تقرير صيانة ال 5 للبرسونا
بسم الله الرحمن الرحيم , اولا يوم إلي حد كبير جدا جميل و التوكيل في تحسن ملحوظ اوي , انا حاجز قبلها بأربع أيام علي يوم الاربعاء الساعة 9 صباحا
رحت هناك 9 بالظبط العداد كان عامل 5550 وكانت العربية شبه ميته مش البرسونا اللي انا جبتها في الاول طبعا علشان الزيت و الفلتر و الكلام ده والرشاشات عايزه تتنضف وحاجات كتير
رحتلهم بالمشاكل دي :
1- طبعا غير الصيانة , دراع النور احيانا بيعلق معايا وخصوصا لما برعش بيه
2- فيه صوت خبطه لما انزل الزجاج بتاع السواق
3- لمبة الصالون اتحرقت
4- الباب اليمين الخلفي بارز لبره من تحت من عند العتب كده يعني و انت قافل الباب كأنه مش مقفول
5- العربية في الدوارة تقيلة شويه
6- اليد بتاعت فرامل اليد عايزه تتربط
تقريبا هو ده بس , مشاكل تافهه و انا كنت متعايش معاها عادي
اول لما وصلت , نزلت الوحش تحت التنده و جت مهندسه تقريبا اسمها ايمان و ابتدت تاخد اقوالي :unhappy:
قالتلي ايه بقي ( المشكلات ) اللي عندك فقلتلها كل حاجة و سالتها اجيب اللمبة منين بتاعت الصالون علشان انا اللي هركبها و فعلا جبتها و كله تمام , قبل لما اروح اجيب اللمبة كان فيه واحد واقف معانا بيشتغل هناك مش فاكر اسمه بصراحة بيقوللي العلامة مكسورة اللي قدام قلتله اه ده واحد ابن ستين حلال حاول يسرقها و ماعرفش , فسألته قلتله طيب ماتعرفش ممكن الزقها بأيه ؟ او ممكن انتوا اللي تلزاقوها ؟ قاللي لا مافيش الكلام ده قلتله شكرا , لقيته بيبص للمهندسه و بيقول اعملهالوا ب كولا و هاتك يا ضحك , ماقدرتش امسك نفسي ولقيت نفسي برد عليه رد لا يمس الاحترام بصله وضحكت عليه التوكيل كله :biggrin2::biggrin2::biggrin2::biggrin2::10D5C8~11 07::10D5C8~1107::10D5C8~1107::10D5C8~1107:
المهم استنيت في الاستراحة لغاية الساعة 2 كده و لقيت العربية خلصت و كله تمام , بصيت علي كل حاجه في المطلوب وكله زي الفل , بس قالتلي ان دراع النور عايز يتغير و كلمني اخر شهر اتنين , قلتلها الساعة كام ؟ :B4_592::B4_592:
فيه ملحوظة ان الفرق اللي في الباب اللي ورا ماتظبطش اوي فقلتلها عليه قالتلي بصراحة انا مش عارفه اقولهالك ازاي ؟ انا اتصدمت كنت فاكر هتقولي ان العربية شيست ولا حاجه
قالتلي العربية عايزة سمكرة !!! عربية مين اللي عايزة سمكرة ؟؟؟ عربيتي انا ؟ قالتلي اه سمكرة عند العتب و الباب و انا مانصحش بكده
سيبتها ورحت للمهندس مدحت راجل محترم اوي اوي , قالي سمكرة ايه دي ؟ انا هعملهالك و فعلا عملها و الباب رجع وتمام
رحت دفعت 206 جنيه فقط لا غير علشان انا كنت جايب معايا الزيت , و الحمد لله اليوم عدي تمام , احسن من صيانة ال 1000 ب مليون مره ,
والسلام عليكم