مشكلة فى عمل مراوح التبريد بالانوس
السلم عليكم يا زملاء اجمل منتدى سيارات
فى عندى واحد قريبى مشكلة فى عربية دايو لانوس 2
بداية المشكلة -- كان ماشى فى طريق و داس على حته فيها زيت و مسك فرامل خفيفة على حسب
كلامه و بعدين العربية عومت منه فطلع بالعربية فوق الرصيف الفاصل بين الإتجاهين بس مش
بسرعة كبيرة -- ربنا ستر و الحمد لله جت سليمة .
الخسائر الجنتين الحديد اللى فى الجنب اليمين اتعوجوه ( مش قضية كبيرة - إتغيروا ) .
كرتيرة الرفرف الأمامى يمين إتخلعت او اتكسرت .
إعوجاج فى تيش الدريكسيون المامى شمال ( تم إستعداله و عمل ضبط زوايا و
إتزان و أيضا ترصيص للعجل )
ضفيرة الكهرباء اللى مغذية الفانوس الأمامى يمين إتقطعت و هى فيها أسلاك تغذية
مراوح الردياتير ( المعلومات ديه عارفها لأن العبد لله هو اللى وقف معاه فى تجديدها )
الضفيرة ديه أنا وصلتها - لحمت كل سلك مقطوع بلونه و عزلتم باستخدام أعواد
المكرونة بتاعت كهربائية لف المواتير ( اصل عندى فكرة على قد حالى )
المشكلة و ديه انا لاحظتها( لأن العربية قعدت معاى حوالى إسبوع ) ان مرواح
الردياتير احيانا مش بتشتغل كده مع نفسها و فى اوقات مش لها علاقة ببعض
قصدى سواء العربية ساخنة أو باردة و بعد كده تشتغل لوحدها تانى مع مرة تشغيل تانية ؟
مع العلم ان كل حاجة شغالة كويس فى العربية
الحمد لله انى فى المرات القليلة اللى وقفت فيما المراوح كنت ملاحظ مؤشر الحرارة
السؤال دلوقتى يا ترى السبب إيه ؟
فى رأيى المتواضع جدا ممكن يكون كمبيوتر العربية عايز يتعمله تشك لوجود أخطء عليه أو ما شابه ذلك .
و فى انتظار ردودكم