الموضوع: الى مالكى الميجان..هل تشعر بالتميز؟

انا شايف ان اللوجان والميجان مختلفتين تماما ... لو نحب نقارن يبقي نقارن بقلوينس هي اللي في نفس خط و طريقه الميجان

يا سلام انا باقيلي كتير جداً مش عارف افتح موضوع والحمد لله وجدت ضالتي ولقيت موضوع اتكلم فيه .........جزيل الشكر لك يا استاذ محمد على الموضوع المحترم.

شوف يا سيدي انا رأيي ان موضوع التميز ده نسبي ومتغير من حد للتاني.....بمعنى ان ممكن يكون حد شايف ان التميز انك تكون راكب عربيه غير منتشره وقليله في المحيط اللي حواليك.....اخذاً بالمفهوم ده اكيد طبعاً التميز هايقل شويه مش بس لانتشار اللوجان ده لانتشار الميجان نفسها .......صحيح الميجان مش منتشره انتشار الياباني والكوري لكن احنا كنا فين وبقينا فيين.....ولسه هانشوف توسع اكتر من الحالي.

لكن انا بصراحه عمري ما شفت تميز الميجان واللي منعكس على قائدها او مالكها بالطبع سببه عدم انشارها...انا كنت زمان باستغرب انا ليه وانا سايق الميجان باكون محترم جدا في السواقه وباشمشم على اي حد عاوز يعدي الشارع اقف واعديه لكن شويه شويه وبعد ما بقيت باسوق اكتر من عربيه فهمت ان الموضوع ده ليه اكتر من سبب اهمهم اني مرتاح وانا جوه وهادئ وبالتالي ده كله منعكس على طريقة القياده .....انما عربيه تقعد تترجرج معاك وتصفر وانت بتفرمل والفتيس يعلق ....كل ده هايخليك اخر حاجه تفكر فيها هو انك تقف وتتحرك تاني .....ده مثل مش اكتر وحاجه من التميز اللي انا اقصده.

حاجه تانيه قتلت بحثاً ولغاية دلوقتي مش مفهومه واكتشفت كمان انها موجوده في اللوجان مع فرقها الكبير عن الميجان......هو انك قاعد جوه متأمن ماتعرفش ليه....الموضوع مش موضوع ايرباج ولا انظمة حمايه على قد ما هو حاله نفسيه مجهولة السبب....

ويمكن كمان التميز زي ما دكتور محمود تفضل واشار ان الاقتناع بالرينو اساسا منذ البدايه مش سهل وبالتالي اللي بيشتري بيكون مقتنع بيها من الاول........وتكرر الموضوع ده بوضوح في اللوجان مع انها خلينا نقول منافس مرعب في فئتها وممكن تكون الارخص يعني قادره تجذب ناس كتير رايحيين لها فقط لرخص سعرها....بس سبحان الله الواحد يركبها من اتنين .... يا اما تعويذة رينو تصيبه بالجنون ويصاب بمرض حب الرينو....يا اما التعويذه تصيبه بتأثير عكسي ويكره العربيه واللي اخترعها وتلاقيه شايف التوك توك احسن وافخم منها !!! .....

ده رأي بسيط وادينا بنتكلم مع بعض ..... وشكراً مره اخرى على موضوعك المحترم.