عرض للطباعة
اكبر غلطة عملتها فى حياتى عربية عمى كانت مركونة بقالها شهرين ولسه ابنه واخدها الاسبوع اللى فات مغير لها زيت ومكانش في الردياتير مياه طبعاً الزيت اتبخر وجيت حضرتى اخدتها اغير لها بطارية ومبصتش على المياه او الزيت وطبعاً الباقى معروف جابت محرك فاجبلها منين محرك جديد كامل ويتكلف كام وايه الاجراءات اللازمة لتغيير المحرك ارجوكم افيدونى بأى معلومة ممكنة انا كنت ناوى اتجوز بس بعد الموضوع ده نسيت خلاص ههههههه .
همم .. فورد مونديو ..كان عندي قطع غيار فيستا لكن معنديش فورد مونديو ...
لو غلبت خالص و مالقتش ممكن تبقي ترد عليا و اشوفلك الدنيا فيها ايه .. لكمن علشان اقولك عندي و احيبهلوك دلوقتي ابقي كداب.
الاجراءات : و دي اهم شيء :
هاتشتري محرك استيراد وارد الخارج , هايقولك مبلغ و قدره كذا..
الاجراءات طبعاً انك هتاخد المحرك و تطلع علي الميكانيكي يركبه و تطلب من التاجر يعملك الورق بتاعه (الافراج الجمركي) و ده التاجر بياخد عليه حوالي 200 جنيه اضافيه غير تمن المكنه .. بيعملهالك في خلال اسبوعين او تلاته بالكتير بتصور صوره الرخصه و البطاقه و تسيبهاله ماتخافش.
تتاكد ان التاجر يديك شهاده مكتوب عليها رقم الصادر من مرور الدراسه و دي اللي هاتقدمها في المرور ترخص بيها
اهلا باهل السويس .. انا بردوا من السويس ...
بص يا سيدى انا اعرف اساعدك .. فى عندك حلين ..
1- اسماعليه : فى واحد بتاع فورد واوبل وبيجو ده انا بتعامل معاه وكويس جدا وعنده مواتير كتييييييييييييير سواء مونديو او فورد بكل انواعها ... وده رقمه 0185988132 اسمه محمود .. اساله على اللى انت عايزه ... وكمان ممكن اخدك ونروح نجيب المكنة اللى انت عايزها ...
2- بورسعيد : هتنزل بنك الاسكان فى سوق قطع الغيار وتسال على كلى اللى انتن عايزه وبردوا هتلاقى المكن كتير ....
لو فى اى حاجة انا فى الخدمه
ممكن حضرتك توضح المتور كام سي سي 1600/2000 وممكن تشوف في بورسعيد او الحرفين هتلاقي اكيد وهتلاقي في القاهرة اكتر من ميكانيكي فورد وقطع غيار كويس فانصحك تتعب وتيجي القاهرة.
هتجيب متور فاضي وش علي بلوك علشان يكون ارخص لو احتجت مساعدة انا حصلي نفس الموقف فعندي خبرة وممكن اساعدك .
الاخ صاحب الموضوع انت هاتحتاج تيجيب حاجة اسمها مكنة اورما او مكنة فاضية
يعني انت هاتجيب جزء من الموتور مش موتور كامل و هاتروح عند ميكانيكي يركبة و تتفق مع الميكانيكي انه هو الي هايجي يختار الموتور علشان بعد التدوير بتاع العربية لو طلع الموتور خفيف او محتاج يتغير يبقي الفك و التركيب على الميكانيكي مش عليك
مصنعية التركيب اول مرة من 400 لـ 500 جنيه و تمن المكنة الاورما لل 1600 2500 لـ 2750 ديه اسعار القاهرة انا معرفش بتاع الاسماعيلية بيبعها بكام و معرفش اسعار المواتير الـ 2000 كام
فيه واحد فى الحرفيين استيراد قطع غيار فورد
أسمه محمد 0106736601
ممكن تروحله و تسأله او تكلمه فى التليفون
اشكر الجميع المحرك عمل 7000 بكل حاجة بجد اسف على تعبكم ودى اخر اللى ميسمعش كلام نايل موتورز كويس .
هو انت جبت ايه بالظبطاقتباس:
المشاركة الأصلية كتبت بواسطة tamergalal