ارجو الافادة... اول تعامل ليا مع غبور و صيانة 5000كم

السلام عليكم
معايا النترا 2009 زي ما انتوا عارفين
يوم الاربعاء ان شاء الله هروح صيانة 5000كم عند غبور فرع قليوب
عايز اعرف ايه النظام و اتعامل معاهم ازاي و اسألهم عن ايه و المشاكل الشائعة و كل حاجة بالله عليكم
ده اول تعامل ليا مع فرع قليوب و عندي حاجات كتيرة عايز اقولهم عليها في العربية و الحمد لله حجزت و كل حاجة تمام
بالمناسبة.. العربية ما بتمشيش خالص تقريبا يعني انا عامل بيها 5000كم في 8 شهور لاني دايما في الكلية و بسيبها فده ممكن يكون اثر على حاجة ؟
و كمان الطرق اللي بمشي فيها صعبة جدا فبرضه ايه اللي المفروض اكشف عليه و اقولهم في التوكيل عليه و كده ؟
اسف على الاطالة
شكرا مقدما و ارجو الاهتمام من الاعضاء الكرام

خلاف غيار الزيت والاتشك بتاعهم
اطلب انك تدخل العربيه علي الكومبيوتر وشوف معدل استهلاك البنزين
كمان اظبط زوايا واكشف علي العفشه

يا جماعة فيه حاجة مضايقاني اوي
معدل استهلاك البنزين وحش جدا معايا
اللتر بيعمل 9.5 : 10كم بالعافية معرفش لييييييييه؟
ارجوكم قولولي المشكلة في ايه لان ملاك النترا بيأكدوا ان معدل استهلاكها احسن من كده كتير

و ياريت تفاعل اكبر من الاعضاء الكرام لاني خلاص رايح بعد يومين و عايز اعرف كل حاجة قبل ما اروح الصيانة عشان اقولهم

يا جماعة 30 مشاهدة و رد واحد بس؟
ممكن حد يساعدني بس في استفساراتي؟

طالما العربية مابمتمشيش كتير يبقى مفيهش مشكلة ان شاء الله و كفاية الكشف بتاعهم. اكتب اى ملاحظات عندك على اداء العربية علشان ماتنساش حاجة لما تروح.
موضوع الاستهلاك مرتبط بحالة السير. يعنى لو مشيك بيها مشاوير قصيرة و فى الزحمة يبقى 10كم فى اللتر كويس انما المشى على الطرق السريعة و السرعة من 80-110 هى اللى بتدى 13-16 كم فى اللتر

طيب عايز اعرف حاجة
هم في التوكيل عندهم صبر يسمعوا كل اللي عندي و يحلوا المشاكل كلها مشكلة مشكلة و كده و لا هيحاولوا يخلصوا بأي طريقة و خلاص؟