صيانة ال5000 كيلو و بعض الأخبار
السلام عليكم
انا لسه عامل صيانة ال5000 كيلو للسيراتو النهاردة
فى البداية المهندس إستلم العربية و طلبت أعمل صيانة ال5000 كيلو و شد فرامل اليد
و بعدين سألت على الدلايات و لقيتها موجودة فركبتها و الحمد لله
و بالمرة سألت على شوية حاجات
نبدأ بالفوجات:
سعر طقم الفوجات بالشبكة بتاعتهم 1000 جنيه
سعر دراع النور اللى فيه السويتش بتاع الفوجات 1000 جنيه برضه
العربية فيها كتاوت جاهزة
سألت إذا كان ممكن حل بديل لدراع النور قالولى مفيش حل غير تغييره
او
انى أركب الفوجات مع النور الأرضى ( الإتنين يشتغلوا مع بعض على طول )
إيه رأيكم؟؟
بالنسبة للدلايات:
سعرهم 300 جنيه
لقيت الكاسيت بتاع EX , SX
بس بلاش تعرفوا سعره أحسن :120146b
و مش هينفع يتركب فى LX
انا محتاج مساعدة فى حاجة
عايز أركب ستوب الفرامل اللى بيركب على الرف الخلفى عشان متشال منها؟
حد يعرف ممكن ستوب بتا أنهى عربية يركب فيها؟؟؟
بصراحة دى من ضمن الحاجات اللى محسسانى ان العربية دى فاتت على حلاق قبل ما تتسلم
بشكل عام توكيل كيا محترم و مكان الإنتظار مسلى و مش هتحس بالملل
و توقيت تسلمهم للعربية كان مناسب جدآ
و شكرآ
