عرض للطباعة
هو التيل يا جماعه بيكون حاجه خاصه للسوبارو ..؟؟ ولا ممكن يتجاب من اي حته و لو ممكن يتجاب بره التوكيل ارخص منين ؟؟ و ايه النوع بالظبط ؟؟ ..
و هل فعلا لو جبت طقم بوجيهات hks او بوش ( و منين ممكن اجيبهم ؟ ) هايعلي من اداء العربيه و هايكون في فرق ؟؟ و كذلك فلتر الهواء و الزيت ؟؟ .. و هل الكلام ده ممكن اعمله بنفسي و لا لازم حد محترف ؟؟
ايه تاني حاجات بسيطه ممكن تتعمل تحسن من اداء العربيه ؟؟
١- التيل خاص بسوبارو. انا جبته من بره قبل كده.. و بسبب الشحن و الجمارك كان تمنه ضعف اللي في التوكيل. كان آداؤه احسن شويه... بس العمر هوه هوه.
٢- البوجيهات مفيش حاجه اسمها hks. اعتقد قصدك ngk. سواء جبت ده او البوش مش هيفرق معاك في حاجه. مش هتعرف ابدا تغير البوجيهات بنفسك الا لو شفتها بتتعمل قدامك مره و يكون عندك مفتاح بوجيهات بمغناطيس.
٣- فلتر الهواء الاصلي شايله من زمان لاني مركب فلتر سبور.
٤- فلتر الزيت الاصلي من التوكيل ب ٤٠ جنيه!! يعني مش مستاهل تدور عليه بره. عموما هوه بتاع الانسر :)
٥- مفيش حاجه هتحسن آداء العربيه... لو ركبت فلتر سبور و اسلاك بوجيهات سبليت فاير او ماجنيكور + بوجيهات سبليت فاير العربيه هتبقى في احسن حالاتها.. لكن مش هتحسن الآداء.
شكرا يا احمد كالعاده .. بس سوال هو فلتر الهوا السبور بيعمل صوت ؟؟ ولا عادي ؟؟
يعني اجيب بوجيهات عاديه و خلاص الموضوع مش مستاهل يعني صح ؟
الفلتر السبور بيعمل صوت لو دوست بنزين جامد بس... لو دوسه عاديه مش بيعمل صوت.
بالنسبه للبوجيهات هات شامبيون او ان جي كيه عادي.
شكرا يا احمد ..طيب لو ماشي عادي بيكون صوته زي الفلتر العادي ؟
و هو الواحد يعرف ازاي ان البوجيهات عايزه تتغير ؟؟
اقتباس:
المشاركة الأصلية كتبت بواسطة kazzaz
لو ماشي عادي صوت العربيه بيكون طبيعي.
البوجيهات لو مهببه او محمره او متاكله بتحتاج تتغير. او لو استمرت في العربيه فترة عمرها الافتراضي و دي حسب نوع البوجيه. البوجيه العادي بيقعد حوالي ٢٥٠٠٠ كم في الظروف الطبيعيه