محتاج مشوره من خبراء البيجو و خصوصا 205

السلام عليكم

اولا انا بشكر كل الناس اللي في المنتدى ده عشان بصراحه خدومين جدا جدا . ربنا يبارك لهم

ثانيا انا صادف معايا بيجو 205 موديل 86 بصراحه فيها شغل سمكره كتير زى السقف و الرفارف و شويه حتت فى الشنطه و حوض الموتور و علي حسب كلام صاحبها ان الكربراتير عايز يتضبط بس و عشان كده بتطلع دخان رمادى كتير لكن باقى العربيه زى الفل. اللي لفت نظرى ان السعر اللى طالبه 12000 فانا كنت عايز اسال يا ترى هو ده توبها اليومين دول و لا دى لقطه علي اساس ان الراجل بيسافر كتير و مالوش دماغ ليها؟؟؟

و لو عربيه بالمواصفات دى تبقي كويسه و لا حتقرفنى فى قطع الغيار و السمكريه خصوصا انا من اسكندريه.

يا ريت تردو عليا بسرعه يا جماعه عشان لو كانت كويسه الحق اقلب الفيات 127 اللي معايا مع انى لسه موضبها بس اعمل ايه بقي ال 205 داخله دماغي من زمان و مش عايزه تخرج

اقتباس:

---

المشاركة الأصلية كتبت بواسطة smily_skull

ثانيا انا صادف معايا بيجو 205 موديل 86 بصراحه فيها شغل سمكره كتير زى السقف و الرفارف و شويه حتت فى الشنطه و حوض الموتور و علي حسب كلام صاحبها ان الكربراتير عايز يتضبط بس و عشان كده بتطلع دخان رمادى كتير لكن باقى العربيه زى الفل

---

هوه ايه اللي باقي سليم كده ؟

اقتباس:

---

المشاركة الأصلية كتبت بواسطة smily_skull

السلام عليكم

اولا انا بشكر كل الناس اللي في المنتدى ده عشان بصراحه خدومين جدا جدا . ربنا يبارك لهم

ثانيا انا صادف معايا بيجو 205 موديل 86 بصراحه فيها شغل سمكره كتير زى السقف و الرفارف و شويه حتت فى الشنطه و حوض الموتور و علي حسب كلام صاحبها ان الكربراتير عايز يتضبط بس و عشان كده بتطلع دخان رمادى كتير لكن باقى العربيه زى الفل. اللي لفت نظرى ان السعر اللى طالبه 12000 فانا كنت عايز اسال يا ترى هو ده توبها اليومين دول و لا دى لقطه علي اساس ان الراجل بيسافر كتير و مالوش دماغ ليها؟؟؟

و لو عربيه بالمواصفات دى تبقي كويسه و لا حتقرفنى فى قطع الغيار و السمكريه خصوصا انا من اسكندريه.

يا ريت تردو عليا بسرعه يا جماعه عشان لو كانت كويسه الحق اقلب الفيات 127 اللي معايا مع انى لسه موضبها بس اعمل ايه بقي ال 205 داخله دماغي من زمان و مش عايزه تخرج

---

السعر بتاعها على الحاله دى انا شايفه عالى
فيه ناس بتطلب 16000 و 17000 الف فى موديلات 90 و بموتور و حاله احسن من دى
لو ليك فى التوضيب خدها و ظبطها على مزاجك
مالاكش فى التوضيب يبقى ابعد عنها خالص عشان انتا هاتفتح بطيخه ماتعرفش ايه اللى جواها
و سعرها لازم ينزل
انا شايفها غاليه

اقتباس:

---

المشاركة الأصلية كتبت بواسطة ahmed_khalil

السعر بتاعها على الحاله دى انا شايفه عالى
فيه ناس بتطلب 16000 و 17000 الف فى موديلات 90 و بموتور و حاله احسن من دى
لو ليك فى التوضيب خدها و ظبطها على مزاجك
مالاكش فى التوضيب يبقى ابعد عنها خالص عشان انتا هاتفتح بطيخه ماتعرفش ايه اللى جواها
و سعرها لازم ينزل
انا شايفها غاليه

---

انا معاك بس السعر مش هينزل كتير يعني 500 او 1000 جنيه بالكتير وشدها انت علي مزاجك وممكن كمان تغيرلها المكنه وتشد العفشه صح وعفشتها موجو ده ورخيصه وتفك دماغك منها وقت كتير بس اهم حاجه يكون معاك مش اقل من 6000 جنيه مصاريف عفشه وسمكره ودوكو ومكنه وترخيص واللذي منه
وربنا يوفقك

اقتباس:

---

المشاركة الأصلية كتبت بواسطة nour2007

انا معاك بس السعر مش هينزل كتير يعني 500 او 1000 جنيه بالكتير وشدها انت علي مزاجك وممكن كمان تغيرلها المكنه وتشد العفشه صح وعفشتها موجو ده ورخيصه وتفك دماغك منها وقت كتير بس اهم حاجه يكون معاك مش اقل من 6000 جنيه مصاريف عفشه وسمكره ودوكو ومكنه وترخيص واللذي منه
وربنا يوفقك

---

ماشى يا ابو نور بس لو خدها ب 11000 و محتاجه سمكره و دوكو و الكلام ده كله احسب هاتتكلف كام و خلى بالك من الرفايع اللى ممكن تظهروا كل شويه
ده انتا معاك 309 و عارف :Oc_sun1[1]:

اقتباس:

---

المشاركة الأصلية كتبت بواسطة smily_skull

ثانيا انا صادف معايا بيجو 205 موديل 86

---

ال1986 فيها الموتور القديم المقلوب, اتاكد من الموضوع دة لان حاجتة قليلة قوى + مش اى حد بيرضى يشتغل فية.

اقتباس:

---

المشاركة الأصلية كتبت بواسطة ahmed_khalil

ماشى يا ابو نور بس لو خدها ب 11000 و محتاجه سمكره و دوكو و الكلام ده كله احسب هاتتكلف كام و خلى بالك من الرفايع اللى ممكن تظهروا كل شويه
ده انتا معاك 309 و عارف :oc_sun1[1]:

---

انا معاك انه ممكن يصرف اكتر من كده علشان كده هو لازم يدرس كويس امكانياته ماديه ووقت وطبعا حالة العربيه اللي هيشتريها وصدقني لو عربيه 128 او 127 ممكن يصرف اكتر من كده في شدتها بس هيكون بيصرف علي عربيه مفياهش امل وفي جميع الاحوال الشده المحترمه للعربيه ما تتعوضشي الا استهلاك صاحبها انما تعويضها في البيع او التجاره تخسر الا اذا كانت شدة تواليت و ميك اب للعربيه لزوم شد العين والاغراء للبيع
انا اقصد انه في الاخر هيكون معاه عربيه محترمه اعتماديه بشكل كبير جدا يسافربيها ومايكونشي قلقان من اي حاجه ان كنت بقلق جدا قبل ما اركب عربيتي من اعطال الطريق والمشاكل الكتير بشكل عام بس لقيت غير كده تماما وفعلا كنت بحس كتير اني راكب عربيه زيرو
هي مقارنة بينها وبين الفيات شتان
قطع غيار انا بعتبرها رخيصه بالنسبه لطول عمرها حتي قطع الغيار الاستيراد
موتور رخيص ما تعمرهوش نهائي بيعه خرده واشتري جديد واستفيد من اكسسواراته زي فتيس طرمبة مياه بنزين مارش دينامو
عفشه بسيطه في تصميمها بالذات الخلفيه دونجل بمساعدينه وسعره لا يتعدي 400 او 500 جنيه
جوز مساعدين امامي استيراد 250 الي 300 جنيه
موتور 1400 سي سي حوالي 2000 جنيه و 1600 سي سي من 2500 الي 3000 جنيه
سمكره ودوكو زي اي عربيه فيات وغيره كله زي بعض
كاوتش وبطاريه في اي عربيه هتحتاجلهم نفس السعر
شدة الفرامل كامله ماستر وسيرفو وخراطيم وتيل لن تتعدي 750 جنيه بس هتنساهم
كل المصاريف دي انا صرفتها علي عربيتي وعشت التجربه
بس هتكون عايز صنايعيه محترمين وبيفهموا والافضل يكونوا متخصصين في البيجو ومكان محترم تشتري منه قطع غيار العربيه مع ضمان ان لو في اي حاجه مش مضبوطه او فيها مشاكل امكانية تغييرها
وربنا يوفقك يا صديقي ويا ريت تعرفنا هتعمل ايه

السلام عليكم,

حب اشكر كل الناس اللي ردت و اقولهم الله ينور عليكم عشان من ردكم فعلا واضح ان الناس فاهمه ما شاء الله مش زى ناس تانيه تسألها تهوبص بالكلام و خلاص :Ta_clap[1]:

معلش لتاخرت فى الرد عليكم لان النت كانت مقطوع بس الحمد لله كله زى الفل دلوقتى.

اليومين اللى فاتو اقعدت الف و اعمل دراسه جدوى للحوار من اوله لاخره و اللى وصلتله من الميكانيكيه و السمكريه و بتوع قطع الغيار لقيته انتم كاتبينه :ma:

الاستاذ ابو نور شكله حاسس بيا انا فعلا معايا 127 و بطلع بيها شغل و كده بس بصراحه مفيش ثقه خالص خايف لا تعطل منى فى سكه سفر و لا حاجه حتبهدلنى عشان كده كنت عايز اجيب حاجه محترمه زى بيجو 205 انا عرفت ان قطع غيارها غاليه شويه بس ركب و انسي و عشان كده ان شاء الله انا حدور على وحده حالتها تكون انضف خصوصا انت طمنتني انها متينه و تستحمل و تحسسك بالرفاهيه و انا نزلت و سالت على قطع غيارها لقيتها فعلا مش غاليه قوى مقارنتا بعمرها مع ان كنت كل ما اقول واحد ايه رايك فى البيجو 205 يتكهرب و يتشل و يقوللي اووووووعى تجيبها عشان قطع غيارها مش حتلاقيها و لو جيبتها ححرمك من الميراث

الاخ ابيزا اشكرك على المعلومه دى, فعلا هو موتورها مقلوب و ده مفيش ناس كتير بتشتغل فيه و فيه كعبله كده و اظن لو حاجه الموتور بتاعها بالطول حتبقي اريح

الاخ احمد خليل فعلا هي زى البطيخه بس اظن انا ريحيتها فايحه حبتين و لو فتحتها الله هو اعلم باللي مستخبي زى ما انت قلت ححاول ادور على حاجه موديل 90 تكون حالتها كويسه كده و ربنا يسهل

و باشكركم كمان مره جدا جدا جدا على مساعدتكم و ربنا يديم المعروف :satelite:

ربنا يوفقك اخي smily_skull واللي فيه الخير يقدمه ربنا

كنت هقولك بلاش و العربيه الانت اتفرجت عليها دي لونها نبيتي ؟؟

طب انتو رأيكم ايه ان الواحد يجيب عربيه تعبانه زي دي و يشدها هو علي ايدو؟

بامانه العربيه لو وقفه علي حيلها احسن ما تجيب عربيه متبهدله و تشدهاا

الفرق هو هو

خلو بالكو في المنتدي هنا ناس بجد فطاحل و بالنسبه للبيجو 205 الراجل اللي اسمه نور بيجو ده خلو بالكو منو
اصل انا كلمتو و عرفتو
فرود اصلي و جدع جدا و خدوم و زوق اوي
يعني الكلمه اللي تطلع من بقه بتخش الجون

ايه يا عم الكلام الجامد ده بس ربنا يخليك احنا هنا كلنا اخوات و بنحب نخدم بعض

يا عيني عليك و علي لعبك يا ابو الانوار



كبير مشجي _نور بيجو _ في الملاعب المصريه

الف مبروك يا نور على 205 انا عارف انها متاخرة بس بقالى كتير ما بدخلش و عايزن نشوف الوحش ال205 اما يتحول بيقى ايه :verygood:
http://img102.herosh.com/2010/03/10/577335853.jpg
http://img102.herosh.com/2010/03/10/816796996.jpg
http://www8.0zz0.com/2010/03/10/12/443046696.jpg

ن شاء الله هي لونها ابيض هيبقي شبيها باخر واحده دي نوعا ما

انتظرونا قريبا

يا عم نور محنا منتظرين و انت نشفت ريقنا

معلش نسيت


مع تحيات
كبير مشجي _نور بيجو _ في الملاعب المصريه