استفسار الى اساتذتنا الكبار....ابو احمد ومحمد ممدوح..والاخوه المختصين
كان عندى مشكله نقص المياه باستمرارلدرجه ان مؤشر الحراره اخر مره ارتفع على غير الطبيعى...وصوت الموتور كان عالى...والسحب ضعيف...وعمر البوجيهات كان قصير جدا
عملت عمره (طقم شنبر وسبيكه و وش سلندر+قشط)........الحمد لله موضوع نقص المياه خلص ..لكن بقى صوت الموتور فأصبح مرتفع اكتر من الاول لدرجه اهتزاز عجله القياده كأننى سايق سياره نص نقل...(ووجدت ان دواسه الدبرياج جامده.....لدرجه انها بتتعب رجلى اليسرى جدا عند
السير فى الاماكن المزدحمه...وده ماكنش موجود قبل العمره مش عارف له علاقه بالعمره ام لا)
والعربيه مش ناعمه زى الاول.....وباحس بنحره فى الموتور وانا بادوس بنزين
السؤال هنا ايه سبب الصوت العالى...اللى بعد العمره اصبح اعلى؟
(تفسير الميكانيكى ان عمود الكامه مطلوب تغييره!!!!!)
وهل ممكن العربيه ترجع زى الاول ناعمه؟؟
ملحوظه هامه انا مغير اسطوانه ودسك وماعملتش السياره الف كيلو لسه,,,وحاليا السياره فى التليين
باختصار موضوع العمره ده نجح ام فشل؟؟؟...
افيدونا افادكم الله وادام فضلكم
المفضلات