السلام عليكم , ازيكو ياجماعة ؟ان شالله تكونو بخير
انا في موضوع قبل كدة قلتلكو ان العربية اتخبطت والمقايسة طلعت ب 19550 جم
الحمد لله العربية خلصت والمبلغ اللي اتدفع 12650 جم بس اللي مكتوب في الفاتورة 12310 اظن ان الفرق حاجات خفيفة في العربية (صيانة ) . المهم عملت معاينة وخلصت بس المهندس اللي شاف العربية قلي انا عاوز قطع الغيار التالفة لغاية متستلم الشيك
بعد كدة كلمت التوكيل وقلي تعال خدهة فأي وقت
في عندي سؤالين ياريت تجاوبوني عليهم :
1- المدام اللي بتشتغل ف شركة التأمين قلتلي لازم تديني فلوس هدايا اديها للموظفين (لاني مش حاقدر عليهم دول)عشان يمشي لملف بتاعك فبرأيكو اديها كام؟؟حاجة معقولة يعني.
2- التوكيل حيرضى يديني الحاجات دي بعد ماسلمت الفتورة واتحطت في الملف عند التأمين وماعنديش اي ورقة فيها الحاجات المتغيرة .
انا عارف اني دي حاجات هايفة بس انا باشتغل في مستشفى ومعنديش وقت اروح وارجع عالفاضي

شكرا ليكو مقدما وربنا ميحرمناش من المنتدى الرائع دة