حضرتك موش متابع كويس
ابن حسن شحاته هوه عماد متعب
احمد حسن واخد على حسن شحاته شيكات
هوه ال سكيديوال بتاعه انهارده يروح مودرن بوكره هيروح دريم مع الكاس و كله بتمنه
مودرن من غير كاس ب 30 الف
مودرن بالكاس 50 الف
هوه موش اققل من عصام الحضرى
عرض للطباعة
حضرتك موش متابع كويس
ابن حسن شحاته هوه عماد متعب
احمد حسن واخد على حسن شحاته شيكات
هوه ال سكيديوال بتاعه انهارده يروح مودرن بوكره هيروح دريم مع الكاس و كله بتمنه
مودرن من غير كاس ب 30 الف
مودرن بالكاس 50 الف
هوه موش اققل من عصام الحضرى
شوية نقط بسيطة اعلق بيها على ماسبق:
1- انا ماشفتش الحفله بصراحة فمش هينفع حكم على حاجة فيها
2- اى تصرف تلقائى -فى رأيى - يعبر عن علاقة اللاعب بربه (سجده، رشم لعلامة الصليب، رفع اليد للاعلى، ...الخ) بيكون مقبول لانه لحظى وعفوى ... وبيبقى نوع من اعتراف اللاعب بفضل الله عليه ومساعدته فى الهدف او الفوز
3- نفس الكلام ممكن يتقال على لاعبى المنتخب لو هما جمعوا الكاس وسجدوا شكرا لله ... ممكن تمشى كده وربنا وحده اعلم بقلب كل واحد منهم .. منهم الى بيسجد تمثيل واللى بيسجد شكر لله .. ودى حاجة مش هنقدر نحكم عليها .. وبرضه بكرر انى ماشفتش هما عملوا ايه بالظبط
4- ساعات كتير فى الفرق لما بيكونوا فى بطوله او حاجة ... بيبقى دايما فى تشجيع بينهم وبين بعض على التقرب لله والعبادات ...إلخ ... علشان ربنا يكرمنا زى مابنقول .... :36_3_10[1]: يعنى كعادتنا الدائمة اننا مابنفتكرش ربنا الا لما نتزنق .... فعلشان كده بعد كل جون بيبقى فيه لعيبة بتشجع بعض على السجود لنسب الفضل دايما لله سبحانه وتعالى ... علشان "النعمة ماتغورش من وشنا":ma:
5- بالنسبه للمسيحية - ولو انه المفروض انه مش موضوعنا -:
أ) مين قال ان المسيحية مافيهاش سجود؟؟ :O_stupid[1]: دى بصراحة غريبة عليا شوية .... اساسا ايه اللى يخللى اى حد يفكر ان اى حد تانى مؤمن بالله لا يسجد له ؟؟ المسيحية فيها 7 صلوات يومية (غير القداس) كل صلاة بها على الأقل 6 سجدات (على الأقل دى علشان ممكن اللى بيصلى يزود عن كده حسب قدرته وممكن لدى الرهبان توصل لأكتر من 50 سجدة فى الصلاة الواحده).
ب) فى بعض الايام المقدسة بيكون فى صلوات تصل فيها السجدات لـ 500 (أيوة الرقم صحيح) وبرضه كل حسب طاقته
ج)أحب أعيد وأؤكد ان المسيحية (وكل الاديان فى اعتقادى) لا تنظر للسجود على انه اداء حركى او تمثيلى او يعنى واحد بيعمله علشان واجب عليه ....انما لازم يكون نابع من احساس صادق لدى الشخص الساجد .... وده يرجعنا لنقطة التمثيل من عدمه بالنسبه للمنتخب
وفى النهاية انا شايف ان المنتخب ده فرح مصر كلها فى وقت اصبحت الفرحة بهذا الشكل شئ نادر ..... وعمل انجاز رياضى يقترب من حد الاعجاز وغير متكرر فى التاريخ وده بالارقام وبشهادة الدنيا كلها ... والحفلة ... زى اى حاجة فى مصر .... اكيد كان فيها كل المتسلقين والساعين للاضواء ومحبى الظهور وكل الامراض النفسية المتعارف عليها ...... فمعلش خللينا نمسك فى المفيد ونسيب المظاهر اللى احنا عايشين فيها اصلا لانها مش جديدة
ودمتم بخير
كلام جميل جداا.... بس منغير ما ننشر غسيلنا الـــ....... قدام كل الناس كده....
و نعترف بالأخطاء و نصلح من نفسنا بينا و بين بعض و في صمت... مش نعمل فرح للمصايب
و نصعب الأمور على نفسنا و بدل ما نحل الخطأ نفسه, هنحل كمان مشكلة الفكره الغلط اللي
وصلت للناس بره و جوه, و هو ده عيبنا بجد, بنعلي صوتنا بكل مصداقيه و شفافيه في المصايب
و نيجي في الكويس و الايجابيات, تلاقي واحد هو اللي بيتكلم من أصل مليوووون و صوته مش طالع
و الناس مش سمعاه و مش شايفه فين الايجابي أصلا... و كل ده لأن الناس الصادقه كتيير ما شاء الله
احنا بقينا بنتسابق على اللي يفضحنا الأول, و مش بنتسابق على نشر الجوانب الايجابيه
الناس والله العظيم ما تعرفش عن المصريين دلوقتي غير الحاجات الاتيه....
(طابور العيش) و (السفر للخليج) و (ليلى علوي و يسرا و ايناس الدغيدي) و (التوريث)
و (قضايا الـ......) و (السرقه و الاختلاس) و (رامي لكح, أشرف السعد.....)
و (أفلام عم خالد يوسف الزباله) و (ان كل المصريين تحت خط الفقر و عايشيين في القبور)
و ما خفي كان أعظم.............................
لييييييييه كل الكلام الفاضي ده احنا بننشره.... و ماننشرش و نهتم باكتشاف أثري جديد
بانجاز للدكتور أحمد زويل!!!!! بالأزهر اللي مكانه مصر!!!! بالتاريخ المحترم و أقدم حضاره!!!
ليه ما نعملش تاريخ جديد نكمل بيه بدل اللي احنا عيشيين بنردد فيه ليل و نهار (الفراعنه)
مش بقول نكدب و نداري المصايب, بس ما ننشرش و نزيط على المصايب بس
ممكن ننشر الكويس بنفس فونط و مصداقية المصايب و الفضايح, لازم نعز نفسنا شويه
حرام تكون هي دي مصر في نظر العالم و الناس, حرام تكون هي دي صورة المصري
كما لو ان كل بلاد العالم لا فيها نهب و لا سرقه و لا فساد و لا قلة أدب, و كلهم دول مثـــاليه
الفرق بينا و بينهم ان هما حتى لو عملوا الغلط بيعتزوا بنفسهم و مش بيفضحوا نفسهم قوي كده
لكن احنا.... ازااااااي... و تلاقي الناس بتتصيد تقولك (الحق.... فضيييييييحه... سبق صحفي)
بجد هو ده اللي مضايقني جدااااااا أقسم بالله.... ربنا يهدي كل الناس و نخاف على سمعتنا شويه
أنا لا أخص أحد بالكلام أنا بتكلم بشكل عام, و بفضفض من اللي مضايقني بجد و جدااااا كمان
الكلام ده بيحاولوا يقنعوا بيه الناس عشان تبطل تتكلم
مافيش زى الميديا الغربيه لو واحد بصق فى الشارع هيجيبوه و يطلعوا عينه عشان من ساعه ما بقى مشهور و الدوله بتصرف عليه مثلا بقى ملك للناس و خطواطه محسوبه عليه و النفس معدود
يعنى جرايد المعارضه مافهاش 1/100 مت التابلويد بتاعه انجلترا فى يوم
و كمان هما عندهم بلاوى و طبعا ممكن تكتب مجلدات عن الفساد فى كل دوله عربيه و كل واحد عارف اول ماتيجى سيره السعوديه او سيره ليبيا او سيره دبى كل واحد عارف
فما ينفعش نقول الكلام ده فى رأيىى يا عزيزى عشان المفترض ان احنا نتكلم و نقول لأ انتوا كده زفت
عيب لما تجروا ورا مغنى حتى لو عمرو دياب عشان تتصوروا معاه
عيب السجده اللى مالهاش معنى
عيب الهرجله
عيب تسييس الرياضه
عيب ان المنتخب يقعد فى المدرجات و ناس مالهومش علاقه بالحدث يقعدوا فى المقصوره
عيب لاعيب يستحوذ على الكاس و يجنى منه مكاسب شخصيه لوحده
كل بلد فيه اللى فيه
و البلد اللى بتقفل و موش بتقول مش معناها اعتزاز ده معناه انه موش قادر يقول او لسه موش شايف اللى قدامه
البلاد المتقدمه بيتكتب فيها اكتر بكتير من اللى ممكن نتخيله هنا
هوه مين اللى فضح انرون؟! الميديا مين اللى فضح نيكسون؟ مين اللى فضح حرب العراق؟! كل ده الميديا
يعنى ماحدش بيقةل على امريكا ان هيه بتنشر غسيل او بتقطع فى بعض؟
عفوا - بس ده مش تقطيع ده نوع من اظهار الحقيقه او المشاوره ليه باسلوب ساخر
نسيت اققول ان احنا ماعندناش انجازات غير الكوره
فمافيش حاجه نقولها
الازهر و كل الناس شايفه التراجع - السعوديه سحبت البساط
سياسه احنا بعيد عن اى انجاز سياسى اللهم لو ممكن تقتنع ان المفاوضات عشان اسير اسرائيلى ديه انجاز
علميا زويل موش نتاج نظامنا و نظامنا يعد طارد لزويل و ما شابهه
و ادبيا فيه حركه بس مش احنا برضه المسيطرين حاليه
فنيا المسلسلات السوريه ضاربانا
و سينمات افلام سوريه و لبنان و دول لسه باديه بتاخد جوايز و احنا بنتفرج
اغانى يكفى انك تفتح التليفزيون و تشوف مين اللى بيغنى
اعلاميا احنا بعيييييييييد جدا
صحافه حدث ولا حرج من نوعيه القط و الاخ سرايا
قوللى على انجاز واحد!!!
اشد حاجه ضحكتنى فى الحفله امبارح بوحه اللى كان بيغنى .. البنطلون و البوط تحفه
ومش بوحه بس ده عمل نفسه اورتن ونزل ضرب فى العيال .. منظر مقزز بصراحه
وكل شويه فين عبد الله .. امسك الكاس يا عبدالله .. عبد الله ابنى >> اهلا وسهلا يا سيدى
فكرنى بشعبان عبد الرحيم لما يكون بيسيط ولاده والله
وطبعا لازم العميد يدينا لقطات حلوه .. نخلص من الحضرى يطلع احمد حسن
بجد هو الكاس ده هيتحط فى الجبلايه ولا فى المنيا
ماهو لو فضلنا نقول الكلام ده عمرنا ما هنعمل أي حاجه أبداااا, و ليه مش كل واحد يبدأ بنفسه مثلا
و بعدين كل الناس اللي اتكلمت عنها بره مصر دي, فضايحهم اتعرفت للعالم صح؟؟؟
هاتلي واحد جااامد كده خد فكره (مش لطيفه) عن أمريكا, أو عن انجلترا, او عن اي دوله تانيه
ليه بقى؟؟؟؟ لأن فيه اعلام موجه, بيعمل موازنه و بيبين الكويس و المواقف الفظيعه المثاليه جدااا
لكن احنا ماعندناش لا الاعلام الموجه و لا الأعلام اللي بيعمل الموازنه دي... للأسف
لا بالجرايد و المقالات اللي توصل بره, و لا منشورات من هيئة الاستعلامات اللي عمري ما شوفتلها دور
و لا من الفضائيات, و لا من الأفلام اللي ليها هدف (بس مش هتجيب فلوس للمنتج للأسف)
هو ده اللي بيخلي الناس تتكلم بره عااااادي جداا, لأن فيه اللي هيوزن الأمور و يوضح و يصلح الأفكار
لكن للأسف مصر بيتاخد عليها على طوووول الفساد و مفيش حد بيصلح أي فكره أو يوضح
ما فيش عندنا ناااس تتكلم و تعرف ازاي ترد و توضح.... فييين الاعلاميين اللي دارسيين و فاهمين
ده احنا لما بدأنا في بناء الجدار الفولاذي على شريط الحدود بينا و بين فلسطين
طلع شوية منافقين و كذابين من الأعلام (الأسود) و قاللك مصر بتعمل لحساب اسرائيل
و أصلا من حقك تماااااما بناء هذا الجدار, و مافيهوش أي مشكله لأنه ليه سبب حقيقي
و ده قرار سيادي لازم مصر تاخده لحماية مصر و اراضيها من تصدير الأزمه الفلسطينيه
لينا و تصبح المشكله مصريه فلسطينيه و اسرائيل تتفرج علينا و احنا بنخبط في بعض
بس ميين يقووول و ميين يفهم الناس... مفيييش, لدرجة ان احنا اللي عايشيين في البلد تخيلنا
ان الناس عندها حق, و ان احنا هملاء و الكلام الفاضي ده.!!!!!!! و ده لأننا مش بنعرف نتكلم و نرد
أنا مش عايز اتكل في سياسه أو كلام آخر, بس الكوره بتسيس في كل مكان في العالم
لأنها فعلا لها تأثير كبييير جدااا على الشعوب في كل العالم.... يعني مش عيب تسيسها ولا حاجه
مش عيب انهم يسجدوا شكر لله على النصر و الانجاز.... افترض حسن النيه
مش عيب انهم يتصوروا مع بعض...... ايه العيب في ده؟؟؟؟؟
احمد حسن ماكانش قدوه سيئه ولا حاجه... و مش ده هو اللي هيبوظ الأجيال القادمه مثلا
حصلت هرجله و كان فيه عدم تنظيم... الحفله دي اترتبت في أقل من 4 أيام
و مش المنتظر انها تكون حفله من حفلات دبي مثلا أو حفلات بيونسيه في أمريكا....
الموضوع كان عائلي و خيري أكتر منه تنظيمي و داخل فيه المظاهر و الشكل العام
و ايه المشكله اننا نفرح و نبعد عن المثاليات الزياده عن اللزوم, والله احنا مابنعرفش نفرح أصلا
لازم نطلع حاجه تبوظ الفرحه دي, و ننتقد في بعض..... والله ممكن الهرجله دي تعدي
يا رب تكون وجهة النظر وضحت يا باشا... و بردو مع كامل احترامي لكل الآراء
قعدت أضحك ضحك مش طبيعي يا طارق
ولا زال أحمد حسن حاضن الكأس :)
الهرجله ديه تعدى و افرح و انبسط نفس المبدأ ده هوه اللى خلى عباره فيها 1400 واحد يموتوا و الراجل يعرب و افرح يا عم و روح اعمل عمره
الكلام موش متفق معاه
عشان المشكله اكبر بكتير من تسطيحها
و على فكره
اقتباس:
أكدت منظمة الشفافية الدولية (transparency international) أن مصر أصبحت أكثر فسادا في العام 2008 عن 2007 حيث تراجع موقعها فى تقرير المنظمة السنوي إلى المركز 115 من بين 180 دولة.
يعنى لما حد بيقرن اسم مصر بالفساد فده مظبوط و صح الكلام و الابواق الاعلاميه الهبله تنهش فى اى حد يقول كلمه الحق و لو الكلام من عينه انجازاتنا فى ال 30 سنه كام كوبرى ومترو اتفاق يبقى نسقف ليهاقتباس:
وتراجع ترتيب مصر عالميا على "مؤشر الفساد" بشكل متواصل منذ 2005، فقد سجلت 3.4 نقطة على المؤشر في عام 2005، لتحتل المركز 70 من بين 159، ثم تراجعت إلى 3.3 في 2006، ثم إلى 2.9 في 2007.
يا سيدى الفاضل احنا الدنيا سوده و احنا بنحارب يمكن بكره يبقى احسن من النهارده
لازم تقول اللى شايفه مافيش حاجه اسمها نسكت
لازم اللى جايين بعدينا ياخدوا اللى ماقدرناش عليه يمكن يقدروا يرجعوا مصر
الكأس لا يزال فى جيبى :)
يا سيدي الفاضل..... انا ماقولتش مانكونش صادقيين أو مانكتبش الحقيقه و نصلح من نفسنا
لكن في المقابل نبرز الجوانب الايجابيه و بلاش نغمة الفساد و السرقه و لا شئ غيرها
و مش كل البلد حراميه, و مش كل البلد نصابيين, و مش كل البلد بتحب الهرجله و الزيطه
و العينه دي من الناس موجوده في كل مكان في العالم...... مش مصر بس
بس انا ضد النشر للفضايح و المصايب و نسيب الكويس كما لو ان البلد كلها زباله و مافيش حاجه عدله
و ده كاريكاتير لـهاني شمس لسه نازل النهارده في الأخبار و مناسب جداا للموقف...