عاوز اشتري هوندا اكورد 1983 فل الفل
ما رايكم بالسيارة:Ta_clap[1]::satelite::s1[1]:
عرض للطباعة
عاوز اشتري هوندا اكورد 1983 فل الفل
ما رايكم بالسيارة:Ta_clap[1]::satelite::s1[1]:
عربية جيدة جداً وكان نازل منها أتوماتيك ومانيوال بس المهم تكون الحالة العامة بتاعتها كويسة ومش متبهدلة وفيها شغل كثير خصوصاً انها موديل 83 وبالنسبة لقطع الغيار موجودة في القاهرة و بورسعيد
أسعار فطع الغيار ايه ؟
انا اعرف واحج معاه سيفيك 1983 جابلها جوزين كبالن ب 700 جنيه
عامة العربية حلوة جدا بس مش كل الكبالن ب 700 جنيه ده اليابانى منها هو اللى بالسعر ده ومعروف ان قطع غيار اليابانى دايما غالية فيه نوع تايوانى ب 200 جنيه يعنى معقول
الكوبلن الخارجى للسيفيك موديلات التسعينات جديد ياباني بـ 285 جنية واستيراد بيكون أرخص في حدود 150 جنية تقريباً للكوبلن الأصلي
طيب السعر العام للعربية كام ....؟؟؟
وظروف بيعها إيه
هو السعر على حسب الحالة
انا اشتريت هوندا اكورد-الاصدار الامريكى وفيها العداد كم فى الساعة وميل فى الساعة من سنتين وكانت حالتها فابريكة وماشية حوالى 70000 كم بس ومرفوعة فى الجراج 10 سنين او اكتر وكان اصحابها ناس اجانب عايشين فى مصر وكانوا عايزين فيها 35000 لان حالتها كانت ممتازة وممشيتش كتير وكمان امكانياتها حلوة بس احنا خفضنا السعر لغايت 33500 بس هيا عامة اكيد دلوقتى ارخص
معرفتش برضو ظروف بيع العربية إيه
وإيه مميزاتها عن نظائرها؟؟
هوندا اكورد موديل 90 تعمل من 35 الي 42 حسب الحالة
بيعها مش زى السيفيك يعنى سوقها اثقل شويه من الموديل ال 92 دى عربيه حكايه محترمه بجد كنت اتمنى اشترى واحده
مميزاتها عن السيفيك
ثبات اعلى - قلة اعطال - استهلاك منخفض لو بتقارن بالاوروبى
تثبيت سرعة و فى عربيات فيها سخانات كراسى و كماليات تانية (مش كل السيارات)
ناعمه كتيرعن السيفيك فى نفس الموديل & وسع داخلى و شنطه اكبر طبعا
فى منها حالات لسه عشان فئه الشباب فى الغالب بيفضلوا السيفيك
عربية محترمة جدا ... وقطع غيارها موجوده فى بورسعيد كتير ... بس شرط الحالة تكون كويسة ... لان مثلا رفايع الصالون ممكن مش تلاقيها او تلاقيها غالية ...
طبعا كلام الشباب كله مظبوط وبالنسبة لتميز العربية عن نظائرها اللى شفته من امكانيات اضافية مش فى كل العربيات:
1-ان فيها ايريال كهربائى وده مش موجود فى عربيات كتير احدث منها
2-فيها شاشة فى التابلوه بتبين اى باب مفتوح على حدة من الاربعة مش بتظهر ان فيه باب مفتوح وخلاص .
3- شاشة بتبين اذا كانت الشنطة مفتوحة وانت نسيت تقفلها.
4-شاشة بتبين اذا كان عندك لمبة من لمبات الفرامل بايظة ومش شغالة ومحتاجة تغيير بيظهرلك علامة break lamb لونها احمر
5-مرشدات لوقت تغيير الزيت بتاع المحرك وفلتر الزيت وفترة الصيانة
6-باور ستيرنج ناعم وسلس انعم من بعض السيارات الحديثة فى التحكم بالاضافة الى الثبات نظرا لان العربية واطية وقريبة من الارض
7-طبعا ده غير الكماليات العادية زى الزجاج الكهربائى والسنترلوك ولوك الاطفال وفتح الشنطة والتانك من جوه وصوت انذار فى حالة ترك الانوار الامامية او انوار التابلوه مفتوحة والتكييف وانوار جانبية فى كل باب من تحت بتنور لما تفتح الباب وفرش جلد اصلى بلون العربية
8- محرك ماشاء الله حلو مبيسخنش كتير انا قعدت سنة كاملة تقريبامن غير ماتسخن منى او افتح الردياتير