الموضوع: الىو اكسنت الحقونى

الترخيص بي المختصر

إستخراج شهادة الإفراج الجمركى

بعد إستلام السيارة, بناخذ ورق العربيةعبارة عن:

1. عقد بيع السيارة للمشترى (اللى هو سعادتك )
2. صورة من بيان بالعربيات المفرج عنها (أرقام شاسيه وموتور)

بنطلع بالورق ده على مرور بين السرايات فى الدقى (جنب محطة مترو البحوث الخط 2)
وبتسأل أى حد أعمل الإفراج الجمركى منين, هيقولك إطلع السلم اليمين وخش شمال أخر الطرقة
هتقوم قايل للراجل الطيب. عايز أعمل شهادة إفراج جمركى هيقوم قايلك هات 5 جندى وال(3 ورقات اللى فوق) وإستنى عند شباك 7 ربع ساعة كدة وهتقوم واخد شهادة الإفراج.. ممكن المكان الي هتشتري منه العربيه يخللصلك الليله دي . وإطلع طوالى على المرور اللى إنت تابع ليه

ثالثا: الترخيص

روح المرور بدرى على قد ما تقدر 8:30 صباحا كده عشان تنجز بدرى بدرى

وإعمل الخطوات الجاية دى:

1. إشترى نماذج عربية جديدة (1600 سى سى 4 سلندر) == 43 جنيه
2. خد بصمة الموتور والشاسيه (أى حد لابس العفريته هيقوم بالواجب) == إديلو اللى فيه النصيب (2-3 جنيه)
3. إفحص العربية (الراجل اللى بياخد البصمة هينده للمهندس) == إديلو 5 جندى (المهندس)
4. إدفع التأمين 3 سنين (أى شركة) == 224 جنيه
5. إشترى الطفاية == 121 جنيه
6. صور البطاقة صورة واحدة
7. إشترى دوسيه بجنيه
8. إملأ بياناتك فى تلات ورقات كده من النماذج
9. خش قدم ورقك عند الشبابيك (بتاعت الضرايب) وهتدفع 782 جنيه ضرايب 3 سنين ونمر جديدة وشوية حاجات كده (وهتدى الراجل اللى بيخلصلك ورقك حسنة والراجل بتاع الخزنة بردو هتديلو حاجة)
10. هتقعد بره تستنى إسمك لما يتنادى عليه وهتستلم رخصتك والإستيكر بتاع الترخيص
11. تروح بالرخصة على الشباك بتاع اللوح وهيديك اللوح (النمر الجديدة) بتاعتك وهتلاقى واحد قام واخدهم ويروح معاك على العربية يركبهم وإديلو اللى فيه النصيب (5 جندى كده)
12. روح على بيتك وقول أذكار الصباح وقول دعاء العربية وياريت تدبح حاجة للعربية طوالى
    و ألف ألف مبروك وربنا يباركلك فى العربية ويحفظهالك من أى سوء