الموضوع: فزورة لمالكى نيسان صنى فقط

متابع بإهتمام....

أنا شايف أنى طول المفتاح هو السر.

وفى إنتظار القول الفصل من سبعاوى

المشاركة الأصلية كتبت بواسطة waelbaha

الفرق بين المفتاحين دول موجود في العربيات النظيفه مع احترامي لجميع الماركات
كان معايا هوندا اكورد 2008 وكان جاي معاها مفتاحين
واحد ابو ريموت طبعا بيفتح اي حاجه
التاني بيفتح الكونتاكت بس
وده طبعا معمول علشان لما تسيب العربيه في التوكيل وتمشي وتكون حاطط حاجه في الشنطه مش عاوز حد يشوفها او ياخدها
لان المفتاح الاستبن ده بيفتح الكونتاكت بس ومابيفتحش الشنطه
وطبعا حد حيقوللي ان الميكانيكي ممكن يفتح الشنطه من داخل الصالون
حاقوله لا ياباشا الذراع اللي بيفتح الشنطه من جوا الصالون هو كمان بيتقفل بالمفتاح الاصلي بتاعك
يعني حضرتك لما تيجي تسلم العربيه للميكانيكي او للتوكيل بتقفل بمفتاحك الماستر الذراع بتاع الشنطه من جوا الصالون
وتديله المفتاح الاستبن وطبعا المفتاح ده مش بيفتح ولا كالون من الاقفال دي سواء اللي جوه الصالون او كالون الشنطه نفسها
ياريت اكون عرفت اوضح لحضراتكم حل اللغز

يافندم مهو ده اللى إحنا بنقوله من الصبح..
الفرق اللى إحنا عايزينه هو إزاى بقى ده (الإسود)بيفتح كله وده اللى زيه (النبيتى)مش بيفتح الشنطه؟؟؟؟

المشاركة الأصلية كتبت بواسطة anwarnono

طيب المهم انا ماليش دعوه بيكوا.........ههههه
أنا عاوز أعرف بشمهندس سبعاوى باع العربيه وجاب أيه ولا لسه ماجابش عربيه؟


محدش يزعل منى على المداخله الى ملهاش لزمه.

ههههههههههههههه
لألأ يا سيدى ولا يهمك..هوا جاب كورولا..