مغامرات لمبة البطارية ولمبة البطارية ...؟

العنوان يمكن يكون في التباس بس احكيلكم اللي حصل ..
لاحظت من اول ما الجو برد من شهر كده ان العربية لما ادورها تدور بعد مرتين او تلاتة قلت عادي يمكن علشان الجو برد
ومن يومين رحت علشان ادور العربية .. قربت منها ودوست على الريموت ولكن لاحس ولا خبر قلت يمكن الانذار باظ وفتحت باب العربية مانيوال واضرب المفتاح في الكونتاكت وادور .. برضو لاحس ولا خير..
آه .. تذكرت عبارة ان الكمبيوتر والسيارة لا يمكن التنبؤ بما سيحدث معهما عند التشغيل ...
قلت اكيد البطارية هي السبب بس معقول حتى انوار التابلوه كلها مش شغالة يعني البطارية تموت فجأة
هنا تذكرت لمبة البطارية اللي في التابلوه وسـألت
السؤال الاول هي لمبة البطارية اللي في التابلوه فايدتها ايه ؟..

استعنت بصديق لي في العمل .. قال لي يا اما البطارية انتهت صلاحيتها يا اما الدينامو هو اللي عطلان ومش قادر يشحن البطارية وقال انو حصل معاه الموقف ده من اسبوعين ولسة جايب بطارية جديدة ومغير دينامو كمان !!؟؟
وقالي احنا نروح نشحن البطارية ونشغل العربية ونفصل كابلات البطارية لو العربية وقفت يبقى عيب دينامو ولو العربية فضلت شغالة يبقى ده عيب بطارية
قولتلو البطارية من النوع الجاف ومش هتقبل شحن قال لأ هتقبل
لاحظت ان لمبة البطارية اللي في البطارية مش منورة وانا بصراحة عمري حتى ما اهتميت اشوفها لان البطارية ونوعها adler كالسيوم (مش عارف ليه كالسيوم )ومكتوب عليها انها الماني او تكنولوجيا الماني كان اشتراها خالي من 14 شهر وركبها وحط عليها غطا كاوتش وما شفتش اذا كانت اللمبة بتاعتها منورة اخضر ولا لأ
قلت لصاحبي وريني البطارية الجديدة بتاعتك اللي انت اشتريتها من اسبوعين عايز اشوف نور اللمبة بتاعتها فتح كبوت عربتو الاوكتافيا وبصيت عليها لقيتها ضلمة برضو ومش منورة ولا الهوى حتى .. قاللي علشان العربية مش دايرة المهم دور العربية وبصيت تاني برضو مش منورة !!!؟؟
السؤال التاني هو ايه فايدة اللمبة اللي في البطارية وهل فعلا هي مؤشر يعتمد عليه ؟
المهم
خدنا البطارية ورحنا لواحد بتاع شحن بطاريات شكلو ميفهمش حاجة لانو اول شئ عملو لما اخد البطارية كان بيحاول يفتحها بالقوة قولتلو بتعمل ايه دي بطارية من النوع الجاف
المهم حط البطارية على جهاز الشحن واتحرك المؤشر بتاع الجهاز حوالي الربع وقال ان البطارية قبلت الشحن وسيبها ساعة وتعالى خدها
انا محاولتش اقرا المؤشر بتاع الشاحن علشان اعرف الربع ده كام امبير
المهم
رجعت بعد ساعة قالي خلاص شحنت وقبل ما يفصلها بصيت على مؤشر الشاحن لقيتو زي ما هو على ربع التدريج ولمب البطارية برضو مش شغالة ولما قلتلو الكلام ده قاللي انا هوريك انها شحنت وجاب كابل وعمل شرز قوى ..
المهم
في هذه الاسناء (الاثناء) اتصلت بخالي وحكيتلو اللي حصل قاللي مصنفرتش اقطاب البطارية والوصلات الاول ليه ؟ يمكن يكون العيب منها وقالي ان لمبة البطارية اللي في التابلوه دي علشان تبين حالة الدينامو اذا كان يشحن البطارية ولا لأ
المهم
خدنا البطارية انا وصاحبي ورجعنا وقبل ما اركب البطارية صنفرت الاقطاب والوصلات وركبتها واشتغل الانزار فجأة وصاحبي كان هيقع من طولو من الخضة وعملنا اختبار الدينامو وفصلت الوصلة الحمرا من البطارية وفضلت العربية شغالة
المهم
اشتغلت العربية وكلو تمام
وبقالها يومين شغالة ولكن بتعاكسني الصبح لما ادور العربية يمكن بعد مرتين او تلاتة ولما العربية تشتغل الار بي ام بيتهز لغاية ما السخان يشتغل وتكمل عادي بس انا عندي كابلات البوجيهات حالتها زي الزفت ويمكن البوجيهات كمان خدت رطوبة لانها بتفرقع مع الامبليه المفاجئ في فترة الصبح وبتختفي الفرقعة لما العربية تسخن واضيف معلومة مهمة ان العربية تبات في الندى بقالها شهرين وتصبح غرقانة مية وحالتها تصعب على الكافر لاني مهمل فيها شويتين
المهم
عندي شوية اسئلة من القطعة السابقة
هل البطارية خلاص بتودع ؟
هل لمبة البطارية اللي في البطارية يعتمد عليها؟
هل لمبة البطارية اللي في التابلوة تبين حالة البطارية ولا حالة الدينامو؟
هل نوع بطاريتي من النوع اللي اخرو سنة ولا ايه ؟
انا موقفي ايه الان؟
في زميل كان كاتب موضوع عن نوع البطاريات ده
http://www.nilemotors.net/Nile/110722-adler.html

انا من راى انك الاول تروح لكهربائى كويس يبدا من الاول يقيس شحن الدينامو ثم يقيس البطارية بالفولت وكده ممكن تعرف العيب منين

اقتباس:

---

المشاركة الأصلية كتبت بواسطة aymansaad

انا من راى انك الاول تروح لكهربائى كويس يبدا من الاول يقيس شحن الدينامو ثم يقيس البطارية بالفولت وكده ممكن تعرف العيب منين

---

شاكر اهتمامك اخي ايمن
وانا فعلا هروح للكهربائي ودي اسهل حاجة
بس عايز اعرف شوية معلومات عن اللي الاسئلة اللي سألتها قبل ما اروحلو

شكرا مرة اخرى
وهل من مشارك معنا

هل البطارية خلاص بتودع ؟(مش شرط طبعا طالما هيه شغاله ولسه بتدور العربيه تبقي كويسه)
هل لمبة البطارية اللي في البطارية يعتمد عليها؟(انت فاهم موضوع لمبه البطاريه دي غلط شويه دي مش لمبه بالمعني المفهوم هيه ديره بيكون لونها اخضر وعلشان تشوفها بالليل لازم تجيب كشاف وتسلطه علي الحته اللي زي القزاز دي وبالنهار ممكون او بصيت من زويه كده تشوف لو منوره اخضر ولا اسود وا ابيض وطبع ابيض يعني البطاريه بيباي)
هل لمبة البطارية اللي في التابلوة تبين حالة البطارية ولا حالة الدينامو؟(اه طبعا يعني لو توقف الشحن اللمبه نظريا المفروض تنور فورا عند بتاع البطاريه بالجهاز الاحمر اللي معاه دا خليه يقيس شحن الدينمو دا موضوع بتكلف بكبيره 5 جنيه وبيكون نتيجه الجهاز دا موثوق فيها للغايه)
هل نوع بطاريتي من النوع اللي اخرو سنة ولا ايه ؟(والله مش شرط ما تتعقدش من البطاريه علي الفاضي)

انا موقفي ايه الان؟1. بتاع البطاريات تقيس شحن الدينمو
2. تمشي مشور حلو بالعربيه بالنهار علشان يبقي ما فيش استهلاك النوار

ياباشا موضوعك بسيط خالص
سبب المشكله ان الكابلات بتاعت البطاريه و اقطاب البطاريه اتكون عليها صداء(خاصه ان عربيتك بتبقى غرقانه فى الندا )و بالتالى مبقتشى تشحن كويس و ده خلاها تخلص شحنتها من غير ما تتشحن
ولو كنت صنفرت الاقضاب من الاول (وده اول حاجه بتتعمل لأى مشكله فى البطاريه) و زقيتها لغايه لما تدور المتور بس كان ساعتها البطاريه حتتشحن و توفر على نفسك الحوارات اللى عملتها دى من الاول
اما بالنسبه لحالت البطاريه فمفيهاش مشكله لأنها اصلا معملتشى معاك مشكله اساسا

اول مار كبت بطارية جديدة كنت مهوس بالمبة كل شوية ابص عليها مره خضرا ومره حمرا ومره مش منوره
انا عندي لمبة البطارية باظت من اول اسبوع ورحت للمحل اللي اشتريتها من عنده علشان ليها ضمان
قال اللمبات دي اي كلام ومش مقياس على جودة البطارية وبتبوظ عند الناس كلها!!!

مصدقتهوش رحت للكهربائي قال نفس الكلام اللمبة دي فشنك ومن ساعتها ومبقتش ابص على اللمبه

الف شكر يا احلى ناس
صحيح انتم اتاخرتم عليا شوية ولكن ان تاتي متأخرا افضل من الا تأتي ابداً

اقتباس:

---

المشاركة الأصلية كتبت بواسطة tamer_a7

هل البطارية خلاص بتودع ؟(مش شرط طبعا طالما هيه شغاله ولسه بتدور العربيه تبقي كويسه)
هل لمبة البطارية اللي في البطارية يعتمد عليها؟(انت فاهم موضوع لمبه البطاريه دي غلط شويه دي مش لمبه بالمعني المفهوم هيه ديره بيكون لونها اخضر وعلشان تشوفها بالليل لازم تجيب كشاف وتسلطه علي الحته اللي زي القزاز دي وبالنهار ممكون او بصيت من زويه كده تشوف لو منوره اخضر ولا اسود وا ابيض وطبع ابيض يعني البطاريه بيباي)
هل لمبة البطارية اللي في التابلوة تبين حالة البطارية ولا حالة الدينامو؟(اه طبعا يعني لو توقف الشحن اللمبه نظريا المفروض تنور فورا عند بتاع البطاريه بالجهاز الاحمر اللي معاه دا خليه يقيس شحن الدينمو دا موضوع بتكلف بكبيره 5 جنيه وبيكون نتيجه الجهاز دا موثوق فيها للغايه)
هل نوع بطاريتي من النوع اللي اخرو سنة ولا ايه ؟(والله مش شرط ما تتعقدش من البطاريه علي الفاضي)

انا موقفي ايه الان؟1. بتاع البطاريات تقيس شحن الدينمو
2. تمشي مشور حلو بالعربيه بالنهار علشان يبقي ما فيش استهلاك النوار

---

الاخ tamer_a7
اجاباتك واضحة ومنظمة ووافية ومفيدة شكرا لك

اقتباس:

---

المشاركة الأصلية كتبت بواسطة khaled_sabry

ياباشا موضوعك بسيط خالص
سبب المشكله ان الكابلات بتاعت البطاريه و اقطاب البطاريه اتكون عليها صداء(خاصه ان عربيتك بتبقى غرقانه فى الندا )و بالتالى مبقتشى تشحن كويس و ده خلاها تخلص شحنتها من غير ما تتشحن
ولو كنت صنفرت الاقضاب من الاول (وده اول حاجه بتتعمل لأى مشكله فى البطاريه) و زقيتها لغايه لما تدور المتور بس كان ساعتها البطاريه حتتشحن و توفر على نفسك الحوارات اللى عملتها دى من الاول
اما بالنسبه لحالت البطاريه فمفيهاش مشكله لأنها اصلا معملتشى معاك مشكله اساسا

---

الاخ khaled_sabry
كلامك كله سليم 100%
وفعلا البطارية شغالة زي الفل حتى الان

اقتباس:

---

المشاركة الأصلية كتبت بواسطة hemalotfy

اول مار كبت بطارية جديدة كنت مهوس بالمبة كل شوية ابص عليها مره خضرا ومره حمرا ومره مش منوره
انا عندي لمبة البطارية باظت من اول اسبوع ورحت للمحل اللي اشتريتها من عنده علشان ليها ضمان
قال اللمبات دي اي كلام ومش مقياس على جودة البطارية وبتبوظ عند الناس كلها!!!

مصدقتهوش رحت للكهربائي قال نفس الكلام اللمبة دي فشنك ومن ساعتها ومبقتش ابص على اللمبه

---

يبدو ذلك فعلا
او كما قال تامر باشا يمكن انا فاهم موضوع اللمبة غلط لانها الظاهر مش لمبة ولكن مجرد لون بيتغير من الاخضر للاسود وهكذا color indicator

اسمحو لي انتقل لسؤال اخر قد يبدو ساذج ولكن سمعت له اجابات كثيرة
هي البطارية فايدتها ايه ؟
اممممم
اكيد البطارية هي اللي تدور العربية ولكن بعد ذلك


كما سبق وذكرت انا فصلت البطارية والعربية شغالة ومحصلش حاجة
وشئ تاني اني لما اشغل العربية على السلانسيه واشغل النور العالي باحس بحمل على الموتور وصوته يتغير وعدد لفات الار بي ام بيقل بمقدار حوالي 200 او 300 لفة
بما يعني ان الدينامو هو اللي يشغل النور

ما دور البطارية ودور الدينامو ؟

كانت الاجابات هكذا
الاجابة الاولى
البطارية فايدتها تقوم او تشغل العربية وبس وبعد كده كل حاجة على الدينامو


الاجابة الثانية
ان الشغل كلو على البطارية وان النور لازم يكون من مصدر طاقة ثابت وان الدينامو فايدتو انو يشحن البطارية علطول والبطارية تكمل الشغل
وان تغيير صوت الموتور ونقص الا ربي ام سببه ان الدينامو يقوم بجهد زيادة لشحن البطارية

الاجابة الثالثة
لو البطارية فصلت وانت ماشي بالعربية او خلصت شحن فسوف تتوقف السيارة فوراً


هو ايه الصح وهل ممكن تكون هناك اجابة رابعة توزع العمل بين البطارية والدينامو بشكل صحيح ؟

منتظركم

اقتباس:

---

المشاركة الأصلية كتبت بواسطة dr_ahmad

اسمحو لي انتقل لسؤال اخر قد يبدو ساذج ولكن سمعت له اجابات كثيرة
هي البطارية فايدتها ايه ؟
اممممم
اكيد البطارية هي اللي تدور العربية ولكن بعد ذلك


كما سبق وذكرت انا فصلت البطارية والعربية شغالة ومحصلش حاجة
وشئ تاني اني لما اشغل العربية على السلانسيه واشغل النور العالي باحس بحمل على الموتور وصوته يتغير وعدد لفات الار بي ام بيقل بمقدار حوالي 200 او 300 لفة
بما يعني ان الدينامو هو اللي يشغل النور

ما دور البطارية ودور الدينامو ؟

كانت الاجابات هكذا
الاجابة الاولى
البطارية فايدتها تقوم او تشغل العربية وبس وبعد كده كل حاجة على الدينامو


الاجابة الثانية
ان الشغل كلو على البطارية وان النور لازم يكون من مصدر طاقة ثابت وان الدينامو فايدتو انو يشحن البطارية علطول والبطارية تكمل الشغل
وان تغيير صوت الموتور ونقص الا ربي ام سببه ان الدينامو يقوم بجهد زيادة لشحن البطارية

الاجابة الثالثة
لو البطارية فصلت وانت ماشي بالعربية او خلصت شحن فسوف تتوقف السيارة فوراً


هو ايه الصح وهل ممكن تكون هناك اجابة رابعة توزع العمل بين البطارية والدينامو بشكل صحيح ؟

منتظركم

---

البطاريه بتطلع كهرباء و الدينامو بيطلع كهرباء برضه ... طيب ايه الفرق
الفرق هو ان الدينامو بيشتغل لما العربيه بيه تتحرك و بالتالى استحاله تعتمد عليه فى تدوير العربيه الالو حتزقها كل يوم الصبح (لأن اللى بيدور الموتور فى الاول هو المارش و المارش عاوز له كهرباء .. و انتا لما بتزق العربيه بتستعيض عن المارش بالحركه الزق دى )
فبالتالى عملو البطاريه و هى ببساطه بطاريه بتتشحن طول لما العربيه ماشيه و من الدينامو العربيه بتعتمد الكهرباء بتاعتها عليها لأنها بتطلع كهرباء منتظمه (لكن لو اعتمدنا على الدينامو فى الحاله دى فاول لو هديت بالعربيه تلاقى النور و الكاسيت و كل حاجه ضعفت لضعف التيار) . و بالتالى فايده الدينمو اصبحت اعادة شحن البطاريه
و منطقى انك لما تفصل البطاريه تلاقى النور ضعيف شويه لأنك ساعتها حتبقى شغال على الدينمو فقط ..بس لو كنت زوت بنزين كنت حتلاقى النور شد تانى

ولما يقولو خلاص البطاريه باظت مش معنى كده انها خلصت الشحنه اللى فيها (لأن ده بيحصل على طول)معناها انه خلاص البطااريه مش راضيه تتشحن تانى كويس (على فكره انتا لما وديت البطاريه و الراجل وصلها بجهاز و المؤشر كان واقف على الربع ده غالبا كان مقياس فرق الجهد <الفولت> و ده حيفضل ثابت حتى لو وصلتها 100 سنه )
انتا بقى اللى حصل معاك ان البطاريه خلصت شحنتها و ماعرفتشى تتشحن من الدينامو تانى علشان الكبلات مش متوصله كويس

اقتباس:

---

المشاركة الأصلية كتبت بواسطة khaled_sabry

البطاريه بتطلع كهرباء و الدينامو بيطلع كهرباء برضه ... طيب ايه الفرق
الفرق هو ان الدينامو بيشتغل لما العربيه بيه تتحرك و بالتالى استحاله تعتمد عليه فى تدوير العربيه الالو حتزقها كل يوم الصبح (لأن اللى بيدور الموتور فى الاول هو المارش و المارش عاوز له كهرباء .. و انتا لما بتزق العربيه بتستعيض عن المارش بالحركه الزق دى )
فبالتالى عملو البطاريه و هى ببساطه بطاريه بتتشحن طول لما العربيه ماشيه و من الدينامو العربيه بتعتمد الكهرباء بتاعتها عليها لأنها بتطلع كهرباء منتظمه (لكن لو اعتمدنا على الدينامو فى الحاله دى فاول لو هديت بالعربيه تلاقى النور و الكاسيت و كل حاجه ضعفت لضعف التيار) . و بالتالى فايده الدينمو اصبحت اعادة شحن البطاريه
و منطقى انك لما تفصل البطاريه تلاقى النور ضعيف شويه لأنك ساعتها حتبقى شغال على الدينمو فقط ..بس لو كنت زوت بنزين كنت حتلاقى النور شد تانى

ولما يقولو خلاص البطاريه باظت مش معنى كده انها خلصت الشحنه اللى فيها (لأن ده بيحصل على طول)معناها انه خلاص البطااريه مش راضيه تتشحن تانى كويس (على فكره انتا لما وديت البطاريه و الراجل وصلها بجهاز و المؤشر كان واقف على الربع ده غالبا كان مقياس فرق الجهد <الفولت> و ده حيفضل ثابت حتى لو وصلتها 100 سنه )
انتا بقى اللى حصل معاك ان البطاريه خلصت شحنتها و ماعرفتشى تتشحن من الدينامو تانى علشان الكبلات مش متوصله كويس

---

+11111111111111111111111