المشاركة الأصلية كتبت بواسطة احمد عزت
الموضوع ياجماعة مش مستاهل كل دة
ويا استاذ ديفانو معلش انت بردك اسلوبك فى الكلام ليس اسلوب للنقاش او لغة الحوار لانك بترمى كلام بردك احيانا بردك ممكن ينرفز يعنى لما تقول للناس اللى هنا ان صاحبك بيقارن الفيرنا بالسيراتو وكمان شايف ان الفيرنا احسن لازم يهاجموك .....اما فعلا لو عايز تشترى العربية السؤال ممكن يتسأل بطريقة اخرى وهية(يا اخوانى الافاضل انا عايز اشترى سيراتو وسمعت هة سمعت ان ناس بتقول انها وحشة وسمعت عن حادثة المهندس الغازى يعنى واحد من بتاع كام الف عربية اتباعت...فممكن تدلونى علشان انا مثلا محتار ) يعنى حاجة كدة فهتلاقى الف واحد يدلك ...
معلش يا بشمهندس غازى هوة يمكن كلمتك فى تقريرك عن السيراتو بعد الحادثة وانها شكل وموتور وخلاص ....كلمة ممكن تخلى اللى عايز يشترى يخاف ....واللى عندة العربية يبقى كل مرة يسوقها ويرجع بيتهم يحمد ربنا انها ما اتقلبتش بية .....
ونسينا كلنا حاجة واحدة ان القضاء والقدر هما بيد الله ويا بشمهندس دة كان قضائك حتى لو كنت اشتريت بى ام كنت بردك هتتقلب بيها انما السيراتو لم تكن غير وسيلة ليس الا......
وبعدين يعنى مع انى مش خبير اوى بالعربيات هاتلى عربية تانية ماشية فى مصر كاملة فى كل حاجة
واللى عايز يشترى دة فكرت اة اقل من السيراتو فى السعر او اكتر منة وكامل
ولا اللى معاة المانى عاجبة ولا اللى معاة كورى او يابانى عاجبة وبعدين كل منتدى وفية عفريت
هتدخل على الصينى كلة بلا استثناء هيقولك دة صينى والعربية بتفرمل لوحدها واى كلام فى اى كلام
اليابانى :هيقولك لانسر شارك وحشة ...سيفيك واطية وقطع غيار غالية .....كورولا هيقولك بلاش الفتيس معيوب ودة مش عارف اة تويتا سحبت كام عربية .....تدخل على الانترا يقولك ياعم دة عفشة طرية وتوطى مع التحميل وياسلام لو كانت عفشة ناشفة تستحمل المطبات...تدخل على الشيفرولية يقولك توكيل سئ
يعنى من الاخر كل حاجة وليها عيوب
تعالى بقى بغض النظر عن اى تقرير اتعمل وتعالى نفكر كدة بالبلدى زى ما بيقولو
1:عربية شكلها حلو لا خلاف علية باى لون علشان حتى اللى محتار فى اللون
2:عربية مش غريبة علينا وكورى 100 فى 100 وليها تاريخها
3:شكلها القديم اثبت نفسة ودة معدلة فى الشكل والموتور شوية
4:توكيلها رائع جدا واسأل بنفسك وجرب وحتى لو وحش احسن الوحشين وكفاية انة من التوكيلات القلائل المحترمين اللى بيعملو صيانة بس كل 10 الف كيلو مش كل 5 زى اخوانا البعدة
5:كماليتها كتير عايز وكيل خليجى اللى انت عايزة جمع مواصافتك ويعملولك عربية تفصيل عشان ما يتفرضش عليك حاجة
6:انتشار ما شاء الله يحسب للعربية ولاسعار اعادة البيع وقطع الغيار
لو هنتكلم بقى عن العيوب فى نظرى ومن اللى قريتة وسمعتة
1:ناس بتقول خامات وحشة هاتلى عربية بالرنج دة بنفس الجودة ونقارن
2:عفشة ناشفة وبتحس بالمطبات طب ما هى الانسر البومة تقريبا عفشتها زيها وبعدين الموضوع مش اوى كدة يمكن محسوسة بس مش بالدرجة وبعدين ماكان سهل يعملها زى الانترا بس الثبات هوة الاهم....وبعدين الناس ولا عاجبها كدة ولا كدة
3:ناس قالت وقريت نفس التوبك تقريبا بتاع الدكتور احمد سامى فى منتديات كتيرة منقول طبعا لاغبار عن الدكتور هوة عيب اللى نسخة فى كل المنتديات...ان العربية صاجها بسكوتة اقولة وبكل صراحة ممكن يكون ضعيف بس روح مثلا معرض المصرية لانة فى كل العربيات ومن غير ما حد ياخد بالة اعمل اختبار بطريقتك المفضلة لكل صاج العربيات الجديدة وانت تعرف ان مفيش فرق......اة تانى عيوب
4:نسيت فية اللى يقولك الفتيس بيزيق والدركسيون بيصوصو والسماعات بتزن والدواسات بتزق رجلى لما بدوس عليها .....ياجماعة انتم راكبين عربية عبارة عن الات جر وتروس ومساعدين وموتور بسيور مش ركبين وسادة هوائية ........مش عارف ناقص اة
لو حد افتكر عيب تانى يبقى يقول..........فى النهاية علشان ما اطولش عليكم
تشترى عربية شكلها حلو وتوكيلها حلو واوبشنها حلو وتقفيلها حلو وتاريخ عربياتها حلو وبتعمر وسعرها كويس واعادة بيع قطع غيارها حلو ....بس المهندس غازى شفاة الله وعافاة قدر الله لة حادثة بسببها ..........ولا تشترى عربية تانية محدش بيشتريها ومش منتشرة ومسمعناش حد عمل بيها حادثة علشان اصلا محدش بيشتريها
فى النهاية عايز بس اقول حاجة
1:رجاء الى كل من فى المنتدى الكرام اى حد داخل علشان يهاجم عربية محدش يرد علية اللى عايز بس يستفسر اهلا بية
2:اشمعنى الانترا اللى تقريبا سعرها اللى كان قبل العرض ب 95 ونفس الكاتيجورى دة فى السيراتو ب 96 محدش هاجمها الهجوم دة مع انها اقل منها شوية وانا مش بهاجم الانترا بس بقول انها تقريبا هية هية بشكل متطور واحدث وكماليات وكل واحد يشخشخ جيبة
3:نحن اخوة مسلمين كنا او مسيحيون فبلاش نعمل فى بعض زى ما اسرائيل بتعمل فى الوطن العربى بلاش نختلف على هيافات يا جماعة دة كلة حديد فى حديد وربكم اللى بيسلمها والله ولا الايرباج ولا العفشة ولا اى بى اس بينفع وقت القضا مفيش مفر لكن كلها وسائل بس والله
.....واخيرا يا بشمهندس غازى انت ودكتور احمد اللى حببتونى فى السيراتو واللى علشان خاطركم هبيع الاكسنت اللى لسة جايبها وادخلها فى سيراتو معلش انى استخدمت اساميكم فى الموضوع فانتم فوق راسى وكل الاخوة هنا كذلك وسلامى لاخ ابو عبد الله والاخ سبعاوى اللى بعترف انهم لهم فضل فى معرفتى اصلا بالعربيات من ايام منتدى كونتاكت ....ولكم التحية ...اخوكم فى الله طبيب امتياز مسلم