عاجل..برجاء الافادة اشترى (سيتى - قرطبة - فلوانس).كله يخش

السلام عليكم
والله انا عمال ادور على عربية كويسة المهم رسيت من على النت من المنتدى على برتون (واجا او بيرسونا) المهم رحت عز العرب و شفت العربيتان بس بصراحة التقفيل مش حلو.... خالص
المهم صرفت نظر (كان نفسى اكون مع البرتوناوية بس النصيب)
المهم طلعت على المصرية للسيارات ولفت نظرى القرطبة فول اوبشن 115,000 وsx4 فول اوبشن 107,000 وبعدين عرفت ان واحد صاحبى هيبع هوندا سيتى 2009 عاملة 6000 كم ولسة خارجة من الصيانة ب 105,000 و بعدين روحت بتنا وشوفت فلوانس رينو التحفة اتوماتك ب 120,000 المهم استبعدت sx4 عشان قطع الغيار وسعر اعادة البيع والتوكيل مبسمعش عنه حاجة... وعليه:
انا محتااااااااااااااااااار بين
1- سيتى 2009 ب 105 كسر زيرو
2- فلوانس 2010 ب 120 زيرو
3- قرطبة 2009 ب 115 زيرو
اللى انا عايزه من العربية (ثبات- كل عوامل الامان- انظمة الفرامل المتنوعة- تكون الى حد ما عائلية)
ان شاء الله هشترى اليومين دول فبرجاء الافادة

يمكن العربيات اللى حضرتك قولت عليهم كلهم زى بعض من ناحية:
- اعادة البيع بتعهم متفكرش فيها سواء كان السوزوكى sx4 (شوفتها فى اعلان فى الجنزال الجمعة نازلة فى معرض ناشيونال موتورز عليها تخفيض وصلت الى 100 الف كمان) او كان السيات قرطبة او الهوندا سيتى او حتى الرينو فلوانس
- ده غير قطع الغيار مش موجودة الا فى التوكيل وكلهم غالين نار زى بعض
- عوامل امان كلهم بردوا فيهم عوامل امان من ايرباجز وفرامل abs
نيجى لبعض الاختلاف شوية :
الاكبر والاوسع فى الصالون والشنطة حيكون الرينو
الاكثر تكنولوجيا الرينو
الاشيك فى الشكل الرينو
الاكثر ثباتا الرينو
الاحسن خامات الرينو
الاحسن استهلاك بنزين الهوندا سيتى

اختيارى
* رينو فلوانس
* هوندا سيتى
* سيات قرطبة سيدان واعتقد دى خلاص مفروض انها خلصت وعربية ممتازة بس ضيقة نسيبا فى الكنبة شوية بس عربية ممتازة بردوا
* والاختيار الاخير سوزوكى sx4

* واذا كان فرق السعر فارق معاك والعربية الهوندا سيتى نظيفة اوى فى الاستعمال ومضمونة يبقا افضل الهوندا سيتى طبعا واذا كان مش فارق معاك يبقا خاليك فى الرينو فلوانس عربية محترمة جداا

والراى رايك طبعا والاختيار اختيارك وفقا لاحتياجاتك وظروفك
ودى وجهة نظرى وربنا يوفقك

انا برضه رأيى زى استاذ أحمد

فلوونس

و انا رأيى برضة فلوانس لان انا كنت فى الحيرة دى قبل كدة و الحمد الله انى اسقريت على الرينو فلوانس

السلام عليكم
والله انا كمان ميال للفلوانس كتير... بس اولا الاتوماتك نازل ب 125 مش 120 كونتاكت كار غلط انا ساءلت الوكيل وبعدين بداية تسليم اخر 3 دا الكلام المبدئى والله اعلم... وبصراحة بقى من الصعب المرمتة فى الميكروباصات و التكسيات
انا عملت استخارة على السيتى وربنا يسهل... دعواتكم
بس اللى يجيب الفلوانس من فضلكوا ... يقولى او يراسلنى
شكرا

اقتباس:

---

المشاركة الأصلية كتبت بواسطة abd_el_7amid

السلام عليكم
والله انا كمان ميال للفلوانس كتير... بس اولا الاتوماتك نازل ب 125 مش 120 كونتاكت كار غلط انا ساءلت الوكيل وبعدين بداية تسليم اخر 3 دا الكلام المبدئى والله اعلم... وبصراحة بقى من الصعب المرمتة فى الميكروباصات و التكسيات
انا عملت استخارة على السيتى وربنا يسهل... دعواتكم
بس اللى يجيب الفلوانس من فضلكوا ... يقولى او يراسلنى
شكرا

---

انا حاجز الفلوانس و التسليم ان شاء الله منتصف مارس

اقتباس:

---

المشاركة الأصلية كتبت بواسطة bukla

انا حاجز الفلوانس و التسليم ان شاء الله منتصف مارس

---

ربنا يوفقك ويعطيك خيرها واحب اشوف ايه رايك فيها .. لانى بصراحة شكلى هاقضى ال3 او ال4 اشهر الجايين بالسيتى وبعدين اجيب الفلوانس بس احب اعرف رايك واى فئة انت حجزت وبكام؟؟؟

اقتباس:

---

المشاركة الأصلية كتبت بواسطة abd_el_7amid

السلام عليكم
والله انا كمان ميال للفلوانس كتير... بس اولا الاتوماتك نازل ب 125 مش 120 كونتاكت كار غلط انا ساءلت الوكيل وبعدين بداية تسليم اخر 3 دا الكلام المبدئى والله اعلم... وبصراحة بقى من الصعب المرمتة فى الميكروباصات و التكسيات
انا عملت استخارة على السيتى وربنا يسهل... دعواتكم
بس اللى يجيب الفلوانس من فضلكوا ... يقولى او يراسلنى
شكرا

---

ربنا يعمللك اللى فيه الخير إن شاء الله :ask:

وكن على يقي إن الإستخارة لاتأتى إلا بخير :vctry:

زي ما قال صديقي احمد مصطفى بالظبط .. فلوانس وتوكل على الله .. عربية حكاية

الكل مجمع وانا معهم على الفلوانس ,, وللعلم هتعمل شغل جامد إن شاء الله بسبب سمعة التوكيل