لا حول و لا قوة إلا بالله..... يا جماعه واحده واحده بعد اذنكم...
أولا: ايه اللي جرى لما يبقى في حفله و الناس مبسوطه فحصل فيها شوية هرجله, ايه المشكله!!!!
ثانيا: أحمد حسن ماكنش بالسوء ده خالص, و بدليل ان وائل جمعه, المعتصم سالم, شوقي غريب, حسن شحاته
سيد معوض, الحضري, عبد العزيز توفيق, المحمدي....... كل دول مسكوا الكأس عادي جداا...
ثالثا: احنا ليه بننتقد نفسنا بهذا الشكل الغريييب جداا!!!!!؟؟؟ ليه نقول اننا مانعرفش ننظم حاجه عدله
و ليه احنا زفت و مانعرفش نعمل حاجه؟؟؟؟؟ مش حفله زي دي هي اللي هتخلينا نقلب على المنتخب أكيد
رابعا: ليه بناخد موضوع السجود ده بسوء نيه؟؟؟؟ يا جماعه افترضوا حسن النيه أولا...
يعني انا شايف انه المقصود منه هو سجدة شكر لله على الانتصار و الفوز بالكأس....
خامسا: عمرو دياب كالعاده لبسه كان غريب, بس بردو ده العادي منه عموما..
و طبيعي ان كل الناس تاخد صور تذكاريه, حتى أعضاء المنتخب... عادي يعني
و على فكره, عمرو دياب هو اللي كان عايز ابنه يتصور مع المنتخب و اللاعبين بردو
سادسا: انا محترم كل الآراء بس ليه بنقطع و نخبط مننا فينا كده, والله ده اللي بيشمت الناس فينا
و ده اللي بيخللي الناس تتجرأ علينا بردو, هو اننا أصلا بنقطع في بعض, مش عايزين الغريب يعمل كده!!!!!!
و كلمه (نقطع) مش بالمعنى الحرفي ليها, لكن هي تعني اننا بنعيب و نمسك في بعض...
ايه المشكله انها تبقى حفله و عدت بدون انتقاد حاد او عدم رضى؟؟؟؟
ايه المشكله ان كان فيه هرجله و عدم نظام نظرا لأنها تعتبر (خيريه) أكتر؟؟؟؟؟
ايه المشكله لو نقول الجانب الايجابي بدل ما نظهر السلبيات لكل شئ في حياتنا, و نظبط السلبي بينا و بين بعض
لازم نخاف على سمعتنا أكتر من كده, كفايه ان كل اللي بره مصر و مايعرفناش بقى عارف مصايبنا
أكتر مننا احنا اللي عايشيين في البلد نفسها... احنا بنعرض فضايحنا و سلبياتنا أكتر من الايجابيات
لدرجة اننا بقينا بنحس انه مفيش ايجابيات أصلا, و الغريب بقى شايفنا وحشيييين جداااا من اللي بيتقري و بيتسمع
الجانب الايجابي الهام جدااا و في المقام الأول... ان أعضاء المنتخب هيتبرعوا بمكافآت الفوز لمنكوبي السيول
ده الى جانب ان دخل الحفله بالكامل لمنكوبي السيول بردو...... و ده الجانب المحترم و الايجابي جداا
ده رأي بصراحه و انا متفق ان الحفله كان فيها هرجله كتير, لكن مش مشكله و عادي جداا, تعدي يعني
و مع احترامي لكل الآراء و للموضوع و صاحبه......
المفضلات