بتستفاد من موتور عربيتك الكبير والسى سى الزيادة بمعنى ال 2500/2000/1800/1600 ام انة اكبر من حاجتك وان موتور اقل حيقضى الغرض وحيوفر فى البنزين فى ظل الزحمة هذة الايام
عرض للطباعة
بتستفاد من موتور عربيتك الكبير والسى سى الزيادة بمعنى ال 2500/2000/1800/1600 ام انة اكبر من حاجتك وان موتور اقل حيقضى الغرض وحيوفر فى البنزين فى ظل الزحمة هذة الايام
في رايي ان ده حسب حجم ووزن العربية. واصلا كده كده المواتير اللي بتجيلنا مصر هي اصغر مواتير.
يعني في عربيتي مثلا (كيا سيراتو) انا شايف ان موتور 1600 حلو عليها اوي, اصغر من كده كان حيبقى ضعيف لو راكب فيها كذا واحد والتكييف شغال مثلا. وبعدين تكنولوجيات جديدة زي cvvt الي اخيرا حنوا علينا ونزلوهلنا في البلد بتظبط الاستهلاك الى حد كويس.
طبعا هي في منها (برة) 2000 و 2400 وده حيبقى ممتاز في السرعات العالية والمسافات الطويلة, لكن في القرف الي احنا فيه ده هيحرق بنزين على الفاضي في الزحمة وكمان حيبقى مكتوم وقرفان ومش طايق نفسه اكتر من السواق.
ازيك ياا محمد...
يسعدني اني اكون اول واحد يرد علي حضرتك .. انا موتوري 1600 ويعتبر الحجم الوسط في استخداماتنا . انا بسافر كتير بحكم شغلي وبحتاج موتور قوي ونشيط يساعدني والحمد لله انا شايف انه مناسب جدا -اما بالنسبه لاستهلاك الوقود مش بيفرق كتير بين السي سي اللي اقل مني (1300) ولا حتي اللي اكتر مني(1800) لان حضرتك عارف ان التكنولوجيا الوقتي في المحركات مظبطه الدنيا ( رشاشات وحساسات وكمبيوتر ....)
أنا بره السؤال ده عشان عايز إستهلاك ببقى ١٤٠٠ عايز جري ببقى تربو :S_thum1[1]:
انا الحمدلله وحضرتك نورت الموضوع بالنسبة للاستهلاك السفر وبعيدا عن الزحمة فهو افضل من معدل الاستهلاك داخل البلد وبيفرق موضوع الاستهلاك بردوا بين العربيات ومختلف انواعها ففى اللى معاة 1600 وسفاح بنزين موديل قديم او جديد ومفيهوش تكنولوجيا لتقليل معدل الاستهلاك وبيبقى التركيز على عزم اكبر للموتور والجديد اكيد انا متفق مع حضرتك فى النقطة دة ان التكنولوجيا اللى فى المواتير بتظب موضوع الاستهلاك
فعلا تكنولوجيا التربو دى روعه
انا بئا مقتنع ان الموضوع راجع لطريقة القياده
يعنى انا عندى بسواقتى على موتور 1600 بتاع البروتون مثلا باستهلك اقل من واحد صاحبى بلانسر 1300 بالرغم من ان نفس مشاويرنا واحده تقريبا
بس ده لان عندى الفلتر الiafm ده بيوفربنزين فى القياده الاقتصاديه جامد (تحت 3000rpm)
وبالعكس صاحبى عشان موتوره ضعيف على العربيه بيضطر يحرق لحد 6000 مثلا
وطبعا وقت مابعوز اداء بيبئا حاجه تانيه ولو مواتير ال2000 مثلا جماركها قليله كنت اكيد جيبت 2000 سى سى
1600 استفادة كاملة من حيث القوة والضريبة والتحمل والبنزين
اعتقد ال1600 الاستهلاك بتاعها مش هيفرق كتير عن 1300 او غيرها حسب طريقه القياده
يعني الي متعود علي 1600 لو خليته يسوق 1300 هتلاقيه حوت بنزين لانه بيقرص جدا علي العربيه عشان عايز يحس بسحب او عزم ودى ملهاش علاقه بالسرعات العاليه
اما ال1600 معتقدش هيدوس جامد الا لو محتاج كدة غير كده وخصوصا فى الاوتوماتيك لو استخدامه مستريح ومريح العربيه جدا مش هيحس باستهلاك بنزين ودة عن تجارب شخصية