-
عفشة الالنترا
انا كنت فى موضوع قبل كده قلت لحضراتكم انى جبت النترا 2010 وحقيقى انا مش ندمان لان حقيقى الالنترا عربية ممتازة هو بس التعليق الوحيد عليها وده مش عيب قاتل هو انى بحس ان عفشتها طرية زياده عن اللزوم بمعنى ان المطبات اللى بتعملها الدولة اللى هى بتبقى من الحديد والخشب على مااعتقد بحس ان العربية بتنط شوية(طبعا مش بتنط بمعنى الكلمة علشان فى ناس ما بتصدق تلاقى كلمة وحشة على الالنترا) انما انا مش لاقى لفظ تانى يساعدنى المهم ده اللى انا بحسه عكس الاوبترا اللى كانت معايا قبلها كنت بحس العفشة جامده بس كنت بحس انى انا اللى باخد المطب .
الشىء التانى اللى انا اخدت بالى منه حتة ان مافيش تصفيح تحت الموتور وده ممكن يخللى اى حيوان صغير يخش جوه الموتور ويعمل مشكلة (بصراحة مش علرف العيب ده فى كل العربيات ولا الالنرا بس )
-
الملاحظات دى انا برضه اخدت بالى منها يا باشا
بالنسبه لموضوع العفشه انا لما ربطتها فى صيانه الالف العفشه كانت ممتازه دلوقتى بعد 3000 كيلو حاسس بالتنطيط ده برضه واعتقد ممكن تكون عايزه تربيط تانى الله اعلم او يمكن تكون دى طبيعه العفشه وعلى فكره ممكن يكون الموضوع ده من الكاوتش مش محمل وعايز يتزود شويه مش عارف
وبالنسبه لحوض الموتور انا عندى الانسر كانت كده برضه بس انا ما كنتش بشوف ارض الشارع فى الانترا بشوف الحوض يمكن واسع شوي مش عارف برضه
ما تحاولش تركز فى كل حاجه كبر كبر وربنا يباركلك يا باشا
-
مش عارف بس انا عندي النترا 2009 و عادي جدا في المطبات
بالعكس بتعجبني نعومتها الفائقة في المطبات على عكس عربيات تانية كتير بتبهدلك في المطبات
و الموتور من تحت فيه قايمين من الجنب و فيه مصد صلب في الجزء الامامي عشان لو خبطت في حجر و لا حاجة يعني متأمن تمام
و ما تشغلش بالك بحيوانات تدخل و كلام من ده سيبها على الله
-
هوه عموما عربيات هيونداي بتتنطط شويه بس النترا مش بتنط جامد يعني انت ممكن تحس بيها لما يكون راكب معاك ناس كتير ومتهيالي المشكله دي من السوست بتاعتها طريه شويه
انما هي عربيه كفاءه ومساعدينها ناعمين عشان كده بيمتصوا الصدمه حلو
Content Relevant URLs by
vBSEO 3.6.0 PL2