عدادات سيارات الأجرة الديجيتال الجديدة !
موقف غريب حصل النهارده ... كنت رايح مشوار من نصر الدين في الهرم الي البنك الوطني المصري في المهندسين عند جامع مصطفي محمود .. رحت بالتاكسي الجديد عشان مفيش ركنات هناك وكنت اول مرة اركبه الصراحه .. المشوار وانا رايح خد 11.25 جنيه .. رحت مطلع 11 جنيه وبدور علي نص جنيه ولا ربع جنيه اديهوله قالي خلاص يا بشمهندس مجتش علي ربع جنيه ! .. المهم .. وانا راجع ركبت تاكسي من الجداد دول برضه اسبرانزا .. ورجعت من نفس السكه ومن نفس نقطة الوصول والعداد كانت قرايته 8.5 !! تيجي ازاي دي يا جماعه ؟ هل فيه لعب في العدادات ؟ مع العلم ان الطريق مكنش واقف وكان ماشي علطول مفيش اشارات ولا زحام ؟ :11: