السلام عليكم ورحمة الله وبركاته
انا ياجماعة بإختصار عندي صوت صفارة في العربية بتروح لما ادوس على الدبرياج وانا قريت ان في اعضاء عندهم مفس المشكله ولما راحو التوكيل قللهم ده عيب اسطوانه ودسك .
الإسطوانه على حساب الزبون !!!!!
طبعا العربية لسه 12000 كم ولما عملت صيانة ال5 و10 آلاف قلتلهم الموضوع ده وكل مرة يقلولي زبطنها وبرده مفيش فايدة .
ارجو ان حد يفدنا وخصوصا من من لديهم نفس المشكله وكيفية حلها
انا عربيتى فيفا
زود زيت الفتيس
زيت الفتيس تمام
انت عندك مشكله فالفتيس بليه الدبرياج فيها خشونه انا كان عندى نفس العيب فالفرنا ومتحلش غير لما غيرولى بليه واسطوانه ودسك وده حئك انت لسه فالضمان وده عيب صناعه مش عيب منك
سلاملى على حقوق المستهلك
انا موافقك فى الرأى ده... 100x100اقتباس:
المشاركة الأصلية كتبت بواسطة fouaa
هقول حاجة يمكن تستغربوها انا كانت عندى فى اوبل 97 نفس المشكلة
و كانت المشكة كلها تيل الفرامل و طنبورة قدام معنها مكنتش بتطلع مع الفرامل و بتظهر لما ادوس دبرياج بس
غريبة مش صح ؟
انا حصلت معايا في فيرنا 2009 ورحت لغبور السلطان حسين في اسكندرية عملي حاجة اسمها تنضيف بين الدبرياج والصوت راح
بس بعد فترة بيرجع تاني.....
عندي الصوت من زمان و مطنشه... بيروح و يرجع لوحده
المشكلة دى فى الفيرنا 1500 ولا 1600 و دى نحرة فى صوت الفتيس صح
دى مشكلة رولمان البلى بتاع الدبرياج، الميكانيكية بيسموها بلية الدبرياج ,,, وهى عمرها فعلاً من 10 الى 15 ألف كيلو ... ويمكن تغييرها هى فقط بس بعد التأكد أن الديسك سليم.اقتباس:
المشاركة الأصلية كتبت بواسطة sahin_1996_133
وسمعت مرة الميكانيكى بيقول نغسلها بالجاز وممكن الصفارة تروح وممكن لا، وفى هذه الحالة يجب تغييرها.
انا بس عايز اعرف هى البلية ديه داخل الضمان ولا غيرها على حسابي
فى الغالب حتدفع ثمنها + التركيب فى التوكيل ، هى عامة سعرها فى حدود 100 جنيه skfاقتباس:
المشاركة الأصلية كتبت بواسطة sahin_1996_133
هو فيه ميكانيكي مخضرم ف المعادي قالي ان ده صوت الفرش بتاع الدبرياش و بيتعمل له تنظيف و بيرجع تاني بس هو بيختفي مدة كبيرة لما تغير اسطوانة و ديسك و بلية وان ده عموما من عيوب الهيونداي المانيوال و اللانسر المانيوال برضه و شكرن
سعادتك العيب ده من بليه الدبرياج وحصلي بس بعد 120 الف يلو تقريبا وغيرتها لوحدها فقط
والقطعه دي استحاله يكون عمرها 15 الف كيلو بس مستحيل عشان هي عشان تتفك وتتركب بتفك الفتيس برضو ودي قصه ف مستحيل يكون عمرها 15 الف فقط
انت لو في الهرم قولي اوديك لميكانيكي برنس هوه الي قالي على العيب وصلحه كمان
بس انت حقك الضمان تروح تقولهم لو مغيرتوش بليه ودسيك واسطوانه وعلى حسابكم انا هطلع على حمايه المستهلك
عيب التوكيلات عموما وخصوصا في الضمان لو حصلت لك مشكله مع العربيه بتلاقي ردود غريبه جدا لا يصلح ان مهندس يقولها مهما كان
احب انقل حل المشكله لكل الأعضاء
انا رحت التوكيل وقلتلهم على العيب ده وطلع واحد من عندهم جرب العربية معايا والحمد لله قالى ديه حاجة بسيطة ده الفرش عايز يتشحم
انا حبيت انقل حل المشكله لآن في ناس كتير عندهم المشكلة ديه
احب انقل كل تحياتى لكل العضاء الى شاركونى في الرأي
ايوه يا جماعة النحرة اللى فى الفتيس دى ايه فى الفيفا ممكن حد يقولنا و يكون فاهم
حد يعرف ثمن بليه واسطوانه ودسك للفيرنا
حضرتك هنغير بلية وديسك واسطوانه وأن شاء الله الصوت هيروح
in the dealer they use wd40 to clean the rust on the fork but wd40 doesn't last so problem will appear again and this is a malfunction in the design of hyundai specially the rubber covering the fork is open to atmospher where dust and contamination will grow up
the only tried solution is to use a high temperature grees to lubricate the fork then tighten the rubber cover with a tie-rap in order to protect the the grees from dust then the problem will not come a gaiiiiiiiiiiiiiiiiiiiiiiiiiiiiiiiiiiiiin
نسألكم الدعاء