله قليلة, فلم لا, هات الانجيكشن و مع الصيانة و الكشف انشاالله يمشى معاك كويس.
الف شكر يااستاذ فادى على المعلومات القيمه
وياريت حد من اصحاب اللادا الانجكشن يقدر يفيدنا فى الموضوع ده
شكرا يا استاذ فادى على هذه المعلومات القيمه
وبالنسبه لتساءلك يا استاذ ابراهيم انا معايا اللادا التجميع المحلى 1600 سى سى كاربراتير والحمد لله لاتوجد اى مشاكل حتى الان فى نظام الوقود والاستهلاك فى المعدل المعقول مقارنا بالانجكشن وتوجد مشكله واحده وهى بسيطه وليست كبيره وهى بالفعل كما قال الاخ فادى ان التسخين يدوى اى اننى اقوم بفتح الكونتكت ( لان طرمبه البنزين فى الموديلات الحديثه كهرباء بعكس القديمه ) واقوم بدوس بدال البنزين عده مرات ثم اقوم بشد الشداد وبعد ذلك اقوم بالدواره ولو لم اقم بذلك لاتدور السياره من اول مره وكلامى هذا خلال الصيف والشتاء ومع هذه الخطوات تقوم السياره بمنتهى السهوله وعلى فكره الكتالوج المرفق مع السياره يقول انه يستلزم وضع بنزين من 92-95 اوكتان لذلك انا اقوم بوضع 92 باستمرار وانا لاانصح بالانجكشن لانه بنزين مصر بيعطل انجكشن المرسيدس والبى ام فما بالك بالادا وهو فعلا لو عطل بتبقى العربيه كالجثه الهامده وبيعمل مواقف وحشه قوى مشابهه لمواقف الاتوماتيك
وشكرا لكما
الف شكر استاذ حسام
وانا سألت احد الاصقاء لديه لادا روسى انجكشن منذ عام وقال لى انه شغال كويس جدا بلا مشاكل تذكر
وقال لى انه زياده فى الحرص بيضيف زجاجه مش عارف اسمها ايه نسيت مع البنزين فى التنك كل 6 شهور بيقول انها بتذيب اى شوائب بالبنزين وسعرها 14 ج
وعلى فكره كمان صديقى اخبرنى انه يستخدم كمان بنزين 80 مع الانجكشن وهذا يدل على كفائه الانجكشن باللادا حتى الان طيله استخدام سنه ونصف كامله فى وجود البنزين 80 الاكثر شوائب من ال 90 ولكنى نصحته باستخدام 90 يكون للافضل
انا ذكرت ذلك من باب العلم بالشئ ولمن يريد معرفه ذلك بالنسبه لمستخدمى اللادا الانجكشن