هيونداي النترا ... الأكثر انتشارا في السعودية ...
من واقع وجودي الان في الرياض العاصمة السعودية والذي يتكرر كل فترة ..
لكن هذه المرة الاحظ انتشار فوق الوصف للالنترا داخل مدينة الرياض كتاكسي اولا و كملاكي و كسيارات خاصة بالشركات .
من حوالي سنة او اكثر كان في توازن في عدد السيارات التاكسي بين الكامري والالنترا من حيث الانتشار . اما حاليا فبدأت الكامري في الاختفاء تدريجيا .
الانتشار وصل الى حد اننا واقف في الاشارة بتلاقي معاك في الاشارة 3-5 عرببيات النترا بين تاكسي وملاكي ومن الاشارات المواجهة تجد نفس العدد تقريبا وغير العربيات اللي ماشية في الاتجاه المعاكس .
ابص يمين الاقي النترا ابص شمال الاقي النترا ابص في المراية الاقي النترا ابص قدامي الاقي النترا !!!!! .
بصراحة هذا الانتشار ان دل على شيء فانما يدل على ان هذه السيارة بالمختصر المفيد ( سيارة الخدمة الشاقة ) بما تعنيه الكلمة من معنى . لان ظروف دول الخليج بشكل عام معروفة . وخصوصا اذا كانت تاكسي بتلاقي العداد عامل 200 الف كم ولسه بدري على العربية وطبعا التكييف لا يتوقف صيفا ..
واذا سألت احد سائقين التاكسي عن هذه السيارة هيقولك انها الافضل في فئتها كأعتمادية وقلة اعطال بالاضافة الى رخص قطع غيارها الى حد ما وتوفرها .
طبعا الانتشار ده في موديل 2007 - 2010 بالاضافة الى الموديل القديم لكنه ليس بنفس درجة انتشار الموديل الجديد . بس الفرق الوحيد انها 2000 سي سي في التاكسي . لكن 1600 سي سي موجود برضه كملاكي .
انا عملت الموضوع ده للي عايز يستفسر عن مدى (اعتمادية) الالنترا .
بالاضافة الى المشككين في اعتمادية الهيونداي بشكل عام و المتعصبين للياباني خصوصا المتعصبين لتويوتا وهوندا . او لمن يعتقد ان سيارات تويوتا لا يوجد لها مثيل من الكوري في الاعتمادية وقوة التحمل في الظروف الشاقة .
وبرضه احب اوضح ايه العربيات اللي بيتبقى تاكسي بالترتيب حسب كثرة الانتشار .
1 -هيونداي النترا
2- تويوتا كامري
3-كيا اوبتيما
4-هيونداي سوناتا : بس مش كتير اوي
5-نيسان التيما : قليل
6-كيا سيراتو .: نادر جدا جدا . يعني لسه تحت التجربة .
لكن مش معنى كده ان السيارات اللي مبتتعملش تاكسي انها سيئة . طبعا لا . لكن السيارات اللي بتتعمل تاكسي و(تستمر على مر السنين ). بالطبع ده اكبر دليل على انها ممتازة .
النترا فعلا سيارة جيدة جدا
أؤيدك بشدة أخى العزيز واحب ان اضيف بعض الاسئلة التى سئلتها بنفسي لاكثر من سائق النترا كم مشت معك السيارة وبقالها كم شهر معاك وغيرت فيها ايه
أقل عربية لقيتها ماشية 95000 كيلو فى 5 شهور وقالى غيرت بس فحمات فرامل وماشية بكفاءة عاليه
وشفت واحد تانى ماشي 25000 فى حوالى سنه وكم شهر وغير تيل فرامل ودبرياج وطبعا قالى عشان المانيوال فى الزحمة مشكله لكن باقى العربيه تمام ومفيهاش اى مشاكل طول المده دىي
لكن بصفة عامة كلهم بلا استئنا بيشكروا فيها جدا وفى كفاءتها واعتماديتها وبتستهلك بنزين قليل وقطع غيارها متوفة وسعرها ممتاز
