اعزائى فى المنتدى العظيم
كنت سمعت ان الخبطة اللى فى العتب بيبقى لها جهاز مخصوص لتصليحها
فهل اى حد منكم عنده فكرة عن المكان ده
وياترى التامين بيغطى الموضوع ده علما بان الخبطة كانت فى الرصيف يعنى مش هاعمل محضر طبعا
مع الشكر
عرض للطباعة
اعزائى فى المنتدى العظيم
كنت سمعت ان الخبطة اللى فى العتب بيبقى لها جهاز مخصوص لتصليحها
فهل اى حد منكم عنده فكرة عن المكان ده
وياترى التامين بيغطى الموضوع ده علما بان الخبطة كانت فى الرصيف يعنى مش هاعمل محضر طبعا
مع الشكر
مافيش حاجه اسمها جهاز لشفط العتب ولو دخلت على قسم الورشه هاتستفيد اكتر وعموما التامين بيغطى اى حوادث فى السياره اقل من 5000ج بدون محضر شرطه
سيدي الفاضل ..
خبطات العتب بيتم أصلاحها بأحدي الطريقتين التاليتين كل حسب نوع الخبطة و حجمها
1- في حالة الاصابات البسيطة (عمق بسيط و مساحة ضئيلة)بيتم أصلاح العتب بواسطة زرجينة و هي عبارة عن بار حديد بيتم لحامه مع العتب ثم أستعداله بالطرق علي طرف البار الي الخارج لشد الاعتب و تسوية سطحه بالصاروخ و بأضافة معجون و تسوية السطح مرة أخري ثم الرش
2- في حالة الاصابات الكبيرة (طول كبير و عمق كبير) بيتم الاصلاح بواسطة قطع الجزء المصاب من العتب و أستعداله بالخارج ثم أعادة تركيبه مرة أخري باللحام
والله افكارهم في تصليح العتب جامده
أفكار مين؟؟
والله اللى عنده ضمير فعلا لو خبطه صغيره هتاخد منه على الاقل يوم كامل علشان الشغل فيها بيكون مرهق جدا
انا شوفت بعينى الراجل بيشتغل ببونطه سلك رفيعه يلحمها ويشد وبعدها بـ1سم يلحم ويشد وهكذا ياعنى لو خبطه 20سم تاخد منه اليوم بالكامل ولا يقطع ولا بيقص ولا عضم العربيه بيتأثر
بس مين بقا بيعمل الشغل ده دلوقتى
الف شكر لاهتمام حضارتكم بس والله انا فاكرة الحوار ده حتى كنت قراته هنا فى المنتدى بس مش فاكرة فين بالظبط
هى الخبطة تقريبا 30 سم ومش عميقة اوى
الف شكر مرة تانية