الموضوع: حاجة ظريفة فى الكارينز

و فيه حاجه كمان ممكن تطلع السى دى ألى فى الكاسيت بعد متشيل المفتاح بس لمده 10 ثوانى زى الزجاج بالظبط...بالنسبه لموضوع السماعات الى مش شغاله ظبط حاجه فى الأوبشن بتاع الكاسيت أسمها
feader

المشاركة الأصلية كتبت بواسطة mema75

انتى كده قلقتني
انا بشتعل فى الغردقه وبسافر مره كل شهر تقريبا انا معايه نيسان صني 2008 ماشاء الله فى الثبات والسحب والجري جميله بس المشكله فى انها مش عربيه عائليه لانها فئه غير الفان الواحد نفسه فى عربيه فان ينفع يشيل فيها كل حاجه ويكون هو وعيلته مرتاحين
الكارينز عجباني جدا وحاسس انها مناسبه بس موضوع ال 1600 هو الى مقلقني

شوف الماتريكس حتأدى الغرض معاك عربية واسعة جدا وجميلة وثباتها ما شاء الله ممتاز وبتجرى جامد وتجميعها مش بطىء

المشاركة الأصلية كتبت بواسطة sherif sharaf

إلى جميع الأخوة اللى بيسألوا على العربية
أنا معايا أوتوماتيك عاملة حتى الآن حوالى 2500 ك
السيارة رائعة فى السفر. أنا جبت بيها لحد 170 وبسم الله ما شاء الله كأنى ماشى على 90 ( أنا كنت بحس إن الهواء بيحركنى وأنا سايق عربيتى القديمة -فيات سيينا- لكن مع الكارينز محستش بالنقطة دى خالص)
طبعا الوسع حدث ولا حرج والجميع يعرفون هذه النقطة
أنا أول مرة أسوق أوتوماتيك بس مش حاسس بأى مشكلة مع الموتور ال 1600
المشكلة الوحيدة من وجة نظرى هى استهلاك البنزين ( حوالى 9.5 - 10 كلم/لتر) ومش عارف إزاى العربية عملت نفس المعدل ده وأنا مسافر ( متوسط السرعة كان بين 140 - 160 كلم/ساعة) مش عارف السرعة العالية تزود الاستهلاك قد إيه...

الخلاصة العربية تاخد 8.5 من عشرة كتقويم عام
(النقص ناتج عن عدم توفر وسائل الأمان abs و air bags)
أى أسئلة أنا تحت أمركم

ماشاء الله ولا قوة الا بالله ربنا يارب يباركلك فيها ويكفيك شرها ويعطيك خيرها يارب
طمنتني لاني بصراحه العربيه عجباني جدا مع ان النيسان مريحاني بس الكارينز مناسبه لاحتياحاتي وده الاهم
موضوع استهلاك البنزين انا عندي النيسان ( صني 2008 ) لما السرعه بتزيد عن 120 استهلاك البزين بيزيد نقريبا بيكون 230 فى الصفيحه لكن تحت ال 120 بتعمل 280 وجوه البلد بس فى الغردقه بتعمل 260 فا اعتقد كل العربيات فى السرعات العاليه استهلاك البنزين بيزيد لكن انه يكون ثابت دي اول مره اسمعها
عموما انا شايف ان الاستهلاك مش عالي بالنسبه لحجم العربيه وسعه الموتور

المشاركة الأصلية كتبت بواسطة med

شوف الماتريكس حتأدى الغرض معاك عربية واسعة جدا وجميلة وثباتها ما شاء الله ممتاز وبتجرى جامد وتجميعها مش بطىء

طيب ما هى الماتركس برضوا 1600 اية الجديد وكمان صحيح ان الكارينز اكبر واثقل بس فية برضوا فرق فى الهوري باور لصالح الكارينز وياراجل كفاية الشنطة والتابلوة الى فى النص دة
انا عن نفسى كنت شايف الماتريكس عربية معقولة قبل نزول الكارينز بس بعد الكارينز معتقدش ان هيبقى فية اقبال على الماتريكس خالص ودة رأى الشخصى انا ما بهاجمش ولا حاجة

المشاركة الأصلية كتبت بواسطة mmmero

طيب ما هى الماتركس برضوا 1600 اية الجديد وكمان صحيح ان الكارينز اكبر واثقل بس فية برضوا فرق فى الهوري باور لصالح الكارينز وياراجل كفاية الشنطة والتابلوة الى فى النص دة
انا عن نفسى كنت شايف الماتريكس عربية معقولة قبل نزول الكارينز بس بعد الكارينز معتقدش ان هيبقى فية اقبال على الماتريكس خالص ودة رأى الشخصى انا ما بهاجمش ولا حاجة

انا كمان رائي ( الشخصي المتواضع جدا ) نفس الرائي وبصراحه محبيتش ارد عليه ليفتكرني بهاجم العربيه لاني غير مقتنع بالماتركس خالص وبصراحه فى فرق كبير بين العربيتين لصالح الكارينز

المشاركة الأصلية كتبت بواسطة mema75

انا كمان رائي ( الشخصي المتواضع جدا ) نفس الرائي وبصراحه محبيتش ارد عليه ليفتكرني بهاجم العربيه لاني غير مقتنع بالماتركس خالص وبصراحه فى فرق كبير بين العربيتين لصالح الكارينز

لا يا عم رد كل واحد بيقول وجه نظره انا معاك ان الكارينز احسن من الماتريكس بس حضرتك بص لفرق السعر 15 الف دى تفرق مع ناس كتير فلو امكانياتك تجيب الكارنز خير وبركة لو مش مكملة يبقى اللى بعديها اللى هى الماتريكس بس حضرتك مش مقتنع بالماتريكس ليه انا قبل مجيبها كنت زيك بالظبط مكنتش باقبلها نهائى ولا كنت متوقع انى اجيبها فكنت محتار بينها وبين الاوبترا فلقيت ان كل صحابى اللى معاهم الماتريكس بيشكروا فيها جامد جدا وكان واحد صحبى بيسافر كتير جدا كان يجيب العربية يمشى بيها سنة ونص سنتين تكون عملت 150 / 200 الف ويبعها فكان كل مرة بيجيب اللانسر ال1600 فجه مرة قال يغير جاب الماتريكس عجبته جدا لدرجة ومندمش انو جابها فاقنعنى بيها فلما جبتها غيرت رائى فيها 360 درجة