لا حول ولا قوة إلا بالله
لا حول ولا قوة إلا بالله
امبارح القاهرة كانت مش طبيعية مشوار يتعمل في 10 دقايق اعملة في ساعة ونص
البلد واقفة ومش بتتحرك نهائي في كذا مكان
خلوني روحت
من 5 ل 10 قاعد في الشارع مش عارف اعمل مشاوير
اصحابي شافو حادثت مسطرد اللي على الدائري بيقولو كارثة
ومدينة نصر كانت مقرفة
واللي زودها توزيع تذاكر حفل عمرة دياب
يعلنو عن حفل في الاستاد ب 10 جنية يوم الاربع
توزيع التذاكر يوم الخميس فقط
لان الحفل الجمعة
النتيجة كارثة مرورية بدون اي تخطيط خاصة ان توزيع التذاكر في مدينة نصر بس
عند نفق السلام على الدائري اللي خارج من النفق في اتجاه اسكندرية الزراعي هايشوف منظر مرعب
عربيتين نقل ومقطورة
النقل شايلة بلاط اسمنت واضح من اندفاعها ان السواق كان مشاي بسرعة ومقدرش يوقف بيها لان الكابينة رايحة في داهية
نفس الكلام بالنسبة للمقطورة شايلة رمل والحمولة نصها في الارض والكابينة في داهية برضه
مشلكة النقل التقيل لما بيمشي بسرعة مش مراعي الكتلة الل يشايلها واخدة نفس سرعة العربية
مقدرش انسي منظر مقطورة شايلة حاوية 40 قدم بكامل حمولتها ضرب فرامل مفاجئة الكونتينر طار لقدام وقطع الجنازير وخد الكابينة بالسواق بالتباع في وشه ودفنهم في الجزيرة اللي في النص لدرجة لم يتعرفو على معالمهم (دي حادثة توفى فيها زميل لي بالعمل العام الماضي)
الستر من عندك انت يا رب
الله يخرب بيت السواقين المستهترين ولاد الذينه دولا
و الله لسه أول إمبارح واحد بنقل عمال ياخد غرز و دايس بنزين و مش معترف بالفرامل مرتحتش غير لما شمتناه أنا وصحابي
واحد متخلف عقليا فعلا
بتوع النقل دول لازم البلد تشوف معاهم صرف اذاى لغاية دلوقتى المقطورة ما شية لازم حل جزرى للموضوع ده اقسم بالله انى امتلك موتوسيكل و انى بارفع الفانوس على فوق اعلى حاجة براحتى يعنى علشان الميكرباص و النقل غلاسة مش اكتر و ادليهم رعاش علشان ادايقهم بسبب و بدون سبب
و مرة كنت هاموت نفسى علشن اخلى ميكروباص يابس فى المكنة من ورا وحصل وكسرتله الفانوس اصلى وقفت امامة مرة واحدة فراح ملحقش يقف
ربنا موجود
انا اليوم ده كان عندى امتحان لاخر ماده واهيف ماده والطريق وقف من عند الاوتستراد بتاع صقر قريش لحد الزراء على الدائرى فوق وفضلت فى الوقفه دى لحد الساعه 9:30 من 8 : 15 والامتحان ابتدأ وانا لسه فى الزراء ووصلت الساعه 10و10 بس الحمد لله دخلت الامتحان بمعجزه بجد كنت هتخنق جدا لو مرضيوش يدخلونى الحمد لله ... اللى شوفته كانت مقطره محمله حجاره بيضاء بتاعه سفلته الطرق مقلوبه وحمولتها فى عرض الطريق الدائرى وكذا عربيه ملاكى مخبوطين وميكروباص متبهدل خالص.