كلمة ونص 17 مايو 2007

**sab3aawy** · 17-05-2007 02:40 PM

حينما نكون مقيمين فى بلد ثروتها الأساسية هى الغاز الطبيعى ، ممكن حد يفهمنى ازاى ثقافة الإنتقال فى بلدنا تكون معتمدة على سيارات خاصة بتمشى بالبنزين وسيارات تجاريةوقطارات بتمشى بالديزل، وحتى محاولاتنا للتعامل مع الغاز هى محاولات عقيمة لتحويل محركات البنزين للعمل بالغاز فيما ينتج لنا فى النهاية محركات كسيحة لا تسمن ولا تغنى من جوع

سؤال محيرنى، ليه مش بنستورد او نجمع عربيات بتشتغل اصلا بالغاز مع ان كل شركات العالم المحترمة لديها محركات مبنة اساسا للعمل بالغاز الطبيعى؟

**memo_hefnawy** · 17-05-2007 03:00 PM

والله يا أبو السباع أصبت مقتلا كعادتك

ولكن الإجابة هى : لأننا فى مصر أم الدنيا ..يبقى كل حاجة تكون مختلفة عن المنطق فى أى حتى تانية

**محمد المشد** · 17-05-2007 03:01 PM

يااستاذ سبعاوى 0000 سعادتكم بتسأل عن السيارات التى تدار بالغاز ياسيدى طيب أسأل لماذا لم يصل الغاز لتاريخة لمناطق كثيرة بمصر مع اننا نصدرة لكثير من بلاد العالم ، واذا كان الامر كما تقول بأن ثروتنا الاساسية الغاز الطبيعى ( ليس شك فى معلوماتك ) ما الذى زاد علينا من هذه الثروة الجديدة هل اصبحنا كالسعودية او على الاقل قطر فى رفاهية شعوبها
وطبعاً رداً على سؤالك الاساسى لن تجد له اجابة شافية !
إلا اذا دخل احد من الحكومة واجابك !

**السيد أحمد** · 17-05-2007 03:16 PM

اللهم ولى ولاة امورنا خيرهم واصلحهم

السيد أحمد

**hazem_khidr** · 17-05-2007 03:35 PM

و ليه نفكر صح و الحل قدامنا طالما اننا ممكن نفكر غلط و نص رف فلوس كتير علي تطوير و خبراء و دعايه و اهلاك محركات ماهو لازم الكل يستفاد
استحاله نجيب الحل الجاهز و البسيط علشان دا مش حيتكلف حاجه بعكس الحلول العقيمه
يا باشمهندس عندنا في الشارع رصفوه و بعدها ب اربع ايام بالضبط جات شركه الغاز الطبيعي و حفرته علشان تدخل الغاز!!!
طب دا معناه ايه؟؟معناه ان في مجلس المدينه مش عارفين انه حيترصف؟؟لا طبعا معروف انه حيترصف بس لما يعملو كده يقدرو يسحبو فلوس من ميزانيه الرصف مريتن مره قبل ما الغاز يدخل و مره بعد ما يدخلوه