سلام الله عليكم
أود من الإخوة الكرام إعطائي مقارنة بين الأوكتافيا والسيفيك
في كل شئ وخاصة الثبات على السرعات العالية
وجزاكم الله خيرا
عرض للطباعة
سلام الله عليكم
أود من الإخوة الكرام إعطائي مقارنة بين الأوكتافيا والسيفيك
في كل شئ وخاصة الثبات على السرعات العالية
وجزاكم الله خيرا
أنا عن نفسي بحب السيفيك عن الأوكتافيا .. السفيك اشيك واكثر شبابيه وأنعم
بص لو هنتكلم على ال 2 ال 2 جامدين جدا بس ده حاجة وده حاجة لو عاوز شد وجاري وشكل شعبي أكتر يبقى سيفك لو عاوز فخامة أكتر وعربية برستيج يبقى الأوكتفيا فاهم فـصعب المقارنة وال 2 ثابتيين بس الهوندا أوطا شوية من الأكتفيا
دى سواقة و دى سواقة تانية خالص، الالمانى لما يجرى بيبقى عامل زى الكورة لما تتشاط بتطير بس ليها وزن و تقل، و اليابانى عامل زى البالونة لما تتشاط اكيد اخف من الكورة.. الوصف دا واحد صاحبى بيفهم فى العربيات قالهولى بيقارن بيه احساس الالمانى و اليابانى فى السواقة.. سيبك من الشكل الاتنين شكلهم حلو و شيك من بره و جوه، لو عايز تسارع و جرى خليك فى السيفيك لو مش فارق معاك الجرى خليك فى الاوكتافيا، دا مش معناه ان الاوكتافيا ما بتجريش بس موتور السيفيك 140 حصان اقوى بكتير..
حسب اسلوب سواقتك و احتياجاتك من العربية سواء اسلوب رياضى وده السيفيك مناسبة ليه او الاسلوب الهادى المناسب للاوكتافيا علشان العربية وزنها تقيل و مش بتاعة جرى و فرهدة
تمام ألف شكر يا رجالة
هو فعلا مشكلة السيفيك أنها خفيفة
جزاكم الله كل خير
موتور: السيفيك تكسب (1600 سي سي, 125 حصان, كامه واحده)
الأمان: زي بعض
ثبات: السيفيك اثبت بسبب ارتفاعها القليل عن الأرض و قاعدة العجلات... و لكن الفانتازيا ثابته طبعا
كماليات: الفانتازيا تكسب
شكل: اذواق لكن لو عايز شكل رياضي (سيفيك اكيد), لو عايز شكل شيك و اليجانس (فانتازيا أكيد)
وسع: فانتازيا أكبر و خصوصا الشنطه... بحر
استهلاك البنزين: اعتقد السيفيك اقل (الفرق مش كبير بردو)
قطع غيار: زي بعض (مش الفرق الفظيع يعني)
توكيل: اعتقد الفطيم افضل
يا رب اكون قدرت افيدك...
السلام عليكم
كنت فى نفس حرتك لمدة 5 شهور لغاية ما عملت مقارنة من كل ناحية على قد ما قدرت كنت بقارت اول فئة اوتو فى الاتنين
1-السعر السيفيك ارخص ب 16 الف (بالنسبة للسيفيك 2009)
2-الراحة الاوكتيفيا اريح (الراحة المقصود بيها القاعدة فى الصالون وحجم الشنطة)
3-المحرك السيفيك 125 حصان الاوكتيفيا كانت 104 حصان
4-التسارع من 0 الى 100 كم/الساعة فرق 2 ثانية تقريبا (يعنى فى فرق مسافة حوالى 55.6 متر للسيفيك بعد الوصول لسرعة 100كم/الساعة)
5-العفشة التين كويسسن
6-الثبات مجربيت الاوكتيفيا بس اكيد كويسة ( بس جربت السيفيك غرز على سرعات عالية وملف جامد اوى على سرعة 140 كم / ساعة الحمد الله كانت كويسة الملف ده اخر طريق المطار الجديد الى واصل للدائرى)
7- التوكيل الفطيم افضل بكنييييييييييييييير
8-قطع الغيار الخارجية (فانوس- كشاف-كبوت-....)السيفيك اغلى بحوالى 30% بس قطع الميكانيكية فى الاوكتيفيا اغلى بكتير علشان طبعا الالمانى
9-المعاملة مع التوكيل هوندا احسن من خلال موقف بيهتموا بالعميل اكتر من سكودا
فالحمد الله ربنا هدانى واشتريت سيفيك من حوالى 6 شهور والعربية مريحانى اما بالنسبة للارتفاع السيارة نادرا لما احك بس ده لو محمل اكتر من 450 كيلو فى العربية اما غير كدة فا الحمد الله
ولو احتجت اى حاجة ان شاء الله اقدر افيدك.