-
مساعده لانى مش عارف؟
انا طول عمرى بحب اليابانى وبصفه خاصه (ميتسوبيشى لانسر):Oc_sun1[1]:
دلوقتى انا بعت عربيتى ولقيتنى منجذب ناحية الاوبل بشده وطبعا لانى جاهل جدا فى الاوبل عكس الانسر تماما فمش عارف ايه المهم والغير مهم فى لحظة الكشف او الفرجه على العربيه فى وقت الشراء(انا اقصد المستعمل)انا اللى ممكن اعرفه واتأكد منه . حالة الصاج والدواخل والخوارج والصالون والعفشه طبعا:dzey:
اما بالنسبه للموتور والكهرباء وما يتعلق بالكارته والكومبيوتر = صفر صفر صفر:36_1_50[1]::khd:
دلوقتى انا قدامى اوبل 2001 كامله 1600 سى سى فابريكه بره وجوه عامله 58000 كم
يا ترى الموديل ده كويس ولا لآ؟
ايه اللى المفروض اعمله واكشف عليه؟
ايه اللى يخلينى ابعد عنها لو لقيته؟
ايه السعر العادل ليها؟
علما بأنى من اسكندريه :B4_033:
ارجو المساعده من الاوبلاويين باسرع وقت عشان انضم لفريقكم :B4_611:
اسف للتطويل جدا
شكرا لكل من يساعد او يحاول المساعده
-
حتت 58 الف كيلو دية مشكوك فيها جد عربية بقلها من 2001 حتى 2010 هتعمل العداد دة قليل جدا بس لو فعلا عدادها يبقا خدها لان متورة هيبقا كويس
لو اتومتك بلاش منها لان فى عيوب فى 1600 الاوتومتك بيضرب كمبيوتر يونت ودة عيب شائع مش قى كلة بس عيب شائع جدا
اولا اول حاجة تبص عليها
1- التكيف ولازم يدهولك شغال قلك كانى مانى قلة خلاص مش عيزها لانة مكلف جدا
2-المتور هتكشف عليها بجهاز كشف الاعطال لبيان م بها من اعطال سواء abs والحجات دية وهيديك كشف كامل عن المشاكل قلى فى المتور
3- بيقيسو كبس المتور لو اقل من 8/13 متفكرش تخدها لو هى فعلا مشية 58 الف يعنى بتاع 11/13
4-وعلبة الدركسيون كمان تكشف عليها كويس
5- تطلع لىالطريق وتشوف طارة الدركسيون بعد 160 عملة اة
-
أ\تامر
والله انا شاكر جدا لسرعه الرد والافاده المهمه دى
احب اوضحلك ان العربيه مملوكه لطبيب وكان مسافر بالخارج عشان كده العربيه عامله كم شويه(ده اللى اتقالى )بس حالة العربيه بصراحه بتؤكد الكلام ده
وبالنسبه لموضوع الكشف على الموتور والكومبيوتر ده هيكون فى التوكيل ولا عند ميكانيى مثلا وهيه كده aولا b
والسعر العادل بالنسبه للطرفين يكون كام؟
ولكم جزيل الشكر يا أ\تامر ...وكل من ينصحنى
-
على التوكيل طبعا بدون نقاش وبالنسبة للسعر فهو كويس نظراً لحالة السيارة النادرة. بس هي لوماكانتش مرفوعة حتلاقيها محتاجة مساعدين ودول بحوالى 1200 جنيه جداد.
تحياتي.
-
الله يباركلك فيها مقدماً
هى كده تحفة و زى ما قال تامر
و هى كده بى مش ايه خالص اخر الأية 95
-
والله انا مش عارف ازاى اشكركم على دعمكم ده
وشكرا لكل من افادنى بنصيحته
وفعلا عصابه الاوبل عند حسن ظنى وظن المنتدى
وان شاء الله انضم لكم قريب جدا بس انتم بئه استحملونى لغايه اما ابقى اوبلاوى خبير زيكم
شكرا جزيلا يا شباب
-
-
الموديل طبعا كويس مافيش خلاف علية واهم حاجة اكشف على الصاج وكبس الماتور والتكيييييييييييييف والسعر العادل من 50الى 54 الف جنية
-
و لو على شوية مقابل الحالة الشاذه يبقى مش مشكله
-
والله انا مش عارف اودى وشى منكم فين
بعد ما تعبتكم معايا وعملت كل اللى اقدر عليه وكشفت على العربيه من كافه النواحى النهارده العصر واتفقت مع الدكتور انى هخلص معاه بكره ان شاء الله فى الشهر العقارى وبالمرة يكون جاب شهادة مخالفات الصبح
لقيته من شويه كده بيتصل بيا وبيعتذر عن اتمام البيع والسبب مجهول ولكنى اعتقد انه جاله فيها اكتر
ودلوقتى انا مش عارف اعمل ايه
انا مضطر اتقل عليكم وتساعدونى في انى الاقى عربيه تانيه وتكون حالتها ممتازه علشان لما انضم لكم اكون راكب عربيه تشرفكم قبل ما تشرفنى
انا اسمى شريف مراد
من اسكندريه \محرم بك
بشتغل حاليا فى ميناء دمياط
وساكن فى رأس البر وبنزل اجازه خميس وجمعه
وشاكر ليكم على مساعدتك السابقه
والقادمه :satelite:
Content Relevant URLs by
vBSEO 3.6.0 PL2