سيارات المعاقين

**amrtalaat** · 19-05-2007 05:00 AM

يا جماعة ممكن حد يدينا معلومات كاملة بمعنى إية الخطوات والأوراق المطلوبة والفلوس والمخلصاتى أجيبة منين والمعاق المفروض يكون معايا فى كل خطوة مثلا ولا لأ والمكان اللى ألاقى فية العربيات وهل فية خوازيق مثلا أخد بالى منها ولا الموضوع ماشى مع الكل تمام ولا إية؟وإية حكاية الشهلر العقارى.....كدة
:?:
واسف للإطالة

**Abdallah** · 25-05-2007 11:07 PM

طبعا انت بتاخد المعاق بتاعك وتروح بيه المجلس الطبى العام عشان تاخد اوراق تثبت انه له الاحقية فى سيارة معفاة وبعد كدة بتنزل بورسعيد او اى منطقة حرة وبتشترى العربية الى انت عايزها والمستخلصين موجودين فى بورسعيد اكتر من الهم على القلب وطبعا لازم تبقا ممضى الاخ المعاق على ورق وبعد ما تخلص العربية وتستلمها بتدفع 10000 جنيه غرامة وتسجلها باسم وبيتشال من عليها الحظر الجمركى.

**محمد ابراهيم 1** · 26-05-2007 12:48 AM

مش غرامه هى رسوم رفع الحظر وانا متأكد ان الحكومه قاب قوسين أو أدنى من تحجيم الموضوع ده لأنه انتشر بشكل فظيع ومأثر على سوق العربيات وانتوا عارفين التوكيلات دى اصحابها واصلين اذاى وعلى مقربه من مراكز صنع القرار والقوانين على كل حال ربنا على المفترى

**Abdallah** · 26-05-2007 01:20 AM

والله يا ديدو الى اعرفه ان الحكومة لو عايزة تحجم الموضوعت دة يكفى انها تطلع قرار بان المعاق الى هيشترى السيارة لازم يكون معاه رخصة قيادة سارية من عام على الاقل وان يلغوا الغرامة او رسوم رفع الحظر دى, ولكن انت طبعا عارف انهم سايبنها لفترة معينة وهتتقفل.

**شريف** · 30-05-2007 11:17 AM

والله يا ديدو الى اعرفه ان الحكومة لو عايزة تحجم الموضوعت دة يكفى انها تطلع قرار بان المعاق الى هيشترى السيارة لازم يكون معاه رخصة قيادة سارية من عام على الاقل وان يلغوا الغرامة او رسوم رفع الحظر دى, ولكن انت طبعا عارف انهم سايبنها لفترة معينة وهتتقفل

طب نيجى نحسبها كدة
لانوس 99 ب 23 الف + الفين تسجيل + 10 الاف غرامة + 5 الاف للمعوق = 40 الف ده غير مصاريف نقل الملكية من المعاق للمشترى و الضرائب اللى هندفعها و بعدين نستردها تانى بعدين
نوبيرا 99 ب 36الف + الفين تسجيل + 10 الاف غرامة + 5 الاف للمعوق = 53 الف ده غير مصاريف نقل الملكية من المعاق للمشترى و الضرائب اللى هندفعها و بعدين نستردها تانى بعدين (هو اللى بيدخل جيب الحكومة بيرجع تانى)
انا شايف ان الحسبة كدة مش جايبة همها لان الحكومة بتاعتنا صاحية مش نايمة و مفنجلة عنيها كويس :shock: :shock:

لان نفترض كدة ان العربية دى كانت بتاعتك و هية زيرو و عايز تدخلها مصر هتاخد 50% خصم على الضريبة
لو افترضنا ان تمنها 23 الف فى سنة 99 و هى 1500 سى سى يعنى الضريبه 61%
يعنى الضريبه تتساوى تقريبا 14 الف جنية و هتاخد خصم 50 % يعنى تساوى 7 الاف جنية
كدة العربية بعد الضريبة ب 30 الف بس (اكرر لو كنت مالكها من الزيرو برة مصر)
و النوبيرا هتقف ب 47 الف

بالحسبة دى العربية هيبقى تمنها زى تمنها فى سوق المستعمل لان لانوس 2000 ب 42 او 44 الف و النوبيرا ب 52 الف تقريبا (المانيوال)

ياريت نعلق على الموضوع دة و اللى يقدر يفيد ميبخلش بمعلومتة

**Abdallah** · 30-05-2007 07:04 PM

العربية بتقف مثلا بـ 23+ 10 فك الحظر + 3 للمعوق + 2 تسجيل يبقا ثمن العربية تقريبا 38 الف جنيه مع العلم انك هتاخد عربية كورى مش مصرى وتقفيل الخارج وطبعا كاملة مانوال لو حبيت تشتريها من مصر مش اقل من 48 الف جنيه
يبقا انت وفرت ولا موفرتش؟؟؟

**شريف** · 30-05-2007 07:12 PM

العربية بتقف مثلا بـ 23+ 10 فك الحظر + 3 للمعوق + 2 تسجيل يبقا ثمن العربية تقريبا 38 الف جنيه مع العلم انك هتاخد عربية كورى مش مصرى وتقفيل الخارج وطبعا كاملة مانوال لو حبيت تشتريها من مصر مش اقل من 48 الف جنيه
يبقا انت وفرت ولا موفرتش؟؟؟

انا شايف ان حضرتك فاهم فى الموضوع دة فياريت تقولى ال 10 الاف دول ايه نظامهم يعنى بيدفعو فين وازاى و الحظر الجمركى بيتفك فى ساعتها ولا ايه
يعنى ايه معلومات روتينية ممكن حضرتك تشوفها مفيدة
وشكرا لردك طبعا

**Mosmafa** · 08-11-2007 02:11 PM

الفلوس دي بتدفع لوزارة المالية في مدينة نصر
وبتاخد ورق ووصولات بيها عشان تروح المرور
وتاخد شهادة بيانات للشهر العقاري بدون حظر
و كمان تشيل كلمة لايقودها الا مالكها من عالرخصة

**HAWARY** · 09-11-2007 10:23 PM

(ج) ألا تجاوز قيمة السيارة او الدراجة الالية 20000 جنية ( عشرين ألف جنيه ) للمعوق

عن تجربه شخصيه مع ابن عمي :-
هذه الجزئيه بالرغم من انها منقوله عن موقع مصلحة الجمارك الا انها غير سليمه بدليل ان هناك سيارات معاقيل ( اوبيل , BMW , بيجو 406 - 405 , سكودا ) وكل هذه السيارات ثمنها قبل الاضافات اكثر من 20000 الف جنيه .

تنبيه هام لخطورة هذا الموضوع وخاصة بالنسبه للباحثين عن اي معاق والسلام دون معرفه او قرابه او جيره ,,,,,, جميع الاجراءات تتم بأسم المعاق وبالتبعيه ملكية السياره كذلك , فلو ما كانش مضمون ادبيا (قريب - نسيب - جار ) أو عمليا ( ايصالات امانه بقيمة اعلي من قيمة السياره - شيك - ماشابه ذلك ) يبقا خاف علي فلوسك .
الاجراءات كما يلي .-
1- تذهب بالمعاق ومعاه البطاقه الشخصيه بتاعته الي كومسيون المجلس الطبى العام بشارع مجلس الشعب .
2- في نفس المكان تدفع مبلغ 500 جنيه قيمة كشف مستعجل أو 150 لو عادي.
3- يتم تحديد ميعاد الكشف الطبي والنظر.
4- العوده في الميعاد المسبق تحديده وعمل الكشف .
5- في نفس المكان يتم تحديد مكان شراء السياره ( بورسعيد - الاسكندريه - السويس - مدينة نصر ).
6- انتظار وصول خطاب علي عنوان المعاق من كومسيون المجلس الطبى العام يفيد احقيته في الانتفاع بالسياره وتحديد التجهيزات التي يجب ان تتوفر بالسياره .
7- الذهاب بالخطاب والمعاق الي المنفذ الجمركي ( بورسعيد مثلا ) واختيار السياره المستهدفه .
8- يوقع المعاق علي اوراق السياره .
9- استلام السياره من الاستثمار والعوده بالسلامه الي مكانك .
للتعرف علي تفاصيل اكثر انا تحت امرك ونظرا لضعفي الشديد في الكتابه علي الكومبيتر افضل الاتصال المباشر

تليفوني 0112005562 عمر الهواري .