يعنى 6 اشخاص يموتو بالسهولة دى علشان واحد مستهتر ماشى بسرعة والمصيبة ان الموضوع ده يوميا لازم يحصل ومفيش اى حاجة بتتغير ربنا يرحمهم
عرض للطباعة
يعنى 6 اشخاص يموتو بالسهولة دى علشان واحد مستهتر ماشى بسرعة والمصيبة ان الموضوع ده يوميا لازم يحصل ومفيش اى حاجة بتتغير ربنا يرحمهم
مش مهم الرقابة علي المرور و حالة المرور و عدم وضع ضابط للمجانين من السائقين .. المهم إن منتخبنا كويس زي ما قال الريس !!! سيبونا نفرح بقي محتاجين الفرحة !!! عندنا ناس ماتت في السيول و ناس بقت في الشارع و ناس بتموت كل يوم علي الطرق محتاجين نفرح بيهم
ربنا يستر معانا يارب
لا حول ولا قوة إلا بالله
لا اله الا الله
ميكروباص شايل ارواح ناس بيلعب بيهم زي ماهو عاوز انا لشوف العجب منهم علي كوبري اكتوبر و المشكله ان الكاوتش بتاعهم بيبقي بايز خالص و كمان بيجري يعني انا اسمع انه ساعه الفحص يركب كاوتش و بعدين يشيله و يركب القديم تاني
قبل كدة كنت راكب ميكروباص فوق اكتوبر و برضة ماشي علي 90 و الكاوتش فرقع و ربنا ستر
المصايب مابتحصلش فى البلد دى غير للفقراء
أستغفر الله العظيم يارب
مرة زمان كنت راكب ميكروباص مكرم عبيد التحرير من ييجي أربع سنين كده و وهوه نازل نزلة عبد المنعم رياض العجلة الورانية اللي نحيتي طارت.......ايوة اتفكت و طارت و البيه كان فاتح لأن الكوبري كان ماشي و الأكس قعد يحك في الأسفت و ما أقولكمش عالريحة و الشياط و الشرار اللي طالع زي مطاردات الشرطة اللي بتيجي على أم بي سي أكشن كده....و الفردة الطائشة طارت و قعدت تجري و تتنطط في الملف اللي تحت الكوبري اللي بين موقف النقل العام و الجراج و موقف السرفيس اللي هناك و طبعا الناس بتيجي الملف ده بسرعة من رمسيس و قعدوا يفادوا العجلة المجنونة لحد ما أستقرت في نص الميدان و طبعا السواق مش عارف يمسك فرامل ده غير اننا على منزل الكوبري و الحمد لله اننا ما أتقلبناش و انه ما خبطش في حد جنبه و لا وراه و لا العجلة رشقت في عربية و اتسببت في حادثة........و اول ما ركن على جنب جاله أمين شرطه من بتوع حراسة المتحف و قاله فيه حاجة يا أسطى قاله لأ مفيش ده العجلة بس اتفكت!!! قاله طيب اركن على جنب مفيش وقوف هنا (اه النظام نظام فيه حد معترض).....!!!!!!!
و الناس و أولهم أنا نزلنا نتشاهد و من الفزع محدش اتخانق مع السواق اللي اصلا ساب العربية أول ما وقفت و جري تجيب العجلة لحسن يلبس قضية لأنه مكان حساس........و أولهم أنا لأني كنت عالكنبة اللي ورا جنب الشباك اللي طارت نحيته العجلة و الشرر كان كله طالع ناحيتي.......
تيجي تدور هتلاقي أصلا ممنوع صعود النقل و السرفيس على كوبري أكتوبر...............و يجعله عامر........
(على فكرة الميكروباص ده نوعه مازدا و تقريبا شغال لحد دلوقت التحرير الحي التامن قشطه عادي يعني).......