و لا 1% و الله !
عرض للطباعة
انا مرة واحد لقيته بيشحت مني
من شباك بيتهم !!!!!
والله حلولك عبقرية
بس مش عارف ليه حاسس ان الحل الاول ده هايبقي حجة وخلاص علشان تبص على المزة
واحد صاحبي كويتي استلموه مرة في جامعة الدول ولما اعطي واحد منهم ورفض يعطي الباقي واحد شتمه منهم شتيمة قذرة مسكه اكله علقة صح وبيني وبينكم كنت في نص هدومي بس شاركته الضرب فضحونا الله يفضحهم
ههههههههههههههههههههههههه ههههههههههههه
الراجل مكسل ينزل ويشحت في الشارع المفروض انت كنت تشحته وهو في الشباك
شحاتة دليفري يعني
موضوع الناس اللي عايزة تروح ومعهاش فلوس دة بقي بجد حاجة فى منتهي السخافة
في واحد صاحبي بيستلم الناس دي لو حد قالة كدة بيفضل ماسك فية علشان ياخدة الموقف ويركبة ويدفعلة الأجرة .. وبيفضل ماسك فيهم بغلاسة فعلا لحد ما الناس بتتبل منة لأنة مبيتكسفش أصلا وبيعمل فضيحة فى الشارع
ومرة عملها مع واحدة وفضل واقف قريب منها كل ما تيجي تقول لحد الأسطوانة دي يقولهم دي حرامية متدوهاش حاجة لحد ما طهقت وسابت المنطقة ومشيت ههههه
معقول يعني شحات وكسلان كمان ! بس الله اعلم بظروفة
المنظر العام اللي بتقولة دة فكرني بجدي الله يرحمة لما كان بيحكي علي السعودية زمان ايام ما كانو مش لاقيين ياكلو والسعوديين قاعدين فى الخيمة ولا البيت ومطلعين ايديهم من الباب ، لدرجة انهم وهما رايحين الحج كانو بياخدو أكل ضعف الكمية علشان يوزعو هناك
الجميل جدا والمشرف انك تلاقي نفس العينة بتاعة الفلوس اللي ضاعت وعايزين يروحوا بلدهم في مكة وبيستلموا نفس الزباين (اللي لسه واصلين بالاتوبيس لمكة) وطبعا هنا مش بيطلبوا 3 جنيه ولا 20 جنيه بيطلبوا حاجة ترجعهم من مكة لمصر !!
حصلت معايا مرة انا ووالدي واحد معاه مراته ونفس القصة وشنطة الفلوس والبسبورات وكل حاجة ضاعت ومش لاقيين الحملة اللي جم فيها ومحتاجين خمسين ريال علشان رحلتهم بكرة وعايزين يركبوا لجدة علشان يقابلوا حملتهم في المطار , وقد كان واخدوا الخمسين ريال .. بعدها باسبوعين لاقيناهم مستلمين ناس خليجيين لسه نازلين بالاتوبيس قدام الفندق بتاعنا ومقلكوش على اللي عمله والدي (مع انه من النوع الهادي جدا واللي عمره ما ممكن يزعق لحد او يمد ايده على حد) مسك الراجل وجرجره من هدومه في وسط الشارع وهاتك يا ضرب لما قفاه احمر وقعد يقوله حرام عليكم كاسفينا في كل الدول يا شعب حرامية يا شعب شحاتين والناس تهدي فيه ومفيش ابدا ومراته جاية تقولي حرام عليكوا احنا مصريين مع بعضينا بلاش تفضحونا قصاد الاجانب !!!
ولولا ركاب الاتوبيس نفسهم مظنش ان الراجل ده كان طلع منها عايش ..
من وجهة رأيي الشخصية
انـــا شايف ان المحتاج الحقيقي بيتكسف جدا جدا انه يقول انه محتـــاج
لكن الله وحده هوا اللي العالم بإحتاجه و بيبعتله اللي يقدر يساعده
اه و الله بجد
مرة ماشي عادي خالص لقيت راجل شكله في الستينات باصص من شباك في الدور الأرضي
نده عليا
- لو سمحت
- ايوة خير
- ممكن بعد اذنك لو اي مساعدة اي حاجة ؟
( انا تنحت )
رحت قايل له انا و الله مش معايا فلوس خالص
و انا ايامها فعلا كنت طالب في الكلية و ماشي ما معاييش فلوس
بس كانت حاجة غريبة جدا
انا شايف عموما ان ظاهرة التسول دي من أردأ الظواهر اللي في المجتمع
الظاهرة خلاصتها ان اي حد مش عايز يتعب و يشتغل بيتسول بأي طريقة اشهرها انه يشتغل سايس
مرة أنا ووالدتي قابلنا واحدة من إياهم عاملة حامل وبتقول لازم تعمل تحليل بيتعمل (مش عارف اسمه ph ولا ايه) وان هي من البحيرة وورتلها البطاقة
طبعا والدتي طيبة جدا وصدّقتها وأنا اتحايل عليها أفهمها أنها نصابة مفيش فايدة وادتلها مبلغ مالي
وبعدها بكذا شهر وفي نفس المكان كنا واقفين لاقينها جاية تعيد نفس الأسطوانة طبعا والدتي بهدلتها وهي قالت يا فكيك