عرض للطباعة
السلام عليكم
انا الول بشكركم بجد على مساعدتكم ليا فى الأختيار والحمد لله ربنا وفقنى و استلمتها , عندى سؤال لو تسمحو .
انا طبعا لسا عايز اروح ارخص العربيه , الحقيقه عمرى مرخصت عربيات قبل كدا فاتنصحونى بأيه , اجيب حد من المعرض معايا يخلصلى الموضوع , ولا الحكايه بسيطه وبتخلص لوحدها
وياريت لو حد عنده فكره بيتكلف كام الترخيص ل nissan sunny EX
شكرا جزيلا
الف الف مبروك يا سيدى الفاضل وربنا يكفيك شرها ويديك خيرها انا لسة مرخص عربيتى من اسبوعين بس دفع المبالغ الآتية (40 جنيه اوراق فى المرور + 122 جنيه طفاية + 365 مصاريف ترخيص وضريبة وما الى ذلك + 72 جنيه تأمين اجبارى) يعنى كله فى حدود 600 جنيه وده طبعا لسنة واحده ولله الحمد مدفعتش جنيه زياده لاى كلب فى المرور لكن طبعا كان مقابل ذلك وصلت المرور الصبح الساعة 8 وخلصت الساعة 3 عصرا يعنى ضاع اليوم كله
وانا شايف ان موضوع مندوب من المعرض يرخصلك ده موضوع فاشل وسبوبه للمعرض انتا اعتمد على الله وروح المرور ورخص عربيتك وخلى بالك طوييييييييييييييييييييييي ييييييييييييييييييييييل علشان الموظفين فى منتهى الجهل والاستهتار على الأقل فى وحدة مرور بنها اللى انا تابع ليها وده حال موظفين الحكومة فى مصر كلها اه نسيت اقولك ان شنطة الاسعافات الأولية والمثلث العاكس مش ببلاش زى مابعض الناس قالولى انا دفعت فيهم 65 جنيه وحسبى الله ونعم الوكيل
شكرا على المعلومات القيمه دى
طيب تقدر تقلولى ايه الورق المطلوب ؟
وهل بيركبو النمر فى نفس اليوم ؟
الف مبروك واحسنت الإختيار , ربنا يحفظها لك من شر الطريق
ربنا يستر انشاء الله وبالذات من موضوع شر الطريق دا , وبجد انا بعد ما فكرت كتيير فى موضوع شر الطريق , لقيت ان الحاجه المهمه الى اقدر اعملها انى عمرى مجرى , مهما فضى الطريق , لأن يخوننا بجد بلدنا صعبه اوى اوى اوى
انا كنت ببقا مسافر برا مصر ولما برجع بجد حتى مبعرفش اعدى الشارع لمدة اسبوع على الأقل
وربنا يستر
ألف مبروك ربنا يديك خيرها و يكفيك شرها
لو كل الأوراق موجوده هاتخلص فحص وتركيب اللوحه والارقام طبعا فى نفس اليوم
الحمد لله خلصت من الترخيص , عصرت على نفسى لمونه واليوم عدا
1000 mabrouk
ألف مبروك
انا كان معايا وسطة خلصت في 30دقيقة ورحت الشغل علي طول
انا دفعت 45 ورق لكن الفعلي 50
تأمين 210 3 سنوات
ضريبة 781 الرجل اخذ 790
و10 تركيب النمر
الف مبروك الاستلام وانشاء الله ربنا يعطيك خيرها ويكيفك شرها
بس مش قولتلنا العربية مانيول ولا اتوماتيك ومش قولتلنا صنى عادية ولا سوبر صالون ولونها ايه
صنى Ex واتوماتيك , ولونها شامبين
وربنا يسترها علينا جميعا