أنا رايح أوصل أخويا ان شاء الله يوم الجمعة هو مسافر من مطار برج العرب,هل المطار دة ليه دخله من الطريق الصحراوى مصر أسكندرية؟ مع العلم أنى بليد جدا فى الطريق دة لأنى نادرا لما بروح أسكندرية. جزاكم الله خيرا.
أنا رايح أوصل أخويا ان شاء الله يوم الجمعة هو مسافر من مطار برج العرب,هل المطار دة ليه دخله من الطريق الصحراوى مصر أسكندرية؟ مع العلم أنى بليد جدا فى الطريق دة لأنى نادرا لما بروح أسكندرية. جزاكم الله خيرا.
طبعا في الاول هتاخد طريق مصر اسكندرية الصحرواي عادي جدا
بعد كده قبل ما تدخل اسكندرية بحوالي 10 كم هتلاقي يافطة مكتوب عليها برج العرب . مجرد بس انك تتبع اليفط هتوصل ان شاء الله .
بس اول ما تقرب على اسكدندرية بحوالي 20 كم ابدأ ركز وبص في اليفط .
جزاك الله خيرا يا أستاذ طارق. شكراجزيلا على الرد.معلش هاتعبك معايا, هل المطار بعيد لما هاخلرج من طريق أسكندرية؟
بعد كوبرى العامرية تبدا تدوّر ع اليافطة و تاخد اليوترن و ترجع تاخد يمين اتجاه الكينج و برج العرب و الاستاد الجديد
بعد ما تعدى الاستاد الجديد تلاقى صينية لفها للآخر و خد يمين
تروح ع المطار عدل
مش حتاخد 5 دقايق
جزاك الله خيرا على الوصف الدقيق.اقتباس:
المشاركة الأصلية كتبت بواسطة abdallah2010
الوصف صح بس الوقت حوالي 15 دقيقهاقتباس:
المشاركة الأصلية كتبت بواسطة abdallah2010
جزاك الله خيرااقتباس:
المشاركة الأصلية كتبت بواسطة ahmedsamir79
من صينية المطار للمطار 15 دقيقة ؟
ليه يا عم ؟
راكب توك توك ؟
:d:36_1_37[1]:
جزاكم الله خيرا..أنا الحمد لله لسه راجع من المشوار دة, روحت و رجعت زى الفل و الوصف بتاعكم كان دقيق جدا لدرجة أنى و الحمدلله ماحتجتش خالص أنى أقف علشان أٍسأل. أشكركم مرة تانية..
الحمد لله
إحنا ف الخدمة
معلش يا جماعه اخوكوا ضايع في القاهره لأني لسه نازل مصر من شهرين بس
انا عاوز اطلع على اسكندريه الصحراوي من مصر الجديده ايه الاسهل
الدائري من جنبي ولا من وسط البلد والمهندسين اسهل ؟
ده يتوقف ع الوقت و اليوم
لو ف وقت متأخر أو يوم أجازة
خد طرق البلد عادى
إنما لو الوقت ف نص اليوم و يوم مش أجازة
يبقى تاخد الدائرى لحد المحور و من المحور تنزل ع الصحراوى
و ربنا معاك
الله أعلماقتباس:
المشاركة الأصلية كتبت بواسطة abdallah2010
يمن يكون تكتوك وانا مش عارف
مع أحترامي لرأيكاقتباس:
المشاركة الأصلية كتبت بواسطة abdallah2010
الدائري حيكون أسرع دائما
(عن تجارب عديده)