الموضوع: عدادات سيارات الأجرة الديجيتال الجديدة !

احلى حاجة التاكسي الجديد الاسود :)

لما اركب تاكسي بيكون اسود و موديل حديث اقلهم لانوس , احسن 100 مرة من الابيض اللى بيلعبوا فيه ده .

المشاركة الأصلية كتبت بواسطة ahmedsamir79

الوقوف علي حساب برده(في أسكندريه)

خالص حضرتك انا مجربه اكتر من مره وببقى مراقب العداد
التاكسى لو وقف حتى خمس دقايق العداد مش بيتحرك
وبعدين التاكسى ده خراب بيوت فى المسافات القصيره
بس مريح جدا فى المسافات الكبيره
يعنى انا ركبته حوالى اربع خمس مرات وبيبقى من المشيه
لحد العجمى بيوصلنى جوه على البحر وبياخد 25 جنيه وراكب تيوتا 2007
مع ان انت لو راكب التاكسى العادى حيقولك 25 او 40 جنيه ده لو كان خرده
ولو ربنا كرمك بماتريكس ولا النترا والا حتى فيرنا المهم ان التاكسى جديد ممكن يقولك 65 جنيه
موضوع انه ياخد على الوقوف اغلى من انه يمشى ده الصراحه خراب بيوت
بالزات فى مدينه زى القاهره اللى هى على طول واقفه وهتلاقى السواق
بيمشى فى الشوارع الزاحمه وبيدعى ان الاشاره تقف لان الدقيقه بربع جنيه
يعنى رسم فتح العداد على كام دقيقه وقوف يبقى انت دفعتلك 8 او 9 جنيه من غير ماتتحرك
انا بتكلم على التاكسى ده

كشف مصدر مسئول عن أن بعض موديلات سيارات التاكسي الجديد "الأبيض" بها زر يحول التعريفة التي يعمل بها التاكسي إلى تعريفة مختلفة تعرف بالتعريفة السياحية وهي أكثر من العادية بعدة جنيهات.

وقال المهندس عبد النبي -مهندس في صيانة العدادات بإحدى الشركات الخاصة للموقع الرسمي لقطاع الأخبار باتحاد الإذاعة والتليفزيون يوم الأحد إن "التعريفة السياحية" هي تعريفة للتعامل مع السائحين لكن لم يتم التعامل بها رسميا حتى الآن، وتبدأ هذه التعريفة بـ6 جنيهات لأول كيلو، ثم 2.5 جنيها لكل كيلو.

وأضاف "أن نوعا من السيارات موجود بالسوق به خاصية التعريفة السياحية، بحيث يمكن للسائق استعمالها إذا ركب معه سائح أجنبي عن طريق الضغط على مفتاح بعينه موجود في العداد، مضيفا "لكن لأن قانون وجود تعريفة سياحية لم يطبق حتى الآن، فالمفترض ألا يستعملها السائق وعليه أن يتوجه إلى الشركة المختصة لإلغائها. وهذا قليل ما يحدث".

كما أشار عبد النبي إلى أن العدادات الجديدة رقمية، أي أنها تعمل بالكمبيوتر ومثلها مثل أي جهاز حاسب آلي يمكن إعادة برمجتها، موضحا أن السائقين يستلمون سيارات التاكسي الأبيض بعدادات مجهزة وتم اختبارها جيدا بحيث لا يترك مجالا للأخطاء، ولكن البعض يتلاعب بها فتتغير التعريفة.

دة الكلام لسه مكتوب أهو عن نفس الموضوع إلي حضرتك كنت بتتكلم عنه .